Эбру

Тускай холумактыг суг кырынга чураан чурукту саазынче азы кандыг-ла бир кадыг чүүлче (ыяш, пөс, шил, даш, кеш) ол чурукту көжүруп алыры.

 

Эбру деп техниканың тыптып келген төөгүзү аңгы-аңгы вариантылыг. Чамдык улус эбру деп техника Кыдаттан, Япониядан, Узбекистандан, Индиядан, Пакистандан, Персиядан тывылган деп турганнар. Чижек кылдыр XII векте Японияга Эбру ышкаш суминагаши (яп. салдап турар будук) деп техника сайзырап турган. Синтоиз лама башкылар ол арганы саазынче азы пөсче чараш угулзаларны көжүрүп чуруп алыр дээш ажыглап турганнар. Шак ол арга Японияның имератроунуң болгаш ооң албаты-чонунуң сонуургалын чаалап алган.

Турцияга суг кырынга чуруур арга VII векте тыптып келген. Амгы эбру деп адын беш чыл эрткенде адап эгелээн. Турк чурукчулар ол арганы дыка эки шиңгээдип алганнар. Олар хуулгаазын чараш угулзалар чуруунудан аңгыда боттуг реалистчи чуруктар чуруп турар апарганнар.

Чурукту чуруурунга эң кол херек чүүл суг болур. Чурукту суг кырынга чуруур. Суг кырынга чураан чуруктуң будуктары дүшпес кылдыр сугга гевей деп үнүштүң холумаан холуп алыр. Чурукту кисточкага будукту борап алгаш, бичии-бичии дамдылар дузазы-биле чуруур. Сугга чуруп алган чурукту саазынче азы кандыг-ла бир кадыг чүүлче (ыяш, пөс, шил, даш, кеш) көжүруп алыр.