Саидмуҳаммад Одинаев
Саидмуҳаммад Одинаев (19 октябр 1942, ноҳияи Ховалинг — 3 август 2023) — физикдон, доктори илмҳои физикаю математика (1995), профессор (1996).
Академики Академияи илмҳои Тоҷикистон (2008), узви Академияи илмҳои Ню-Йорк (1994), академики Академияи байналмилалии мактабҳои олӣ (2004)
| Саидмуҳаммад Одинаев | |
 | |
| Таърихи таваллуд | 19 октябр 1942 |
| Зодгоҳ | ноҳияи Ховалинг |
| Таърихи даргузашт | 3 август 2023 (80 сол) |
| Маҳалли даргузашт | шаҳри Душанбе |
| Кишвар |  Тоҷикистон |
| Фазои илмӣ | физика |
| Ҷойҳои кор | Донишгоҳи миллии Тоҷикистон, Институти физикаю техникаи ба номи С.У.Умарови Академияи илмҳои Тоҷикистон, Донишгоҳи техникии Тоҷикистон ба номи Муҳаммад Осимӣ, Шуъбаи илмҳои физикаю математика, химия, геология ва техникии Академияи илмҳои Тоҷикистон |
| Дараҷаи илмӣ: | доктори илмҳои физика ва математика |
| Унвонҳои илмӣ | профессор |
| Алма-матер | Донишгоҳи давлатии Тоҷикистон ба номи В.И.Ленин |
| Роҳбари илмӣ | Акобир Адҳамов |
| Ҷоизаҳо |  |
Зиндагинома
Саидмуҳаммад Одинаев Донишгоҳи давлатии Тоҷикистон ба номи В. И. Ленинро ба поён расондааст (1965). Фаъолияти кориаш дар Донишгоҳи давлатии Тоҷикистон ба номи В. И. Ленин аз ассистенти кафедраи физикаи назарӣ оғоз шудааст (1965—1966).
- 1968—1988 — ходими калони илмии Институти физикаю техникаи ба номи С. У. Умарови Академияи илмҳои Тоҷикистон,
- 1988—1996 — дотсенти кафедраи физикаи умумии Донишгоҳи миллии Тоҷикистон,
- 1996—1999 — профессори ҳамин кафедра,
- 1999—2001 — директори Институти физикаю техникаи ба номи С. У. Умарови Академияи илмҳои Тоҷикистон, 2001—2005 — ректори Донишгоҳи техникии Тоҷикистон ба номи Муҳаммад Осимӣ,
- 2005—2008 — ректори Донишгоҳи миллии Тоҷикистон,
- 2008 — то имрӯз — профессори кафедраи физикаи Донишгоҳи техникии Тоҷикистон ба номи Муҳаммад Осимӣ. Ноиби президенти Академияи илмҳои Тоҷикистон, раиси Шуъбаи илмҳои физикаю математика, химия, геология ва техникии Академияи илмҳои Тоҷикистон
Самтҳои асосии фаъолияти илмӣ: Назарияи молекулӣ-кинетикии равандҳои релаксатсионӣ, ҳодисоти интиқол, хосиятҳои чандирӣ ва акустикии моеъҳои классикӣ. Муаллифи зиёда аз 170 монографияҳо ва мақолаҳои илмӣ. Ӯ яке аз мутахассисони варзидаи соҳаи назарияи статистики ҳолати моеъи моддаҳо буда, роҷеъ ба таҳқиқи сохтори микроскопии муҳити конденсӣ дар байни олимони соҳаи физика эътироф шудааст.
Осор
- Молекулярная теория структурной релаксации и явлений переноса в жидкостях. — Душанбе,1998 (бо ҳаммуаллиф)
Ҷоизаҳо
- Аълочии маорифи Ҷумҳурии Тоҷикистон,
- Бо ордени «Шараф» (2004) сарфароз гардидааст.
Эзоҳ
This article uses material from the Wikipedia Тоҷикӣ article Саидмуҳаммад Одинаев, which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). Муҳтаво таҳти иҷозатномаи CC BY-SA 4.0 ва ё дигар дастрас аст. Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki Тоҷикӣ (DUHOCTRUNGQUOC.VN) is an independent company and has no affiliation with Wiki Foundation.