Fela fa letshololo le simolotse ngwana, mo siele dino (e seng dino tagi)kgapetsa kgapetsa go feta jaaka gale go thibela tatlhegelo ya metsi mo mmeleng.
Kgodu ya setampa kgotsa ya raese, moro le dijo tse dingwe tse di metsi jaaka motogo wa ting.
Mashi a lebele, dino tse di dirilweng ka mashi jaaka madila le yokate.
Metsi a a phepa le matute a maungo.
Motswako wa letshololo o o fiwang kwa kokelwaneng fa o le teng mo gae: Tlhakanya jaana: pakete ya ORS + lithara ya metsi a a bedileng a sena go tsidifala.
Ela tlhoko: Siela ngwana dino tse jaaka a batla. === Fa ngwana dijo kgapetsa kgapetsa go thibela go latlhgelwa ke mmele ===
Fa ngwana dijo
Tse di kgobilweng gore di silege motlhofo mo maleng.
Tse di apeilweng mo bosheng
Dijo tse di siametseng ngwana yo o tshololang ke tse: motogo wa ting, motogo o o tsentsweng dikotla jaaka mafuranyana (cooking oil), botoro, kgotsa botoro ya manoko (peanut butter). Phaletshe e e nang le mafura, mashi a lebese kgotsa madila, ditapole, mae a a bidisitsweng, borotho jo bosweu, merogo, nama ya koko, ya kgomo kana tlhapi.
Matute a maungo kgotsa dibanana.
Fa ngwana dijo kgapetsa kgapetsa, garataro kgotsa go feta foo ka letsatsi.
Fa letshololo le eme, okeletsa ngwana dijo letsatsi le letsatsi gore a bone nonofo le dikotla tse di mo latlhegetseng fa a ne a tsholola.
Isa ngwana kwa kokelwaneng fa a supa dikai tse:
Fa a sa nne botoka
Fa a tsholola kgapetsa kgapetsa
Fa a sa nwe kgotsa a sa je sentle
Fa a phaphalala legano kana a tshwarwa ke lenyora thata.
Fa a lebega a lapile.
Fa a gotetse
Fa matlho a wetse
Fa phogwana e wetse (mo maseeng)
Fa letlalo la gagwe le phaphaletse ebile le ema fa le tshwarwa ka go pitlaganyediwa fa gare ga menwana jaaka e kete o a notiwa
==== Ela tlhoko: ==== Dipalo tse di mo setshwantshong di tsamaelana le dingwe tsa dikai tse di kailweng fa go dimo.
This article uses material from the Wikipedia Setswana article Kalafi ya letshololo mo gae, which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). Tshedimosetso e teng ka fa tlase ga CC BY-SA 4.0 ntle le fa go supilwe ka tsela e nngwe. Images, videos and audio are available under their respective licenses. ®Wikipedia is a registered trademark of the Wiki Foundation, Inc. Wiki Setswana (DUHOCTRUNGQUOC.VN) is an independent company and has no affiliation with Wiki Foundation.