Мидхәт Әбделмәнов
Мидхәт Әбделмәнов (1942―2024) — шагыйрь, Башкортстанның Язучылар берлеге әгъзасы, композитор, Башкортстан Республикасының атказанган сәнгать эшлеклесе, күп җырлар авторы.
| Мидхәт Әбделмәнов | |
|---|---|
 | |
| Туган телдә исем | Мидхәт Мәҗит улы Әбделмәнов |
| Туган | 28 март 1942 СССР, РСФСР, БАССР, Благовар районы, Яңыш авылы |
| Үлгән | 21 март 2024 (81 яшь) РФ, БР, Уфа |
| Милләт | татар |
| Ватандашлыгы |  /.svg){kind=small} ССРБ, соңрак  Россия Федерациясе |
| Һөнәре | шагыйрь |
| Бүләк һәм премияләре | БР атказанган сәнгать эшлеклесе |
Тәрҗемәи хәле
Авылдан чыгып китеп Сибай төзелеш училищесында төзүче һөнәрен ала. Урал аръягында, Чиләбедә, Троицкида, аннан соң Башкортстанның төрле районнарында йөзләрчә төзелештә эшли. Гади төзүчедән төзелеш мастеры, прораб, югары җитәкче вазыйфаларына кадәр күтәрелә.
Әдәбиятка булган мәхәббәте аны читтән торып Башкорт дәүләт университетының филология факультетында белем алуга да этәрә.
Беренче шигыре гәзиттә 1967 елда басыла. Күпләп шигырьләр һәм аларга көйләр язуга Мидхәт Әбделмәнов лаеклы ялга чыккач керешә. Хәзерге көндә талант иясенең берничә шигъри җыентыгы һәм җырларыннан торган альбомнары дөнья күргән.
Мидхәт Әбделмәнов туган ягы Благовар районы Яңыш авылына төрлечә ярдәм итеп тора. Иң зур казанышы – туган авылында мәчет төзетеп куюы. Бу саваплы эштә аңа улы Рөстәм һәм авылдашлары ярдәм итә. Мидхәт әфәнде Аллаһ йортын әтисе Мәҗит ага һәм әнисе Газимә апа хөрмәтенә багышлап салдырган.
2024 елның 21 мартында Уфада вафат. Туган ягы ― Благовар районы Яңыш авылында җирләнә.
Искәрмәләр
Чыганаклар
- Уфадагы татар иҗатчысы юбилеен билгели 2016 елның 4 март көнендә архивланган.
This article uses material from the Wikipedia Tatarça / Татарча article Мидхәт Әбделмәнов, which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). Мәгълүмат CC BY-SA 4.0 буенча таратыла (әгәр башкасы күрсәтелмәсә). Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki Tatarça / Татарча (DUHOCTRUNGQUOC.VN) is an independent company and has no affiliation with Wiki Foundation.