Ang mirin (味醂 o みりん) ay isang mahalagang rekado na ginagamit sa lutuing Hapon.
Isa itong uri ng alak-bigas tulad ng sake, ngunit mas mababa ang nilalamang alkohol nito at mas mataas naman ang nilalamang asukal. Ang nilalamang asukal ay isang masalimuot na karbohidrato na natural na bumubuo sa proseso ng pagbuburo; walang idinagdag na asukal. Pinapababa pa ang nilalamang alkohol pagka't iniinitan ito.
May tatlong karaniwang uri ng mirin. Ang una ay hon mirin (literal: totoong mirin), na naglalaman ng halos 14% alkohol at nagagawa sa pamamagitan ng proseso ng pagliligis (sakaripikasyon) na maaaring tumagal nang 40- hanggang 60-araw. Ang pangalawa ay ang shio mirin, na naglalaman ng alkohol na kasingbaba ng 1.5% upang maiwasan ang buwis-alkohol. Ang pangatlo ay ang shin mirin (literal: bagong mirin), o mirin-fu chomiryo (literal: malamirin ng panimpla), na naglalaman ng mas mababa sa 1% alkohol, ngunit nananatili pa rin ang parehong lasa.
Noong panahong Edo, ininom ang mirin bilang amazake. Maaaring ibuo ang O-toso, tradisyonal na iniinom sa Shōgatsu, sa pamamagitan ng pagbabad ng halo ng mga pampaanghang sa mirin.
Sa estilo ng pagluluto ng Kansai, mabilisang pinapakulo ang mirin bago gamitin, upang pahintulutang sumingaw nang kaunti ang alkohol, habang sa estilo ng rehiyong Kantō, ginagamit ang mirin na hindi pinapasingaw. Ang pinakuluang mirin na estilong Kansai ay tinatawag na nikiri mirin (煮切り味醂 ) (literal: kulong-kulo na mirin).
Ginagamit ang mirin upang magdagdag ng kaunting liwanag sa inihaw na isda o tanggalin ang amoy-isda. Madalas na ginagamit ang patak nito sa halip ng asukal at toyo. Gayunpaman, hindi ito dapat gamitin nang labis, dahil medyo malakas ang lasa nito. Minsan pinagsasama ito sa sushi. Ginamit ang mirin sa sarsang teriyaki.
Itinalaga ang Nobyembre 30 bilang araw ng hon-mirin ng industriya ng mirin, dahil sa palatinigang Hapon, magkatunog ang petsa sa '11' (いい, mabuti) at '30' (みりん , mirin).
Ginagamit din ang mirin upang makagawa ng iba pang mga sarsa:
This article uses material from the Wikipedia Tagalog article Mirin, which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). Maaaring gamitin ang nilalaman sa ilalim ng CC BY-SA 4.0 maliban kung nabanggit. Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki Tagalog (DUHOCTRUNGQUOC.VN) is an independent company and has no affiliation with Wiki Foundation.