جمالا

سوزانا جمالادینووا اوش، کرغیز اشتراکی جمہوریہ میں کریمیائی تاتار باپ اور آرمینیائی ماں کے یہاں پیدا ہوئی تھی۔۔ اس کے کریمیائی تاتار آباواجداد جبرًا ملک بدر کیے گئے تھے۔ یہ واقعہ جوزف اسٹالن کے دور مین دوسری جنگ عظیم کے دوران میں پیش آیا تھا جب ان لوگوں کو وسط ایشیائی جمہوریہ میں منتقل کیا گیا باوجود اس کے کہ وہ لوگ سوویت یونین کی طرف سے ہی نبرد آزما تھے۔

جمالا روسی کو بطور مادری زبان استعمال کرتی ہے جبکہ وہ یوکرینی کو وہ روانی سے بولتی ہے جسے اس نے اپنی نوجوانوں کے دنوں میں سیکھا تھا۔ حالانکہ وہ کریمیائی تاتاری میں بھی کچھ نغمے لکھ چکی ہے، وہ اس زبان میں زیادہ گفتگو نہیں کرسکتی ہے۔

اس کے ماں باپ چار سال تک زیر طلاق رہے تاکہ اس کی ماں اپنے پیدائشی نام سے کریمیا میں اپنے پیدائشی نام کے ساتھ گھر خرید سکے۔ اس دور میں سوویت ارباب مجاز کی جانب سے جمالا کے باپ کی طرح تاتاروں کو کریمیا میں زمین خریدنے سے روک دیا گیا تھا۔

ابتدائی رجحان

جمالا بچپن سے موسیقی کی شوقین تھی۔ اس نے نو سال کی عمر میں پیشہ ورانہ ریکارڈنگ شروع کی، جس میں 12 بارہ لوک اور بچوں کے کریمیائی تاتار نغمے شامل تھے۔ وہ سمفیروپول موسیقی کالج میں شریک ہوئی۔ اس کے بعد وہ چائیکووسکی نیشنل میوزک اکیڈمی آف یوکرین سے اوپرا گلوکارہ کے طور پر تعلیم مکمل کی، مگر اس نے پاپ موسیقی کو ذریعہ روزگار بنایا۔

2010–11: فار ایوری ہارٹ

  تفصیلی مضمون کے لیے فار ایوری ہارٹ ملاحظہ کریں۔

14 فروری 2010ء کو جمالا نے اپنا پہلا یگانہ نغمہ تم محبت سے بنے ہو اپنی پہلی اسٹوڈیو البم فار ایوری ہارٹ سے جاری کیا۔ اسی سال 18 اکتوبر کو اس نے یہ میں، جمالا ہوں جاری کیا۔ اس کے اگلے مہینے کی 23 تاریخ کو اس نے مسکان جاری کیا۔ 2011ء میں اس نے یوکرین کے انتخابی مقابلے برائے وسیع تر یوروویژن مقابلہ نغمہ جات میں اپنے نغمے مسکان کے ساتھ حصہ لیا۔ یہ نغمہ مجمع میں مقبول رہا اور جمالا مقابلے کے اخری مرحلے تک رسائی کر سکی۔ تاہم وہ بعد میں دستبردار ہو گئی۔ 12 اپریل 2011 کو اس نے اپنا پہلا یگانہ البم فار ایوری ہارٹ مون ریکارڈز یوکرین کے ذریعے جاری کیا۔

2012–14: آل آر نتھنگ اور تھینک یو

  تفصیلی مضامین کے لیے آل آر نتھنگ (جمالا البم)  اور تھینک یو (ای پی) ملاحظہ کریں۔

 

8 نومبر 2012ء کو جمالا نے "Ya Lyublyu Tebya" (روسی: "Я Люблю Тебя"، اردو: " مجھے تم سے محبت ہے") جاری کیا کہ جو اس کی دوسری البم آل آر نتھنگ کا حصہ ہے۔ اس نے اس کے بعد زخم خوردہ جاری کیا اور پھر کیکٹس (یوکرینی: "Кактус"‎، انگریزی: "Cactus") کو 6 مارچ 2013ء کو جاری کیا جو اسی البم کا تیسرا اور آخری یگانہ نغمہ ہے۔ اسی مہنیے کی 19 کو اس نے آل آر نتھنگ البم مون ریکارڈز یوکرین کے ذریعے جاری کیا۔

25 ستمبر 2014ء کو اس نے زاپ لُو تالاس (یوکرینی: "Заплуталась"‎، اردو: "الجھن میں") اپنی دوسری البم تھینک یو سے جاری کیا۔ اس البم کو 1 اکتوبر 2014ء کو اینجائے ریکارڈز کے ذریعے جاری کیا۔

2015 پوڈیخ

  تفصیلی مضمون کے لیے پوڈیخ (البم) ملاحظہ کریں۔

26 مارچ 2015ء کو اوخیما (یوکرینی: "Очима"‎، اردو: "آنکھیں") جمالا کے تیسرے البم سے جاری کیا گیا تھا۔ شلیاخ دو دو منہ (یوکرینی: "Шлях додому"‎، اردو: "گھر کا راستہ") اس کے بعد 18 مئی 2015ء کو جاری ہوا۔ اسی سال 15 جون کو پوڈیخ (یوکرینی: "Подих"‎، اردو: "سانس") جاری ہوا۔ اس نے اسی نغمے کی مناسبت سے اپنی البم سال کے اخیر میں یعنی 12 اکتوبر کو جاری کی۔ یہ البم اینجائے ریکارڈز کے ذریعے جاری ہوئی ہے۔

جمالا یوروویژن نغموں کے مقابلے 2016ء میں

 

جمالا نے کامیاب انداز میں یوکرین کی یوروویژن نغموں کے مقابلے 2016ء میں نمائندگی کی۔ اس کے نغمے کا عنوان 1944 تھا۔ یہ نغمہ کریمیائی تاتاریوں کی جبری ملک بدری کے بارے میں ہے جو 1944ء کا واقعہ تھا۔ اس المیے میں بطور خاص اس پردادی متاثر ہوئی تھی جو اپنی بیٹی وسط ایشیا منتقلی کے دوران میں کھو چکی تھی۔ جمالا نے یہ نغمہ 2014ء میں لکھا تھا۔ 14 مئی 2016ء کو یہ اعلان کیا گیا کہ وہ مقابلہ 534 پوائنٹ سے جیت چکی ہے۔

جمالا کے نغمے کو روسی ذرائع اور ماہرین قانون 2014ء میں روس کے کریمیا پر قبضے اور روس اور یوکرین کے بیچ ڈانباس میں جاری فوج کشی پر تنقیدی نگاہ ہے۔ اس جیت کے بعد جمالا کو یوکرین کے صدر پیٹرو پوروشینکو نے اسے یوکرینی عوام کی فنکار کا خطاب دیا۔ 17 مئی 2016ء کو پوروشینکو نے اعلان کیا کہ یوکرین کی وزارت خارجہ جمالا کو یونیسیف کے خیرسگالی سفیر کے طور نامزد کرے گی۔

اسٹوڈیو البم

راست البم

یگانہ نغمے

• دفتری ویب سائٹ