Elena Alexandra Apostoleanu (talaffuzi: Yelena Aleksandra Apostolyanu; 16-oktyabr 1986-yilda tugʻilgan) Inna taxallusi ostida tanilgan rumin qoʻshiqchisi va qoʻshiqnavisidir.
Mangaliada tugʻilib, Neptunda oʻsgan Inna Ovidius universitetida siyosatshunoslik boʻyicha tahsil olgan. Keyinchalik, rumin triosi boʻlmish Play & Win musiqiy guruhi bilan uchrashib, musiqada oʻz karyerasini davom ettiradi. 2008-yilda u „Alessandra“ taxallsuini oldi; keyinchalik, bu nomni „Inna“ga oʻzgartirdi. Uning „Hot“ (2008) nomli debyut singli umumjahon boʻylab tijorat jihatdan muvaffaqiyat qozonib, Romaniya va Billboard Hot Dance Airplay chartlarida yuqori pogʻonalardan oʻrin oldi. Inna 2009-yilda ilk studiyaviy albomi — Hotni chiqardi hamda bu albom uchun oltin va platina sertifikatlarni oldi. Albomning „Amazing“ (2009) ashulasi xonandaning Ruminiyada musiqiy chartlarda birinchi oʻrinni band etgan ikkinchi singli boʻldi.
Inna | |
---|---|
Inna 2021-yilda | |
Umumiy maʼlumot | |
Tavalludi | Elena Alexandra Apostoleanu 16-oktyabr 1986-yil Mangalia, Ruminiya |
Fuqaroligi | Ruminiya |
Leybl |
|
Taʼlimi | Ovidius universiteti |
Janr | EDM |
Amplua |
|
Faoliyat yillari | 2008 – hozirgacha |
Veb-sayt | innaofficial.com |
Inna 2011-yilda ikkinchi albomi boʻlmish I Am the Club Rockerni ommaga taqdim etib, albomdagi „Sun Is Up“ (2010) singli ortidan global miqyosda shuhrat qozondi. Hatto, ushbu ashula Eurodanceweb Awardga loyiq koʻrildi, buning ortidan Inna bu mukofotga sazovor boʻlgan ilk va yagona rumin qoʻshiqchisiga aylandi. 2011-yilga kelib, Inna eng yuqori haq toʻlanuvchi rumin va Sharqiy Yevropa artisti, deb eʼlon qilindi. Uning keyingi studiyaviy albomi sanalmish Party Never Ends (2013) ikki yil ketma-ket „Eng yaxshi albom“ nominatsiyasida Romanian Music Awardsga nomzod boʻldi hamda Meksika musiqiy chartlarida top oʻntalikka kirdi. Albomdagi Daddy Yankee bilan birgalikda ijro etilgan „More than Friends“ ashulasi hit qoʻshiq boʻldi. 2014-yilda Inna Atlantic Records bilan shartnoma imzoladi va J Balvin bilan birgalikda ijro etilgan „Cola Song“ qoʻshigʻini chiqardi. Ashula tijorat jihatdan muvaffaqiyat qozondi.
Innaning toʻrtinchi va oʻzining ismi bilan nomlangan albomi 2015-yilning oktyabrida chiqarildi. Undagi „Diggy Down“ ashulasi qoʻshiqchining Ruminiya musiqiy chartlarida birinchi oʻrinni band etgan uchinchi singli boʻldi. 2017-yildan boshlab, Inna Vocea României Junior isteʼdodlar shousida Andra va Marius Moga bilan birgalikda hakamlik qildi. Shu yili Nirvana nomli beshinchi albomini chiqardi. Albom Romaniya va Turkiya kabi Yevropa mamlakatlari xit-paradlarida yuqori oʻrinlarni egalladi. U 2018-yilda Roc Nation bilan shartnoma imzoladi hamda oltinchi studiyaviy albomi Yoni 2019-yilning mayida chiqardi. Yettinchi studiyaviy albomi — Heartbreakerni 2020-yilning noyabrida chiqardi.
Ilk uch studiyaviy albomi umumjahon boʻylab toʻrt million nusxada sotilgani ortidan Inna eng koʻp albomini sotgan artist boʻldi. U koʻplab yutuqlarga, jumladan Balkan Music Awards, European Border Breakers Award, MTV Europe Music Awards va Romanian Music Awardsga sazovor boʻlgan. Inna inson huquqlari faoli boʻlib, oiladagi zoʻravonlikka qarshi aksiyalarda qatnashadi, bolalar va LGBT huquqlarini qoʻllab-quvvatlaydi.
Vikiomborda Inna haqida turkum mavjud |
This article uses material from the Wikipedia O‘zbek article Inna, which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). Matndan CC BY-SA 4.0 litsenziyasi boʻyicha foydalanish mumkin (agar aksi koʻrsatilmagan boʻlsa). Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki O‘zbek (DUHOCTRUNGQUOC.VN) is an independent company and has no affiliation with Wiki Foundation.