Флүр Баһаутдинов: хокукы белгече, судья, язучы

Россия юристлар берләшмәсе әгъзасы (2012). Татарстанның атказанган юристы (1997). Публицистика өлкәсендә Р. Төхфәтуллин исемендәге (1995), ТР фән һәм техника өлкәсендәге Дәүләт (2010) премияләре лауреаты.

Флүр Баһаутдинов
Тугач бирелгән исеме:	Флүр Нуретдин улы Баһаутдинов
Туу датасы:	10 гыйнвар 1958(1958-01-10) (66 яшь)
Туу урыны:	ТАССР, Мөслим районы, Иске Вәрәш
Милләт:	татар
Ватандашлык:	ССРБ ССРБ→ РФ
Эшчәнлек төре:	юрист, казый, язучы
Иҗат итү теле:	татар, рус
Премияләр:	Р. Төхфәтуллин премиясе (1995) ТР фән һәм техника өлкәсендәге дәүләт премиясе (2010)
Бүләкләр:
Яшәү җире	Карл Маркс урамы, Казан

1958 елның 10 гыйнварында Татарстан АССР Мөслим районы Иске Вәрәш авылында биш балалы гаиләдә бишенче бала булып туган. Әтисе Нуретдин (?-1959) күмәк хуҗалыкта бригадир, әнисе Рауза күмәк хуҗалыкта эшләгән. Туган авылында башлангыч мәктәпне, Мөслим районы үзәгендәге урта мәктәпнең рус классын алтын медальгә, «Хокук» белгечлеге буенча Казан дәүләт университетының юридик факультетын (1980) тәмамлаган.

1979-1982 Татарстан АССР Кукмара, Минзәлә районнары прокуратураларында стажер, тикшерүче.

1982-1990 Татарстан АССР прокуратурасы өлкән тикшерүчесе, аеруча мөһим эшләр буенча тикшерүче. ССРБ Прокуратурасының махсус бригадасы составында (Гдлян, Ивановлар белән бергә) Үзбәкстанда күләмле икътисади җинаятьләрне тикшерүдә катнаша.

1990-1996 Әлмәт шәһәре прокуроры.

1996—1997 Татарстан Республикасы прокуроры урынбасары.

1997-2002 Казан шәһәре прокуроры.

2002-2004 Татарстан Республикасы Президенты каршындагы дәүләт хезмәткәрләре департаменты җитәкчесе урынбасары, департамент җитәкчесе (2003-2004).

2004-2014 Татарстан Республикасы Конституция суды казые.

2014 елдан Татарстан Республикасы прокурорының хокукый мәгариф буенча урынбасары.

Конституцион хокук, прокурор күзәтүе, җинаять хокукы һәм тикшерү процессы мәсьәләләре буенча гыйльми тикшеренүләр алып бара. Йөздән артык фәнни хезмәт, шул исәптән 6 монография һәм дәреслек, юридик вузлар студентлары һәм гамәли хезмәткәрләр өчен 9 уку һәм укыту-методик әсбабы авторы. Төп гыйльми хезмәтләре үзәк нәшриятларда һәм Мәскәү журналларында басылган. «Прокурорның өстәл китабы» (рус. Настольная книга прокурора, 2002, Мәскәү), «Россиядә җинаять эшләрен башкару» (рус. Уголовное судопроизводство России, 2004, КДУ) китапларының автордашы.

1996 елдан КДУның юридик факультетында укыта. 2005 елдан Социаль белем академиясенең (Казан социаль-юридик институты) җинаять хокукы һәм тикшерү процессы кафедрасы мөдире.

1985-1990 елларда Казан телевидениесендә «Кеше һәм закон» тапшыруын алып бара.

Тикшерүче буларак тупланган бай материалларга таянып язылган повестьлары, очерклары һәм хикәяләре («Наступление на зло», «Наступление на зло продолжается», «По закону 1934 года», «Короткая жизнь длинного рубля» һ.б.) сәләтле язучы итеп таныта. Мөслим районында туган якташлары турында китаплар («Наил Әюпов. Иҗат портретына штрихлар», «Моң бишегем Мөслим», «Без Мөслим балалары. Күренекле райондашларыбыз турында язмалар», «Зифа Басыйрова» һ.б.) язган.

2005 елдан «Күренекле кешеләр тормышы» шәлкеме авторы.

• 2005 «Ул беренче иде» (рус. Он был первым) — Татарстан АССРның беренче прокуроры, юстиция халык комиссары Г.Б. Баһаветдинов (1897-1938) турында.
• 2007 «Университет. Юрфак. Бажанов» — КДУ профессоры (1962), хокук фәннәре докторы (1959) А.Т. Бажанов (1898-1983) турында.
• 2009 «Профессор Ф.Н. Фәткуллин мәктәбе» (рус. Школа профессора Фаткуллина Ф.Н.) — КДУ профессоры (1968), хокук фәннәре докторы (1966) Ф.Н. Фәткуллин (1931) турында
• 2010 «Музалар һәм хокук» (рус. Музы и право) — иҗатка сәләтле юристлар, музалар һәм хокукның үзара бәйләнеше турында.
• 2014 «Гаҗәеп гыйлемле кеше» (рус. Человек громадной учености) — КДУ ректоры, Казан губерна прокуроры, хокук докторы (1814), профессор (1817) Г.И. Солнцев (1786-1866) турында.
• «Татарстанда күренекле юристлар» (рус. Известные юристы в Татарстане)
• «Сәхнәдә ут сүнгәч» (рус. Когда на сцене погас свет) (И. Илялова белән берлектә)
• 2016 «Канунда юмор» (рус. Юмор в законе)

• 1995 Рафаил Төхфәтуллин премиясе
• 1996 И.И. Карпец исемендәге Бөтенроссия яшь галим-хокук белгечләре бәйгесе лауреаты – I премия
• 1997 Татарстанның атказанган юристы
• 2005 Казанның меңьеллыгы медале
• 2010 ТР фән һәм техника өлкәсендәге дәүләт бүләге
• 2014 РФ прокуратурасының «Хезмәттәшлек өчен» медале