Дамба-Хуурак, Анатолий Партизан Оглу
Дамба-Хуурак Анатолий Партизан оглу (1961 чыл июль 17, Эрзин) – төре албан ажылдакчызы, Тыва Республиканың Чазааның Баштыңының оралакчызы – Тыва Республиканың Баштыңының Чагыргазының база Тыва Республиканың Чазааның Аппарадының удуртукчузу (2019 чылга чедир).
Тыва Республиканың 2-ги класстың Ылап күрүне сүмелекчизи. Тыва Республиканың Хөй-ниити палатазының удуртукчузу (2019 чылдан эгелеп). Тываның гуманитарлыг социал-экономиктиг тускай шинчилелдер институдунуң директору (ТГСЭТШИ) (2019 чылдан эгелеп).
Намдары
1961 чылдың июль 17-де Тыва АССР-ниң Эрзин кожуунунуң Эрзин суурга төрүттүнген.
1983 чылда Пермьниң күрүне университединиң "Хоойлу-дүрүм эртемин" дооскан.
Ажыл-ижи
1983 чылдан 1997 чылга дээр Тыва Республиканың прокуратура органнарынга аңгы-аңгы албан-хүлээлгелеринге ажылдаан, оларның иштинде 1992 чылдан 1997 чылга дээр - Тыва Республиканың прокурору бооп.
1997 чылдан 1998 чылга чедир Москва хоорайга Россия Федерациязының Чиңгине прокуратуразының удуртукчу кадрларының мергежилин бедидер институдунуң улуг башкызы кылдыр ажылдап чораан.
1999 чылдан 2000 чылга дээр Санкт-Петербургтуң районнар аразында болчукчулар коллегиязының Москвада төлээлелиниң кежигүнү.
2000 чылда А.П. Дамба-Хуурак Тыва Республиканың Дээди Хуралының Аппарадының удуртукчузу.
2002 чылдан 2007 чылга дээр - Тыва Республиканың Дээди Хуралының Хоойлу үндүрер палатазының депутады.
2007-2010 чылдарда - Тыва Республиканың Чазааның Баштыңының оралакчызы.
2010-2013 чылдарда - Тыва Республиканың Чазааның Баштыңының оралакчызы - Тыва Республиканың кадык камгалал болгаш социал хөгжүлде яамызының сайыды.
2013 чылдың апрельден - 2014 октябрьга дээр - Тыва Республиканың Чазааның Баштыңының оралакчызы
2014 чылдың октябрь 15-тен чоокку үеге дээр Тыва Республиканың Чазааның Баштыңының оралакчызы - Тыва Республиканың Баштыңының Чагыргазының база Тыва Республиканың Чазааның Аппарадының удуртукчузу. Тыва Республиканың 2-ги класстың Ылап күрүне сүмелекчизи.
2019 чылдан - Тыва Республиканың Хөй-ниити палатазының удуртукчузу. Тываның гуманитарлыг социал-экономиктиг тускай шинчилелдер институдунуң директору (ТГСЭТШИ)
Күрүне шаңналдары
- "Бердинген ажылы дээш" деп медаль (2011);
- Россия Федерациязының Чиңгине прокуратуразының хүндүлүг бижии;
- Россия Федерациязының Федералдыг хуралының Күрүне Думазының Аппарадының хүндүлүг бижии
Шөлүглер
This article uses material from the Wikipedia Тыва article Дамба-Хуурак, Анатолий Партизан оглу, which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). Контент CC BY-SA 4.0 лицензия аайы-биле (өскези айыттынмаан болза) ажык. Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki Тыва (DUHOCTRUNGQUOC.VN) is an independent company and has no affiliation with Wiki Foundation.