Bsukan klaali, so kiya ka qedin na bsukan klaali duri. Teru laqi daha di, daha laqi rseno, kingal ka laqi mqedin. Ini ba alix skadi sino, mbserux meepah, uncuun musa meepah skadi pila mahun na sino. Dyagun mege pila sehu ka laqi daha. Egu ba huling dngaun daha, ini bleyaq dmanga laqi. Gaga muudus ka bubu na rudan na, uka ka pila mahun na sino, mesa pila bubu na, uka pila bege na heya ka bubu na, mkuni mseyang bubu na, paru kana ka kari na smmeriq mseyang bubu na, so snbbirac seediq ssiyo sapah na. Bsiyaq knkawas nmahan na sino, mnarux tunux na lhebun na ma rumun na, mkure riyung ka hei na, ye mnarux ka hei na di, ini usa pqita ising, mangal btunux sbeebu naq tunux na, ma rkebun na. sdara ka tunux na ma quwaq na. Desun daha sapah ising di, peruq ka rkebun na di, kiya sdara quwaq na. Mkteru niqun na sapah ising, wada naqah di, wada gedang di. Hbaro ba seediq wada huqil desun sino seediq alang miyan, daha-teru idas, wada 5 hari seediq wada gedang desun sino. uxe malu knduusan seediq egu mahun sino saya.