Benita Sena Okity-Duah

Wɔatwerɛ nsɛm wei ɛwɔ Asante kasa mu

Wɔwoo no wɔ Ayɛwohomummɔ bosome da a ɛtɔ so du nkron wɔ afe apem ahankron ne aduoson nsia wɔ Anloga a ɛwɔ Fram mantam wɔ Ghana. Ɔnyaa "Miss Ghana Pageant" wɔ afe apem ahankron ne aduokron nson berɛ a na ɔyɛ ɔsuani a wadi mfeɛ aduonu. Ɔkɔɔ ne ntoasoɔ sukuu wɔ Achimota sukuu wɔ Nkran. Ɛno akyire no akɔsua adepam wɔ "London School of Fashion" mfeɛ nan.

Ɔsane baa Ghana mfeɛ mpem mmienu ne mmiɛnsa, ɛfiri hɔ no ɔbɔɔ no ho mmɔden wɔ Ghana adepamfoɔ dwumayɛkuo no mu.

Benita de ne diberɛ a na ɔkura sɛ "Women's Organizer" ma kyineɛ amanyɔkuo "National Democratic Congress" ma Ledzokuku mpɛsoa a ɛwɔ Nkran pupuni mantam too hɔ. Ɔkɔgyinaa hɔ maa n'amanyɔkuo berɛ a na wɔrebɛtɔ aba ɛna ɔmaa saa berɛ mmarahyɛbedwani Nii Nortey Dua a na ɔwɔ so dii ntwo ɛna ɔgyinaa hɔ maa kyineɛ amanyɔkuo"National Democratic Congress" wɔ ne mpɛsoa so. Ɔdii nkunim wɔ mfeɛ mpem mmienu ne du mmienu abatoɔ na ɔyɛɛ anamsini maa nnipa a ɛwɔ Ledzokuku a ɛwɔ Ghana mmarahyɛbedwam. Biom, ɔsom sɛ ɔsoafoɔ abɛdiakyire a ɔhwɛ mmaa ne mmarima, mmɔfra ne asetena mu banbɔ nsɛm so wɔ Ghana firi Oforinsuo bosome wɔ mfeɛ mpem mmienu ne du mmiɛnsa de kɔsi Ayɛwohomummɔ bosome wɔ mfeɛ mpem mmienu ne du nan mu. Na ɔsane yɛɛ ɔsoafoɔ abɛdiakyire a ɔhwɛ nsuomunam ne mpataa so wɔ Ghana. Benita dii ntwo maa Dr. Benard Okoe-Boye a na ɔwɔ ɔsono amanyɔkuo"New patriotic party" bɛfaa akonnwa no wɔ mfeɛ mpem mmienu ne du nsia mmarahyɛbedwa abatoɔ no mu.

Benita waree Steve Okity-Duah. Na ankasa a yɛde too no berɛ a yɛwoo no ne Benita Golomeke, ɔnyaa wɔ"Embassy pleasure Ma Ghana" wɔ afe apem ahankron ne aduokron nson abasobɔdeɛ. Ɔyɛ Okristoni sane nso yɛ ekuoba wɔ " The church of christ of Latter-day saints".