Шәһәр Сан-Томе

Апостол Фома (São Tomé) хөрмәтенә аталган. Сан-Томе провинциясенең һәм Агуа-Гранде округының административ үзәге булып тора.

Сан-Томе
порт. São Tomé
Байрак	Илтамга
Нигезләнү датасы	1485
... хөрмәтенә аталган	Апостол Фома
Демоним	Santoméenne һәм Santoméen
Дәүләт	Сан-Томе һәм Принсипи
Нәрсәнең башкаласы	Сан-Томе һәм Принсипи, провинция Сан-Томе[d] һәм Агуа-Гранде[d]
Административ-территориаль берәмлек	Агуа-Гранде[d]
Диңгез, күл яки елга эчендә яки янында урнашуы	Гвинея култыгы
Әгъзалык	União das Cidades Capitais Luso-Afro-Américo-Asiáticas[d]
Халык саны	65 468 (2010)
Диңгез дәрәҗәсе өстендә биеклек	137 метр
Кардәш шәһәр	Лиссабон, Кингстаун[d], Луанда[d], Либревиль[d] һәм Аккра
Мәйдан	17 км²
Сан-Томе Викиҗыентыкта

1485 елда португаллар тарафыннан нигезләнә. Шәһәр янында шикәр камышы плантацияләре булган, анда Конго корольлегеннән китерелгән коллар эшләгән. 1525 елда Португалия короле Жуан II шәһәр статусын бирә XVI гасырда монда католик собор төзелә. 1575 елда шәһәрдә Сан-Себастьян форты корыла (хәзерге вакытта биредә Сан-Томе милли музее урнашкан). 1599 елда, һәм тагын 1641-1648 елларда Голландия кулы астында була. Озак вакыт дәвамында Сан-Томе һәм Принсипи португал колониясенең үзәге булып тора. 1975 елда Сан-Томе һәм Принсипи азатлык ала, ә Сан-Томе аның башкаласы булып китә.

Шәһәр Сан-Томе утравының төньяк-көнчыгышында, Кабраш утравы янында урнашкан. Шәһәрдән көньяк-көнбатыш тарафта — Триндади, төньяк-көнбатышка таба — Гвадалупе, көньяк-көнчыгышка таба — Сантана шәһәрләре урнашкан, аларны үзара шоссе юллары тоташтыралар. Атнага бер тапкыр Кабо-Верде каласыннан Сан-Томега паром йөри. Халыкара аэропортта Ангола, Габон, Португалия илләренә һәм күрше Принсипи утравына даими рейслар башкарыла.

Шәһәрнең истәлекле урыннарына президент сарае, собор һәм кинотеатр керә. Шәһәрдә төрле мәктәпләр, лицейлар, политехник институты, ике базар, өч радиостанция урнашкан. Сан-Тоела TVSP сәүдәгәрлек булмаган телевизион станциясе, халыкара аэропорт, клиникалар һәм дәваханәләр эшли, берничә шәһәр мәйданы бар.

Сан-Томеда дәвамлы яңгырлар мизгеле (октябрьдән майга чаклы) һәм кыска коры заман (июнь—сентябрь) белән саванналарның тропик климаты өстенлек итә. Явым-төшемнәр микъдары — елына 1000 мм дан чак кына азрак. Шәһәрдә чагыштырмача даими температура күзәтелә.