Bahodir Jalolov Isomiddin oʻgʻli (1994-yil 8-iyulda tugʻilgan) — ogʻir vazn toifasida professional bokschi.
Oʻzbekiston Respublikasi xalqaro toifadagi sport ustasi, Olimpiya oʻyinlari chempioni (2020-yil), ikki karra jahon chempioni (2019-yil, 2023-yil), jahon chempionatining bronza medali sovrindori (2015-yil), uch karra Osiyo chempioni (2017-yil, 2019-yil, 2021-yil). 2019-yilda „Oʻzbekiston iftixori“ unvoni bilan taqdirlangan.
Bahodir Jalolov | ||||||||||||||||||||||||||||||||||||||
---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|
Statistikasi | ||||||||||||||||||||||||||||||||||||||
Vazn toifasi | Oʻta ogʻir vazn | |||||||||||||||||||||||||||||||||||||
Boʻyi | 201 cm | |||||||||||||||||||||||||||||||||||||
Fuqaroligi | Oʻzbekiston | |||||||||||||||||||||||||||||||||||||
Tavalludi | 8-iyul 1994-yil Sariosiyo, Oʻzbekiston | |||||||||||||||||||||||||||||||||||||
Uslubi | Chapaqay bokschi | |||||||||||||||||||||||||||||||||||||
Medallari va yutuqlari
|
Professionallar orasida ogʻir vazn toifasida NABF Junior boʻyicha oʻsmirlar oʻrtasida Shimoliy Amerika chempioni (2019-yildan hozirgacha). 2021-yil aprel oyi holatiga koʻra, BoxRec reytingidagi eng yaxshi pozitsiyani — 73-oʻrinni qayd etgan va ogʻir vazn toifasida oʻzbekistonlik bokschilar orasida 1-oʻrinda. 2019-yil sentyabr oyida asosiy xalqaro boks tashkilotlari reytinglariga koʻra, u WBC reytingida 40-oʻrinni egalladi va dunyoning eng yaxshi ogʻir vazn toifasidagi TOP-75 ga kirdi.
U boksni Chirchiq olimpiya zaxiralari kollejining 7-sinfida Rustam Saidov va Toʻlqin Qilichev bilan boshladi. 2009-yilda yoshlar oʻrtasidagi mamlakat chempionatining kumush medalini qoʻlga kiritdi.
2013-yilda Oʻzbekiston chempioni boʻldi va 2014 va 2015-yillarda u ushbu muvaffaqiyatini takrorladi.
2015-yilda Jahon chempionatining bronza medalini qoʻlga kiritdi.
2016-yil avgust oyida u Olimpiadada ishtirok etdi, ochilish marosimida Oʻzbekiston terma jamoasining bayroqdori boʻlgan. Olimpiadada u chorak finalga chiqdi: nimchorak finald u venesuelalik tajribali bokschi — Edgar Munozni nokautga uchratdi. Biroq chorak finalda hakamlar qarori bilan 0:3 hisobda britaniyalik Jozef Joysga yutqazdi.
2017-yil may oyida u Toshkentda 91 kg dan yuqori vazn toifasida Osiyo chempioni boʻldi va finalda qozogʻistonlik bokschi Kamshibek Kunkaboyevni magʻlub etdi.
2017-yil avgust oyida Gamburg (Germaniya)da boʻlib oʻtgan jahon chempionatida ishtirok etib, nimchorak finalda Jalolov tajribali Deyn Kem Yungkvistni 1-raundda nokaut qilib, gʻalaba qozondi. Biroq chorak finalda juda 2:3 hisob bilan qozogʻistonlik Kamshybek Konkaboevga yutqazdi.
2019-yil aprel oyida u Bangkokda (Tailand) 91 kg dan yuqori vazn toifasida qozogʻistonlik Kamshybek Kunkabayevni finalda magʻlub etib yana Osiyo chempioni boʻldi.
2019-yil sentyabr oyida u Yekaterinburgda (Rossiya) boʻlib oʻtgan jahon chempionatida, chorak finalda 20 yoshli amerikalik bokschi Richard Torrezni nokaut bilan yengib, yarim finalda rossiyalik tajribali Maksim Babaninni magʻlub etdi (5:0) va finalda qozogʻistonlik tajribali bokschi Kamshybek Konkabayev bilan jangga tushib, 5:0 hisobda jahon chempioni boʻldi.
2021-yil fevral oyida u Sofiyada (Bolgariya) boʻlib oʻtgan „Strandzha Cup“ xalqaro turnirining u 91 kg dan yuqori vazn toifasida ukrainalik Tsotne Rogavani magʻlub etib, gʻolib boʻldi.
2021-yil aprel oyida u „Sankt-Peterburg gubernatori kubogi“ xalqaro turnirining finalida tajribali rossiyalik Ivan Veryasovni magʻlub etib, gʻolibi boʻldi.
2021-yil may oyida u Dubayda (BAA) 91 kg dan yuqori vazn toifasida yana finalda qozogʻistonlik Kamshybek Kunkaboevni magʻlub etib Osiyo chempioni boʻldi.
2020-yil mart oyida Amman shahrida (Iordaniya) u 1-oʻrinni egalladi va 2020-yilgi Olimpiada oʻyinlariga Osiyo/Okeaniyadan saralash turniriga yoʻllanma oldi. 2021-yil iyul-avgust oylarida Tokioda boʻlib oʻtgan 2020-yilgi Olimpiada oʻyinlarining ochilish marosimida u ketma-ket ikkinchi marta Oʻzbekiston milliy terma jamoasining bayroqdori boʻldi. Olimpiada oʻyinlarida qatnashib, musobaqaning nimchorak finalida tajribali ozarbayjonlik Muhammad Abdullaevni 5:0 hisobida yengdi. Finalda amerikalik richard Torres bilan jang qildi. 3 raund davom etgan jangda raqibini yengib, oltin medalni qoʻlga kiritdi. Bu Oʻzbekiston delegasiyasining Tokio-2020 dagi 5-medali hisoblanadi. Olimpiada chempioni boʻlgan Bahodir Jalolovga Prezident sovgʻasi — „Chevrolet Tahoe“ avtomobili sovgʻa qilindi. Shuningdek, xonadon kaliti va 200 ming dollar miqdordagi pul mukofoti topshiriladi..
2018-yil fevral oyida u Amerikaning Fight Promotions promouterlik kompaniyasi bilan shartnoma imzoladi. 2018-yil 5-may kuni AQShda magʻlub boʻlmagan meksikalik bokschi Ugo Truxiloni 3-raundda texnik nokaut bilan magʻlubiyatga uchratib (4-0-1), professional ringda muvaffaqiyatli debyut qildi.
2019-yil 10-aprelda Nyu-Yorkda (AQSh) oʻtkazilgan 6-jangida u amerikalik Brendan Barretni 1-raundda nokaut bilan magʻlub etdi (7-2-2) va oʻsmirlar oʻrtasida ogʻir vazn toifasidagi NABF Junior Shimoliy Amerika chempioni unvonini qoʻlga kiritdi.
2022-yil 11-iyunda Nyu-Yorkda (AQSh) ogʻir vazn toifasida harakat qilib kelayotgan Bahodir Jalolov (10−0, 10KO) belgiyalik bokschi Jek Mulovaiga (11−2-1, 7KO) 8-jangida nokaut bilan magʻlub etdi.
N | Natija | Rekord | Raqib | Turi | Raund, vaqt | Sana | Manzil | Eslatma |
---|---|---|---|---|---|---|---|---|
13 | G‘alaba | 8–0 | Onorede Ehwareme | KO | 1 (8), 2:14 | 26-avgust 2023 | Hard Rock Hotel & Casino, Tulsa, Oklahoma, AQSh | |
12 | G‘alaba | 12-0 | Curtis Harper | KO | 4 (10), 1:53 | 26-noyabr 2022 | Dignity Health Sports Park, Carson, Kaliforniya, AQSh | |
11 | G‘alaba | 11-0 | Jack Mulowayi | KO | 8 (8), 1:20 | 10-iyun 2022 | Turning Stone Resort & Casino, Verona, Nyu York, AQSh | |
10 | G‘alaba | 10-0 | Kamil Sokołowski | TKO | 5 (8), 1:17 | 18-mart 2022 | Aviation Club Tennis Centre, Dubay, BAA | |
9 | G‘alaba | 9-0 | Julio Cesar Calimeno | TKO | 1 (6), 0:46 | 11-dekabr 2021 | Coca-Cola Arena, Dubay, BAA | |
8 | G‘alaba | 8-0 | Kristaps Zutis | TKO | 2 (6), 1:16 | 3-aprel 2021 | Humo muz saroyi, Toshkent, O'zbekiston | |
7 | G‘alaba | 7-0 | Wilfredo Leal | RTD | 1 (6), 3:00 | 12-dekabr 2020 | Salon CTM, San Luis Rio Colorado, Meksika | |
6 | G‘alaba | 6-0 | Brendan Barrett | KO | 1 (6), 2:45 | 10-aprel 2019 | Sony Hall, Nyu York, AQSh | WBC-NABF o'smirlar og'ir vazn unvoni |
5 | G‘alaba | 5-0 | Willie Harvey | TKO | 2 (6), 1:11 | 15-mart 2019 | Marconi Automotive Museum, Tustin, Kaliforniya, AQSh | |
4 | G‘alaba | 4-0 | Marquis Valentine | KO | 1 (4), 2:29 | 8-dekabr 2018 | Industry Hills Expo Center, La Puente, Kaliforniya, AQSh | |
3 | G‘alaba | 3-0 | Tyrell Wright | RTD | 4 (6), 3:00 | 27-oktyabr 2018 | Hulu Theater, Nyu York, AQSh | |
2 | G‘alaba | 2-0 | Eduardo Vitela | KO | 1 (6), 0:47 | 29-sentyabr 2018 | Kings Theatre, Nyu York, AQSh | |
1 | G‘alaba | 1-0 | Hugo Trujillo | TKO | 3 (6), 1:14 | 5-may 2018 | Foxwoods Resort Casino, Mashantucket, Konnectikut, AQSh |
This article uses material from the Wikipedia O‘zbek article Bahodir Jalolov (bokschi), which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). Matndan CC BY-SA 4.0 litsenziyasi boʻyicha foydalanish mumkin (agar aksi koʻrsatilmagan boʻlsa). Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki O‘zbek (DUHOCTRUNGQUOC.VN) is an independent company and has no affiliation with Wiki Foundation.