Анатолий Кукубаев
Кукубаев Анатолий Кукубаевич (1 июль 1937 ел — 1 август 2002 ел) — композитор, 1964-2002 елларда Уфа сәнгать училищесы педагогы.
.svg){kind=small}
1998 елдан Башкортстан Республикасының Композиторлар берлеге әгъзасы. Башкорт АССРның атказанган сәнгать эшлеклесе (1987), Башкортстан комсомолының Галимов Сәләм исемендәге премия лауреаты (1967).
| Анатолий Кукубаев | |
|---|---|
| Туган | 1 июль 1937 Бахтыбай, Бөре районы, БАССР, РСФСР, СССР |
| Үлгән | 1 август 2002 (65 яшь) Уфа, Россия |
| Күмү урыны | Бахтыбай |
| Ватандашлыгы |  СССР Россия |
| Әлма-матер | Уфа сәнгать училищесы |
| Һөнәре | композитор |
Биографиясе
Анатолий Кукубаевич Кукубаев 1937 елның 1 июлендә БАССРның Бөре районы Бахтыбай авылында Кугыбай Котлосатов гаиләсендә туа. Композитор "Кукубаев" дигән псевдонимны урман кошының «ку-ку» җырыннан алган.
Анатолий Кукубаевич 1961 елда Уфа сәнгать училищесының баян классын (педагогы И. П. Фоменков), 1966 елда — Гнесиннар исемендәге Музыка-педагогия институтын тәмамлый (А. А. Лубенниковның баян классын, С. П. Горчаковның дирижерлык классын).
1964 елдан алып Уфа сәнгать училищесы укытучысы булып эшли, 1971 елга кадәр «Салават Юлаев» мәдәният йортында музыка җитәкчесе һәм халык биюләре ансамбленең оркестр дирижеры була.
Милләте буенча мари, ул үзен башкорт музыкасы ижатына багышлый. 2002 елның 1 августында вафат була. Туган авылы Бахтыбайда җирләнә.
Хәтер
1996 елда Уфа сәнгать училищесында ел саен Кукубаев исемендәге конкурс оештырыла. 2004 елда училищеда аның исемендәге уку классы ачыла.
Әсәрләре
«Легенда» симфоник поэмасы (1996),
Г.Сәләм шигырьләренә «Республика иртәсе» ораториясе (1989).
Ю. А. Андрианов шигыренә «Башкортстан — туган җир» кантатасы (1987).
«Ирәндек үзәнендә» поэма-фантазиясе (1982),
«Халык бәйрәме» увертюрасы (1983), Мари рапсодиясе (1986), Салават маршы (1993);
Аккордеон, балалайка, баян, гармун, думбыра, кара һ. б. өчен пьесалар
И. Х. Йомаголовның «Нәркәс» пьесасы буенча «Куылган» спектакленә музыка
«Совет солдатлары җыры» җырлары (1955), «Кичке вальс» (1956);
Баян өчен пьесалар «Җиде кыз», «Башкорт темаларына вариацияләр», «Интермеццо».
Мактаулы исемнәре һәм башка бүләкләре
- БАССРның атказанган сәнгать эшлеклесе (1987).
- Г. Сәләм исемендәге премия (1967).
Искәрмәләр
Сылтамалар
- Кукубаев Анатолий Кукубаевич // Башкорт энциклопедиясе — Уфа: «Башкорт энциклопедиясе» гыйльми-нәшрият комплексы, 2015-2020. — ISBN 978-5-88185-143-9. (Тикшерелгән 2 гыйнвар 2019)
- http://vechufa.ru/culture/814-muzyki-bashkirskoy-kraski-pokorili-vsyu-moskvu.html
- http://kulturarb.com/publ/biografii/kompozitory_rb/svoe_tvorchestvo_on_posvjatil_narodnomu_folkloru_k_75_letiju_so_dnja_rozhdenija_kompozitora_i_pedagoga_anatolija_kukubaeva/19-1-0-122 2014 елның 7 апрель көнендә архивланган.
- http://borgo.ucoz.ru/blog/kukubaev_anatolij_kukubaevich/2012-04-08-105
This article uses material from the Wikipedia Tatarça / Татарча article Анатолий Кукубаев, which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). Мәгълүмат CC BY-SA 4.0 буенча таратыла (әгәр башкасы күрсәтелмәсә). Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki Tatarça / Татарча (DUHOCTRUNGQUOC.VN) is an independent company and has no affiliation with Wiki Foundation.