Miya Ko‘prigi: Miya ustunining qismi

Miya koʻprigi, shuningdek, Italyan anatomi va jarrohi Costanzo Varolio (1543–75) sharafiga Varoliy koʻprigi (lotincha: pons Varolii) deb ham ataladi. Miya ustunining bu sohasi bosh miyadan miyacha va uzunchoq miyaga tushadigan signallarni oʻtkazuvchi neyral yoʻllar va sezgi signallarini talamusga olib chiquvchi traktlarni ham oʻz ichiga oladi.

Miya ustunidagi miya ko'prigi

Uzunchoq miya va miya koʻprigining oldingi pastki koʻrinishi

Miya ustunidagi koʻprik oʻrta miya va uzunchoq miya orasida, miyachaning oldida joylashgan. Miya koʻprigi va uzunchoq miyani ajratib turuvchi soha pastki koʻprik egati (lot. sulcus pontineus inferioris). Yuqorigi koʻprik egati (lot. sulcus pontineus superioris) miya koʻprigini oʻrta miyadan ajratib turadi. Miya koʻprigi ikki qismga boʻlinishi mumkin: miya koʻprigining asosi (ventral pons) va miya koʻprigi tomi (dorsal pons). Koʻprik yuzasidan pastga qarab tushuvchi chiziq bazilyar egat boʻlib, u orqali bazilyar arteriya oʻtadi. Koʻprikning asosiy qismi bazilyar arteriyadan chiquvchi koʻprik arteriyalari orqali qon bilan ta’minlanadi. Miya koʻprigining kichik qismi oldingi va orqa pastki miyacha arteriyasi orqali qon bilan ta’minlanadi.

Odamlarda miya koʻprigi uzunligi taxminan 2,5 sm. Uning asosiy qismi uzunchoq miya ustidagi keng doʻnglik sifatida koʻrinadi. Orqa tomondan, Miyacha oyoqchalari deb ataluvchi ikki juft yoʻgʻon poyadan iborat. Ular miyachani koʻprik bilan (oʻrta miyacha oyoqchasi) va oʻrta miya bilan bogʻlaydi (yuqorigi miyacha oyoqchasi).

Rivojlanishi

Embrional rivojlanish davomida, metencephalon rhombencephalondan rivojlanadi va ikkita strukturaga aylanadi: miya koʻprigi va miyacha. Qanot plastinkasi sensor neyroblastlarni hosil qiladi, ular boʻlsa solitar yadro va maxsus visseral afferent ustunga aylanadi; koxlear va vestibulyar yadro vestibulokoxlear nervning maxsus somatic afferent tolalarini, uch shoxli nervning umumiy somatik afferent ustunini hosil qiluvchi spinal va asosiy uch shoxli nerv yadrolarini va miyacha bilan bogʻlangan koʻprik yadrolarini hosil qiladi.

Bazal plastinka neyroblastlari umumiy somatic efferent tolalarni hosil qiluvchi uzoqlashtiruvchi yadro; maxsus visseral efferent ustunni hosil qiluvchi yuz va harakatlantiruvchi uch shoxli nerv yadrolari va yuz nervining umumiy visseral efferent tolalarini hosil qiluvchi yuqorigi soʻlak ajratuvchi yadroga aylanadi.

Yadrolari

 

Koʻprikda koʻplab bosh miya nervlari yadrolari mavjud:

• koʻprik oʻrtasi: uch shoxli nervning 'bosh' yoki 'koʻprik' sezgi yadrosi (V)
• koʻprik oʻrtasi: uch shoxli nervning harakat yadrosi (V)
• koʻprikda pastga tushganda: uzoqlashtiruvchi yadro (VI)
• koʻprikda pastga tushganda: yuz nervi yadrosi (VII)
• koʻprikda pastga tushganda: vestibulokoxlear yadrolar (vestibulyar yadrolar va koxlear yadrolar) (VIII)

Ushbu toʻrt bosh miya nervlari (V-VIII)ning funksiyasiga nafas olishni boshqarish, ixtiyorga bogʻliq boʻlmagan harakatlarni boshqarish, eshitish, muvozanat va ta’m bilishda sensor rol va ogʻriq va tegish kabi yuz sezgilari, shuningdek, koʻz harakati, yuz ifodalari, chaynash, yutish kabi harakatlar va soʻlak va ter ajralishi kabilar kiradi.

Miya koʻprigi signallarni old miyadan miyachaga oʻtkazuvchi yadrolardan iborat, shuningdek toʻgʻridan-toʻgʻri uyqu, nafas olish, yutish, qovuq boshqariluvi, eshitish, muvozanat, ta’m bilish, koʻz harakati, yuz ifodalari, yuz sezgilari va tana holatida qatnashuvchi yadrolari ham bor.

Miya koʻprigida subparabraxial va medial parabraxial yadrolardan tashkil topgan pnevmotaksik markaz bor. Bu markaz nafas olishdan chiqarishgacha boʻlgan oʻzgarishlarni boshqaradi.

Miya koʻprigi uyqu falaji bilan aloqador va tushlar hosil boʻlishida ishtirok etishi mumkin.^{[manba kerak]}

• Markaziy koʻprik miyelinolizi demiyelinlanish kasalligi boʻlib, muvozanat, yurish, tegish sezgisi, yutish va gapirishdagi muammolarga sabab boʻladi. Bu odatda, klinika sharoitida, transplantatsiya qilish yoki qondagi natriyning tez korreksiyasi bilan bogʻliq. Tashhislanmasa, oʻlimga yoki locked-in sindromi (psevdokoma)ga olib kelishi mumkin.

Evolyutsiyasi

Miya koʻprigi birinchi uzunchoq miya retikulyar formatsiyasining shoxi sifatida rivojlangan. Minogalarda miya koʻprigi borligi, uning birinchi agnatanlar paydo boʻlgan 505 million yil avvalgi davrlardan beri uzunchoq miyadan alohida soha sifatida mavjud ekanligi haqida taxmin qilishga asos boʻladi.

•  
  Miya koʻprigining joylashuvi va topografiyasi (animatsiya)
•  
  Miya koʻprigininng aksial kesimi, yuqori qismidan
•  
  Oʻrta va ortki miyalar; posterolateral koʻrinish
•  
  Bosh miyaning median sagittal kesimi
•  
  Miya koʻprigi va ustunining yadrolari
•  
  Bosh miya. Chuqur kesma. Pastki kesma.

• ; Alloway, DMedical neuroscience. Hayes Barton Press, 1999. ISBN 978-1-59377-200-0.  (Wayback Machine saytida 2015-11-23 sanasida arxivlangan)
• ; Hodos, WComparative vertebrate neuroanatomy: evolution and adaptation. Wiley-Blackwell, 2005. ISBN 978-0-471-21005-4. 

Vikiomborda Miya ko‘prigi haqida turkum mavjud

• Diagram at UCC