ಸಂಧ್ಯಾ ಪೈ ಕನ್ನಡೊದ ಪತ್ರಿಕೋದ್ಯಮಿ ಅಂಚೆನೆ ಲೇಖಕಿ ಲಾ ಆದುಲ್ಲೆರ್.
ಕರ್ನಾಟೊಕದ ಜನಪ್ರಿಯ ವಾರಪತ್ರಿಕೆ ತರಂಗ ಸೇರುದು ಮಣಿಪಾಲ್ ಮೀಡಿಯಾ ನೆಟ್ವರ್ಕ್ನಡ್ ನಾಲ್ ಮ್ಯಾಗಜೀನ್ ಗ್ ಸಂಪಾದಕಿಯಾದ್ ಪುದರ್ ಮಂದಿನಾರ್. ಮಸ್ತ್ ಪುಸ್ತಕೊಲೆನ್ ಲಾ ಬರೆತೆರ್.
ಇತ್ತೆ ಆರ್ 4 ಪತ್ರಿಕೆ ಲೆನ್ ನಡಪಾವೊಂದು ಪೋವೊಂದು ಉಲ್ಲೆರ್. 'ತರಂಗ', ಕನ್ನಡೊದ ವಾರಪತ್ರಿಕೆಡ್ ಮಸ್ತ್ ಹೆಚ್ಚಿನ ಪ್ರಸಾರನ್ ಹೊಂದುದುಂಡು.
'ತುಷಾರ', ಮಾಸಪತ್ರಿಕೆ.
'ರೂಪತಾರ', ಕನ್ನಡ ಚಲನಚಿತ್ರೊಲೆನ ಬಗ್ಗೆ ಮಾಹಿತಿ ಕೊರ್ಪೀನ ತಿಂಗಳುದ ಪತ್ರಿಕೆ
'ತುಂತುರು', ಜೋಕುಲೆನ ಪಾಕ್ಷಿಕ.
ಶ್ರೀಮತಿ ಸಂಧ್ಯಾ ಪೈ ಬರೆದ್ ನಿರ್ದೇಶನ ಮಂದಿನ ಸುಮಾರು 252 ಆವೃತ್ತಿ ಡ್ 'ಚಂದ್ರಮ' ಬೊಕ್ಕ ಗುಪ್ತಗಾಮಿನಿ' ಈ-ಟಿವಿ ಡ್ ಪ್ರಸಾರ ಆತುಂಡು. ಅಯಿಟ್ ಲಾ ಧಾರಾವಾಹಿ 'ಗುಪ್ತಗಾಮಿನಿ' 8 ಪ್ರಶಸ್ತಿಲೆನ್ ಗೆಂದುದುಂಡು.
ಎಂಬ್ರಾಯ್ಡರಿ',
'ಭಾರತದ ಅಡುಗೆ ಬೊಕ್ಕ ಇತರೇ ಕಲೆಟು ಪೂರಾ ಮೆರೆಗ್ ಭಾರೀ ಆಸಕ್ತಿ.
ವೈಚಾರಿಕತೆದ ಮನೋಭಾವ, ವೈಜ್ಞಾನಿಕ ದೃಷ್ಟಿಕೋನ, ಬೊಕ್ಕ ಹೊಸವಿಚಾರೊನು ತನ್ನ ತರಂಗ ಪತ್ರಿಕೆಡ್ 'ಪ್ರಿಯ ಓದುಗ', ಪನ್ಪಿನ ಶೀರ್ಷಿಕೆಡ್ ಅವೆತೋ ಲೇಖನೊಲೆನ್ ಲಾ ಬರೆತೆರ್. ವೇದಾಂತೊಡು, 'ಉಪನಿಷದ್','ಭಗವದ್ಗೀತೆ','ಯೋಗ','ತಂತ್ರ', 'ಜೆನ್' ನೆತ್ತ ಪೂರಾ ಪ್ರಕಾರೊಡು ಲೇಖನೊಲೆನ್ ಪ್ರಕಟ ಮಂದೆರ್.
ಎಡ್ಡೆ ಸಾಮಾಜಿಕೊ ಕಾರ್ಯಕರ್ತೆ ಪಂದ್ ಚಿರ ಪರಿಚಿತರಾತೇರ್.
ಮಹಿಳೆಯರ್ನ ಹಿತರಕ್ಷಣೆದ ಬಗ್ಗೆ ಕಾಳಜಿಡ್ ಮಣಿಪಾಲ ಮಹಿಳೊ ಸಮಾಜ ಅಧ್ಯಕ್ಷೆಯಾದ್ಲಾ ಸೇವೆ ಸಲ್ಲಿಸಾವೊಂದು ಉಲ್ಲೆರ್.
ಸಂಧ್ಯಾ ಪೈ ಅರೆನ ಮನರಂಜನಾ ಉದ್ಯೊಮ, ಪತ್ರಿಕೋದ್ಯಮ ಬೊಕ್ಕ ಸಾಮಾಜಿಕ ಸಾಧನೆಗ್ , ಕೊಡುಗೆಗ್ ಅವೆತೂ ಪ್ರತಿಷ್ಠಿತ ಪ್ರಶಸ್ತಿಲೆನ್ ಗೆಂದುದೆರ್. ಅವೆಟ್ ಕೆಲವು ಇಂಚಾ ಉಂಡು: ಪತ್ರಿಕೋದ್ಯೊಮಡ್ ಅತಿ ಹೆಚ್ಚಿನ ಸಾಧನೆಗಾದ್ 'ಅತ್ತಿಮಬ್ಬೆ ಪ್ರಶಸ್ತಿ' ಈ ಗೌರವಕ್ ಪಾತ್ರರಾಯಿನ ಈ ಕ್ಷೇತ್ರೊದ ಸುರುತ ಪೊ೦ಜುವು.
2003 ಟ್ ವರ್ಷದೊ ವ್ಯಕ್ತಿ ಅತಿ ಹೆಚ್ಚಿನ ಕಾರ್ಯಕ್ಷೇತ್ರಡ್ ಕೊಡುಗೆ ಮಂದಿನೆಕ್.
2005 ಟ್,ಮುಂಬಯಿನಗರೊದ 'ಚೆಂಬೂರು ಕರ್ನಾಟಕ ಸಂಘದ ರಾಷ್ಟ್ರೀಯ ಕನ್ನಡ ರತ್ನ ಪ್ರಶಸ್ತಿ' ಪ್ರದಾನ. (೩)
ಅರೆನ ಸೃಜನಶೀಲ ಪ್ರತಿಭೆ, ಆಡಳಿತಾತ್ಮಕ ದಕ್ಷತೆ ಬೊಕ್ಕ ಕಾರ್ಯನಿರ್ವಾಹಕ ಕೌಶಲ್ಯಕು 2003 ರ ವರ್ಷದ PR ವ್ಯಕ್ತಿ ಪ್ರಶಸ್ತಿ. ಶ್ರವಣಬೆಳಗೊಳ (2005) ಸ್ವಾತಿಶ್ರೀ ಚಾರುಕೀರ್ತಿ ಭಟ್ಟಾರಕ ಸ್ವಾಮೀಜಿ ಆರ್ ಪ್ರದಾನ ಮಂದಿನ ವಿವಿಧ ಕ್ಷೇತ್ರದ ಅರೆನ ಅಪಾರ ಕಾರ್ಯಕ್ಕಾದ್ ಸಾಧನಾ ಪ್ರಶಸ್ತಿ.
ಪತ್ರಿಕೋದ್ಯಮ ಕ್ಷೇತ್ರದಲ್ಲಿ ಅವರ ಶ್ಲಾಘನೀಯ ಸಾಧನೆಗಳಿಗಾಗಿ ಕರ್ನಾಟಕ ಮಾಧ್ಯಮ ಅಕಾಡೆಮಿ ಪ್ರಶಸ್ತಿ 2006.
2007ಟ್,ಹೊಸನಗರದ ಶ್ರೀ ರಾಮಚಂದ್ರ ಮಠ್ ವತಿಡ್ದು, 'ಶ್ರೀ ಮಾತಾಪ್ರಶಸ್ತಿ'
2013ಟ್ ಪತ್ರಿಕೋದ್ಯಮದ ಸೇವೆನ್ ಗಮನಿಸಿ, 'ಗೌರವ ಡಾಕ್ಟರೇಟ್ ಪದವಿ'. 'ಆರ್ಯಭಟ್ಟ ಸಾಂಸ್ಕೃತಿಕ ಸಂಸ್ಥೆ'ಯ ವತಿಡ್ದುಲ ಪ್ರಶಸ್ತಿ ಗೆಂದುದೇರ್. 2021ಟ್ ಸಂಧ್ಯಾ ಪೈ ಅರೆಗ್ ಶಿವರಾಮ ಕಾರಂತ ಪ್ರಶಸ್ತಿ.
ಗುಲ್ಬರ್ಗಾ ನಗರೊಡು 3 ಮಾರ್ಚ್, ಭಾನುವಾರ ನಡೆತಿನ 2013 ರ ಸಾಲುದ, ಕರ್ನಾಟಕ ರಾಜ್ಯೊದ ಮಹಿಳಾ ವಿಶ್ವವಿದ್ಯಾಲಯೊದ ನಾಲ್ಕನೇ ಘಟಿಕೋತ್ಸವೊಡು ಪದವಿ ಪ್ರದಾನ ಸಮಾರಂಭೊಡು ಗೌರವ ಡಾಕ್ಟರೇಟ್ ನ್ ಸಂಧ್ಯಾ ಪೈ ಅರೆಗ್ ಕೊರ್ದು ಗೌರವಿಸಲಾತುಂಡು. ಉಪ ಕುಲಪತಿ ಡಾ.ಮೀನಾ ಚಂದಾವರಕರ್ ಈ ಗೌರವ ಪ್ರದಾನ ಮಂತು ಇತ್ತೆರ್.
ಮಣಿಪಾಲ್ ಮೀಡಿಯಾ ನೆಟ್ವರ್ಕ್ ಅಯಿತ ವಿವಿಧ ಮುದ್ರಣ ನಿಯತಕಾಲಿಕೆಲು ಬೊಕ್ಕ ಎಲೆಕ್ಟ್ರಾನಿಕ್ ಮಾಧ್ಯಮದ ಮೂಲಕ ರಾಜ್ಯೊಡು ಮಲ್ಲ ಪುದರ್ ನ್ ಮಂದುಂಡು.ಅರೆನ ಕಂಡನಿ ಸತೀಶ್ ಯು ಪೈ ಆರ್ ಈ ಬೃಹತ್ ಸಮೂಹದ ವ್ಯವಸ್ಥಾಪಕ ನಿರ್ದೇಶಕರಾದುಲ್ಲೆರ್, ಅತೀ ಕ್ರೀಯಾತ್ಮಕ ವ್ಯಕ್ತಿತ್ವ ಅರೆನ ಅಂಚೆನೆ ಮಣಿಪಾಲ್ ಮೀಡಿಯಾ ನೆಟ್ವರ್ಕ್ ನ್ ಅವೆತೂ ಎತ್ತರಕ್ ಕೊಂತೆರ್.
ಮಣಿಪಾಲ್ ಮಾಧ್ಯಮ ನೆಟ್ವರ್ಕ್ ಲಿಮಿಟೆಡ್ನ ಕಾರ್ಯನಿರ್ವಾಹಕ ನಿರ್ದೇಶಕರಾದುಪ್ಪುನ, ಮಣಿಪಾಲ್ ಪ್ರೆಸ್ ನ್ ನಿರ್ವಹಿಸೊಂದು ಉಪ್ಪುನ ಅರೆನ ಮಗೆ ಗೌತಮ್ ಪೈ ಅರೆನ ಪ್ರಗತಿಪರ ಆಲೋಚನೆದ ಪಿರಾವುಡು ಸಂಧ್ಯಾ ಪೈ ಸ್ಫೂರ್ತಿಯಾದುಲ್ಲೆರ್.
This article uses material from the Wikipedia ತುಳು article ಸಂಧ್ಯಾ ಪೈ, which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). ಪ್ರತ್ಯೇಕವಾದ್ ಉಲ್ಲೇಕ ಮಲ್ಪಂದೆ ಇತ್ತ್ಂಡ, ವಿಸಯ "CC BY-SA 4.0" ದ ಅಡಿಟ್ ಲಬ್ಯ ಉಂಡು. Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki ತುಳು (DUHOCTRUNGQUOC.VN) is an independent company and has no affiliation with Wiki Foundation.