پیچش (dysentery) ایسے مرض کو کہتے ہیں کہ جب آنتوں میں شوزش (inflammation) کی کیفیت پیدا ہو جاتی ہو اور اس حالت میں عام طور اسہال کی کیفیت بھی نمودار ہوجاتی ہے لیکن لازمی نہیں کہ ہمیشہ ایسا ہوتا ہو۔ آنتوں کی سوزش عام طور پر اس آنت کے حصے میں زیادہ دیکھنے میں آتی ہے جسے قولون (colon) کہتے ہیں۔ پیچش کی کیفت میں پیٹ میں مروڑ (cramp)، درد، متلی (nausia) اور قے کی علامات بھی ظاہر ہو سکتی ہیں۔ مزید یہ کہ پیچش میں جو اسہال ہوتا ہے اس میں سوزش یا التہاب کے باعث ہونے والی نسیجی توڑ پھوڑ کی وجہ سے چکناہٹ (mucus) اور خون کی ملاوٹ بھی نظر آسکتی ہے۔ پیچش متعدد اقسام کے خردنامیوں (microorganisms) کی وجہ سے پیدا ہو سکتی ہے جن میں virus، اوالین (protozoa)، جراثیم (bacteria) اور طفیلیوں (parasite) وغیرہ کے ساتھ ساتھ کیمیائی خراشین (irritants) بھی شامل ہو سکتے ہیں۔ پیچش کی نہایت عام اقسام میں جراثیم shigella کی وجہ سے ہونے والی عصوی پیچش (bacillary dysentery) اور طفیلیہ امیبہ (ameba) کی وجہ سے ہونے والی امیبی پیچش (amebic dysentery) شامل ہیں۔
This article uses material from the Wikipedia اردو article پیچش, which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). تمام مواد CC BY-SA 4.0 کے تحت میسر ہے، جب تک اس کی مخالفت مذکور نہ ہو۔ Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki اردو (DUHOCTRUNGQUOC.VN) is an independent company and has no affiliation with Wiki Foundation.