Mesa ka rudan cbeyo‘‘niqan kesun daha ka seediq biciq hnyegan na. Anu snkuxul riyung menaq ssiyo qhuni sunguc. Mosa milo qhuni baro ma mdaking theyaq qhuni snguc hiya mesa, kiya kesun daha seediq Snsunguc. ’’ Ya ani wada so scuqi bsiyaq ka kari nii di, kiya ka wada daha so chungiyun hari ka kari nii di.

Kesun sunguc nii, kuxul bale puqun seediq ma pkumalu riyung hei seediq duri mesa. So cbeyo de, sunguc nii ka pgmaxun pure begu camac ma sangas, mhada ka hnpure de, ngalun daha baro ka hei camac ma stmuun daha psaun ssiyo hini, kiya ka niqan kingal begu ma kingal sara hei camac ka dumatun daha ido.　Cbeyo duri ani naq gino bale begu sunguc ka dmatun ido de, cheya bale daha uqun duri ka rudan cubeyo.