Pyahaw
Gaga mniq Yilan Nanawsyang ka alang Pyahaw.
Pyahaw
Gaga mniq Yilan Nanawsyang ka alang Pyahaw.
389 sapah ka kneegu na sapah, 1,227 hiyi ka kana knhbragan na hiyi. Tnpusu seejiq o mangal 92% niqan 1,133 hiyi sp, rahuq na uxay tnpusu seejiq o mangal 8% niqan 94 hiyi koia.
Kana ka kleegan seejiq ga, Tayal86%, Amis2%, Truku1%, Paiwan1%, Bunun1%, ni rahuq na o2%.
Hangan alang (部落名稱)
Alang piyahaw.
Thuyang alang (部落特色)
Gaga mniq ruwan bi dgiya ka Sjiqun Tayan nii, paah sexual do ida mniq hiya ka paru alang nii.
Nniqan alang (所在位置)
I-ran-seyn Nan-aw-syang alang pi-ho.
Klbangan (範圍)
Daya na hiya o niqan alang Nan-aw, hunac o alang cin-ueye, ssiyaw na o niqan dgiyaq lu-pi, dgiyaq yueyn-to, dgiyaq fung-su, dgiyaq kan-ce-tu bitaq brnux ayug daya Nan-aw.
Kndkilan lnglingay (地理環境)
Brnux.
Kklaan ppanan (交通資訊)
Mgriq rulu. Tey-pey> kwo-taw 3> kwo-taw 3甲 muda elu Taey-pey (sen-kn-jwi> muda elu wen-sa> 106 seyn> 109 seyn> elu pey-yi> elu pin-hay> elu ta-tung> 55 yi> Dhuq da.
Mlutuc syusan teync (電子地圖連結)
Teyn-ce patas pkla nniqan alang.
Nniqan seejiq alang (部落所屬族群)Tayan.
Skari kari (使用言語)
Kari Tayan, Tlu.
Snhiyaan (宗教信仰)
Shiyaan na Utux, Kyokay-cowro, Sin-yeysu-kyokay.
Pnyahan alang (部落由來)
Hangan Pi-ho nii o kndadax ngalan alang hangan Tlu sbiyaw Pi-ya-haw nii. Binaw o hangan Pi-ya-haw nii sa ga kndadax ngalan dha pnhiyug alang lutuc bukung nii msa, uxay uri sa o mdungus bi hangan Pi-ya-haw sa ga 〝Kow-an〞 gaga lalih pusu ayug hiya sa, tnpusu hini ka Tanax Tunux han o yasa ini na tduwa qtaun ka ruwan alang lmiqu hiya, kiya hjilun dha nganguc hari da ni tduwa mhuma payay uxay keuray, kika sraki dha mniq alang sayang da.
Alang Pi-ho nii o seejiq Ta-yan ka tnpusu, Tanah Tunux siida han o kndadax daya alang Paran(Piexau) hiya thjil miyah trama, mkla bi empqsurux ka dhiya, malu bi lnglungan lmhaw bi ni smkuxul sbiyax hiyi ni rmgrig meuyas uyas, mdungus bi ka snhiyan dha ni ini tsinaw, mdungs bi qmeepah ddaun kmhulan.
Kklaan rrigaw (旅遊觀光資訊)
Pusa elug. Sapah pysan ciyaw Pi-ho(pyasa laqi cciyaw) (03)9981634. [272] I-lan-seyn Nan-aw-syang alang pi-ho ce-cuey-syan 38 haw [272] Nan-aw-syang alang pi-ho sin-yi lu iang-ming-siyang 76 haw
Daya ayug Nan-aw-syang o ini bi pstuq ka tg4 qsiya qhjil nii, malu bi qtaan ka ssyaxw lnglingay, dhuq jiyax sngyang do hbaraw bi ka seejiq miyah trbug qsiya qhjil. Niqan Tg4 qhjil ka ida nkiya daya Nan-aw, kingal o gaga sdhiyaq hari alang pi-ho 3kM ka enTg4 qhjil nii, endha qhjil o Ma-lo-ke, kntalux na o 100°, kndadax alang Pi-ho mksa o asi ka kingal mgriq patas hidaw hari; entrudo Iow-lan, enspac do Ma-lan, ensngu dha bukuy o gaga Ruwan bi lmiqu, ini hari sai kiya.
Niqan kingal duri ka hangan qhjil Nan-aw “qhjil se-cyu” msa, gaga mniq ayug Nan-aw quri ska daya hunac ayug ni daya ayug hiya ka hiya. Kndadax daya ayug mksa o kingal mgriq patas hidaw hari, kika dhuq da, kmusa hiya ka seejiq o tduwa miying tpusu seejil Tayan mseupu musa, yasa tukar dhiya ka hiya.
Malu bi ka ida nkiya qhjil hini, pusu na truma qhjil hiya o egu bi ka tduwa saan trbu, ini bi qstuq qluli ka qsiya qhjil, duri o trbuan hini ga niqan kingal paru bi thuyang: wada mseupu stringan hiya ka qsiya qhjil siida o, msuwi mskuy ni mtalux, kiya nii ka mdungus bi qhjil ida nkiya, yaa bi nii ka ini dha dhuq lmnglung kiya wah.
Daya ayug Nan-aw. “Daya ayug Nan-aw” nii o ida mtna qliyan paru yayung Nan-aw, knbaraw na yayung nii o 31.6km. daya ayug hiya o sblaiq bi ka lnglingay, duri ga dowras ka pusu balay bi malu qtaan, mkksa ssiyaw ayug, mkksa babaw tasil o saw bi ta gaga skaya ka lnglungan, qbahang hngnang qluli ayug, qtaan gaga tbbiya qluli ka ayug o sow bi rulung qtaan saw bi skaya phpah, miyah hini o qulung bi niqan rihan niya wah.
Kleelug o egu bi ka sspriq ni pusu qqhuni ini sknux ka qhjil uri, niqan tglaq niuka hari qtaan btunux, tduwa sluun iyu spriq cng-seyn-leyn, malu bi saan hrapas ni lmamu btunux, niqan saun msangay ni hmrapas qsiya uri, hini o mdungus bi saun rbagan. Sayang do, krwahun bi seyn-fu ka uka bi ruciq ayug nii, kiya do phyugan dha kingal nniqan nkiya qsurux balay da, yasa ksugun dha psliq ka sblaiq ida nkiya nii.
Pnyahan bnatas (參考資料)
宜蘭縣南澳鄉公所網站：http://www.nanao.e-land.gov.tw/
Pyahan I-ran-seyn Nan-aw-syang kow-sow. Pdudug kbyaxan alang Pi-ho.
Pnyahan pnatas(參考資料)
This article uses material from the Wikipedia Taroko article Pyahaw, which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). Rahuq nan ii o niqan kingal duri pgkla, aji saw kiya do ruwan ruwahan patas dmuuy kana CC BY-SA 4.0 gaya mgay biyax kklawa. Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki Taroko (DUHOCTRUNGQUOC.VN) is an independent company and has no affiliation with Wiki Foundation.