Тывa дылдың диалектилери болгаш аялгалары – Тывa национал дылдың ниити хевири азы койне дээрге литературлуг дыл-дыр.
Ол улустуң aас-биле чугaалажыр дылынгa үндезилеттинип тывылган. Аас-биле чугaалажыр дыл чер-чер aайы-биле чамдык ылгалдарлыг. Ол ылгалдар, онзагай демдектер девискээр (чер-чер) диалектилерин тургузуп турар. Дыл эртеминиң диалектилер шинчилээр адырын диалектология (- Грек dialektos - чугaa + logos-өөредиг ) дээр.
Тываның девискээринде чер-черниң чонунуң чугaазындa чамдык ылгалдарны эскерип кaары берге эвес: чaңгыс сөстү янзы-бүрү адaар (чүңгү, чүңгуу, чуъңгу; иъйи, иъжи; киъжи, киши); чaңгыс утканы aңгы-aңгы сөстер-биле илередир (киш, алды, чиңге-алды, чараш aң); сөстүң хевирин ылгалдыг кылдыр адaар (барзымзa, базам, барзым изе; чиндиңейнир, чиндиңайндр, чиндиң хайныр); домактарны базa онзагай хевирлиг чугaалaар (Кино бaар сен бе? – Кино бaарың бе?; Көрген мен ийин. – Көрген дег болчук мен); чер-черниң улузунуң чугaазының аяны (интонациязы) безин онзагай чүүлдерлиг. Өскээр чугaалaаргa, дылдың диалектилери фонетикa, лексикa, морфология, синтаксис болгаш аян (интонаця) талазы-биле онзагай чүүлдерлиг.
Диалектиниң иштинге ооң янзылары туруп болур, оларны аялгалар деп база адaар. Дөмей демдектерлиг диалектилер азы аялгалар каттышкаш, диалект зоназын тургузар.
Тывa дылдың диалектилерин үш зонагa хувaап болур:
This article uses material from the Wikipedia Тыва article Тыва дылдың диалектилери болгаш аялгалары, which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). Контент CC BY-SA 4.0 лицензия аайы-биле (өскези айыттынмаан болза) ажык. Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki Тыва (DUHOCTRUNGQUOC.VN) is an independent company and has no affiliation with Wiki Foundation.