Ирек Мортазин

Татарстан Республикасы президентының пресса үзәгенең элекке җитәкчесе (1999 — 2002).

Ирек Мортазин
Туган телдә исем	Ирек Минзәки улы Мортазин
Туган	5 апрель 1964(1964-04-05) (60 яшь) Татарстан АССР, Саба районы, Байлар Сабасы
Яшәгән урын	Маршал Чуйков урамы, Казан
Милләт	татар
Ватандашлыгы	Россия
Һөнәре	журналист, сәяси активист
Сайт	irek-svoboda.info
Ирек Мортазин Викиҗыентыкта

• 1981-1990 — СССР Хәрби Көчләре сафларында хезмәт итә.
• 1990-1991 — СССР халык депутаты В. Лопатин хезмәтчесе булып эшли.
• 1991 елдан журналистика белән шөгыльләнә башлый. «Русский Север», «Губернские вести», «Молодежь Татарстана» гәзитләрендә эшли.
• 1995 елдан — мөхбир, «Молодежь Татарстана» гәзитенең баш мөхәррире урынбасары.
• 1995 елдан 1999 елга кадәр — Казандагы БДТРК мөхбир пункты мөдире.
• 1999 елдан — ТР президентының пресса үзәге җитәкчесе.
• 2002 елның июнь аеннан — Татарстан ДТРК рәисе.
• 2011 елдан Мәскәүдә яши, «Новая газета»ның махсус мөхбире.

2008 елның 12 сентябрендә Ирек Мортазин үз блогында Татарстан президенты Минтимер Шәймиевнең үлеме турында хәбәр урнаштыра. Минтимер Шәймиев 18 сентябрьдә Тикшерү комитетына үзенә яла ягу турында гариза тапшыра. Шул ук елның декабрь аенда Тикшерү комитеты эш ача, 2009 елның август аенда Киров район мәхкәмәсе бу эшне карап үтә һәм Ирек Мортазинга гаепләү карары чыгара. Ул бер ел һәм тугыз айга ирегеннән мәхрүм ителү җәзасына хөкем ителә. 2009—2010 елларда җәза срогын Питрәч районы Пановка төрмәсендә уза.

Өйләнгән, өч баласы бар.