Imus: Lungsod ng Pilipinas at kabisera ng lalawigan ng Kabite

Opisyal na ginawang lungsod kasunod ng isang reperendum noong 30 Hunyo 2012. Ayon sa kita ng lokal na pamahalaan ng Imus noong 2010, ang dating bayan ay nauri bilang isang unang klaseng bahaging lungsod ng Kabite. Ayon sa senso ng 2020, ito ay may populasyon na 496,794 sa may 130,814 na kabahayan.

Imus Lungsod ng Imus
Bahaging Lungsod
Imus City
Ang Katedral ng Imus
Palayaw:  Kabisera ng Watawat ng Pilipinas
Mapa ng Kabite na nagpapakita sa lokasyon ng Imus
Imus Lokasyon sa Pilipinas
Mga koordinado: 14°25′47″N 120°56′12″E / 14.4297°N 120.9367°E / 14.4297; 120.9367
Bansa	Pilipinas
Rehiyon	Calabarzon (Rehiyong IV-A)
Province	Kabite
Distrito	Ikatlong Distrito ng Kabite
Mga Barangay	97
Itinatag (Bayan)	1795
Itinatag (Lungsod)	30 Hunyo 2012
Pamahalaan
• Alkalde	Emmanuel "Manny" L. Maliksi (Liberal)
• Bise-Alkalde	Arnel M. Cantimbuhan (Liberal)
Lawak
• Kabuuan	64.70 km2 (24.98 milya kuwadrado)
Pinakamataas na pook	70 m (230 tal)
Populasyon  (senso ng 2020)
• Kabuuan	496,794
• Kapal	7,700/km2 (20,000/milya kuwadrado)
• Households	130,814
Demonym	Imuseño
Sona ng oras	UTC+8 (PST)
Kodigo ng lugar	46
Websayt	www.imus.gov.ph

Matatagpuan sa tinatayang 19 km (12 mi) mula sa Kalakhang Maynila, ito ang naging pook ng dalawang pangunahing pagkapanalo ng mga Katipunero noong Himagsikang Pilipino laban sa Espanya. Ang Labanan ng Imus na naganap noong 3 Setyembre 1896, at ang Labanan ng Alapan, noong 28 Mayo 1898, ang araw kung kailan unang ginamit ang watawat ng Pilipinas, na naging dahilan upang itanghal ang Imus bilang "Kabisera ng Watawat ng Pilipinas". Ang dalawang kaganapan ay ipinagdiriwang taon-taon sa lungsod.

Sentro ng relihiyon sa lalawigan ng Kabite ang lungsod sapagkat sa lungsod matatagpuan ang Diyosesis ng Imus, ang Diyosesis na may hawak sa lahat ng mga simbahan sa lalawigan ng Kabite.

Ang pinagmulan ng pangalan ng Lunsod ng Imus ay may 4 na salin.

Ang unang salin ay nanaggaling ang pangalang "Imus" ay mula sa Tagalog na nakakahulugan sa lupa na napapagitnaan ng dalawang ilog. Pinagbasihan ito sa lumang lokasyon ng simbahan na nasa Toclong kung saan napapagitnaan ng Ilog ng Imus at Ilog Julian.

 

Pisikal na katangian

May kabuuang sukat na sakop ang Imus na 6,470 ha (16,000 acre) o 64.70 km² (24.98 mi kuw), tinatayang nasa 6.8% ng kabuuang lupa ng lalawigan ng Kabite. Naghahanggan ang lungsod sa mga bayan ng Kawit at Noveleta sa hilaga, sa General Trias sa kanluran; sa lungsod ng Bacoor sa silangan at sa lungsod ng Dasmariñas sa timog.

Pagkakahating Pampolitika

Nahahati sa kasalukuyan ang lungsod ng Imus sa 97 mga barangay. Noong 1998, ang bayan ay binubuo ng 21 mga barangay na lumaon ay hinati at naging kasalukuyang 97.