ಡಾ. ಎಂ. ಮೋಹನ್ ಆಳ್ವ

ಎಂ. ಮೋಹನ್ ಆಳ್ವೆರ್ ದಕ್ಷಿಣ ಕನ್ನಡ ಜಿಲ್ಲೆದ ಮೂಡುಬಿದಿರೆದ ಮಿಜಾರು ಗ್ರಾಮದಾರ್. ಆಳ್ವಾಸ್ ಶಿಕ್ಷಣ ಪ್ರತಿಷ್ಠಾನ (ಆಳ್ವಾಸ್ ಎಜುಕೇಶನ್ ಫೌಂಡೇಶನ್ (ರಿ))ದ ಅಧ್ಯಕ್ಷೆರ್. ಶಿಕ್ಷಣ, ಸಾಂಸ್ಕೃತಿಕ ಬೊಕ್ಕ ಕ್ರೀಡಾ ಕ್ಷೇತ್ರಡ್ ಮಸ್ತ್ ಬೇಲೆ ಮಲ್ದೆರ್.

ಡಾ. ಎಂ ಮೋಹನ್ ಆಳ್ವ
ಪುಟ್ಟಿನ	ಮೇ 31, 1952 ಮಿಜಾರು, ದಕ್ಷಿಣ ಕನ್ನಡ ಕರ್ನಾಟಕ
ರಾಷ್ಟ್ರೀಯತೆ	ಭಾರತೀಯ
ವೃತ್ತಿ(s)	ವೈದ್ಯ, ಕಲಾವಿದ
Known for	ಸಮಾಜಸೇವೆ
ಸಂಗಾತಿ	ಶೋಭಾ ಆಳ್ವ
ಮಕ್ಕಳು	ವಿವೇಕ್ ಆಳ್ವ, ಡಾ. ವಿನಯ್ ಆಳ್ವ
ಪಾಲಕರುs	ಮಿಜಾರುಗುತ್ತು ಆನಂದ ಆಳ್ವ (father) ಸುಂದರಿ ಆಳ್ವ (mother)

ಮಿಜಾರುಗುತ್ತು ಡಾ. ಮೋಹನ್ ಆಳ್ವೆರ್ ಮೇ 31, 1952ನೇ ಇಸವಿಟ್ ಮಿಜಾರ್ ಡ್ ಪುಟ್ಯೆರ್. ಇಂಬೆರ್ ಮಿಜಾರುಗುತ್ತು ಆನಂದ ಆಳ್ವ ಬೊಕ್ಕ ಸುಂದರಿ ಆಳ್ವೆರ್ನ ಮಗೆ. ಉಡುಪಿದ ಎಸ್.ಡಿ.ಎಂ ಆಯುರ್ವೇದ ಕಾಲೇಜ್ಡ್ ವೈದ್ಯ ಪದವಿ ಪಡೆತೆರ್. ಮೋಹನ್ ಆಳ್ವೆರ್ ವೈದ್ಯರಾದ್ ಬಡವೆರೆಗ್ ಬೊಕ್ಕ ಎಚ್ಐವಿ ಸೋಂಕಿತೆರೆಗ್ ಮಸ್ತ್ ಉಪಕಾರ ಮಲ್ದೆರ್. ಆರೆಗ್ ನಾಟಕೊ, ಕ್ರೀಡೆ ಬೊಕ್ಕ ಸಾಹಿತ್ಯೊಡು ವಿಶೇಷವಾಯಿನ ಆಸಕ್ತಿ ಉಂಡು.

1995ನೇ ಇಸವಿಟ್ ಮೋಹನ್ ಆಳ್ವೆರ್ ಆಳ್ವಾಸ್ ಎಜುಕೇಶನ್ ಫೌಂಡೇಶನ್ (ಆಳ್ವಾಸ್ ಶಿಕ್ಷಣ ಪ್ರತಿಷ್ಠಾನ)ವನ್ನು ಸ್ಥಾಪನೆ ಮಲ್ತೆರ್. ಇತ್ತೆ ಈ ಸಂಸ್ಥೆದ ಅಡಿಟ್ 20,000ಗ್ಲಾ ಎಚ್ಚ ಜೋಕುಲು ಶಿಕ್ಷಣ ಪಡೆಯೊಂದುಲ್ಲೆರ್. ಪ್ರಾಥಮಿಕ ಶಾಲೆಡ್ದ್ ವೈದ್ಯಕೀಯ ಕಾಲೇಜು ಮುಟ್ಟಲ ಆಳ್ವಾಸ್ ಸಂಸ್ಥೆ ಮೋಹನ್ ಆಳ್ವೆರ್ನ ಮುಂದಾಳತ್ವೊಡು ನಡಪಾವೊಂದು ಬರೊಂದುಲ್ಲೆರ್.

• ಆಳ್ವಾಸ್ ಕನ್ನಡ ಮಾಧ್ಯಮ ಶಾಲೆ
• ಆಳ್ವಾಸ್ ಆಂಗ್ಲ ಮಾಧ್ಯಮ ಶಾಲೆ
• ಆಳ್ವಾಸ್ ಕೇಂದ್ರೀಯ ವಿದ್ಯಾಲಯ
• ಆಳ್ವಾಸ್ ವಿಶೇಷ ಮಕ್ಕಳ ಶಾಲೆ
• ಆಳ್ವಾಸ್ ಪದವಿ ಪೂರ್ವ ಕಾಲೇಜು
• ಆಳ್ವಾಸ್ ಕಾಲೇಜು(ಸ್ನಾತಕ, ಸ್ನಾತಕೋತ್ತರ)
• ಆಳ್ವಾಸ್ ಆಯುರ್ವೇದ ಮೆಡಿಕಲ್ ಕಾಲೇಜು
• ಆಳ್ವಾಸ್ ಹೋಮಿಯೋಪಥಿ ಮೆಡಿಕಲ್ ಕಾಲೇಜು
• ಆಳ್ವಾಸ್ ಕಾಲೇಜ್ ಆಫ್ ಫಿಸಿಯೋಥೆರಪಿ
• ಆಳ್ವಾಸ್ ಕಾಲೇಜ್ ಆಫ್ ಅಲೈಡ್ ಹೆಲ್ತ್ ಸೈನ್ಸ್
• ಆಳ್ವಾಸ್ ನರ್ಸಿಂಗ್ ಕಾಲೇಜು
• ಆಳ್ವಾಸ್ ನ್ಯಾಚುರೋಪತಿ ಆಂಡ್ ಯೋಗಿಕ್ ಸೈನ್ಸ್
• ಆಳ್ವಾಸ್ ಕಾಲೇಜ್ ಆಫ್ ಮೆಡಿಕಲ್ ಲ್ಯಾಬ್ ಟಕ್ನಿಷಿಯನ್
• ಆಳ್ವಾಸ್ ತಾಂತ್ರಿಕ ಮಹಾವಿದ್ಯಾಲಯ
• ಆಳ್ವಾಸ್ ಶಿಕ್ಷಣ ಮಹಾವಿದ್ಯಾಲಯ
• ಆಳ್ವಾಸ್ ದೈಹಿಕ ಶಿಕ್ಷಣ ಕಾಲೇಜು

ಡಾ. ಎಂ. ಮೋಹನ್ ಆಳ್ವೆರ್ ಆರ್ನ ಶಿಕ್ಷಣ ಸಂಸ್ಥೆಡ್ ಪ್ರತಿಭಾವಂತೆರೆಗ್ ದತ್ತು ಸ್ವೀಕಾರ ಯೋಜನೆತ್ತ ಅಡಿಟ್ ಉಚಿತವಾದ್ ಶಿಕ್ಷಣ ಕೊರೊಂದುಲ್ಲೆರ್. ಕ್ರೀಡೆ, ಸಾಂಸ್ಖೃತಿಕ, ಶೈಕ್ಷಣಿಕ ದತ್ತು ಸ್ವೀಕಾರ ಅತ್ತಂದೆ ಹಿಂದುಳಿದ ವರ್ಗ, ಬುಡಕಟ್ಟು ಜನಾಂಗ, ಜಾನಪದ ಕ್ರೀಡೆಟ್ ಸಾಧನೆ ಮಲ್ದಿನ ಜೋಕುಲೆಗ್ ಬೊಕ್ಕ ಅಂಗವಿಕಲೆರೆಗ್ಲ ದತ್ತು ಸ್ವೀಕಾರ ಯೋಜನೆಟ್ ಉಚಿತ ಶಿಕ್ಷಣ ಕೊರೊಂದುಲ್ಲೆರ್.

ಕನ್ನಡ ಮಾದ್ಯಮ ಸಾಲೆ

ಆಳ್ವಾಸ್ ಕನ್ನಡ ಮಾಧ್ಯಮ ಶಾಲೆಡ್ ಉಚಿತ ಶಿಕ್ಷಣ ಕೊರ್ಪೆರ್. ಇಂದೆಕ್ ಪ್ರವೇಶ ಪಡೆಯೆರೆ ರಾಜ್ಯೊದ ಬೇತೆ ಬೇತೆ ಜಾಗೆಡ್ದ್ ಜೋಕುಲು ಬರ್ಪೆರ್. ಈ ಶಾಲೆಡ್ ಜೋಕುಲೆಗ್ ಶಿಕ್ಷಣದ ಒಟ್ಟುಗು ಸಂಗೀತ, ಕ್ರೀಡೆ, ಕXಶಲ್ಯ ತರಬೇತಿಲ ಕೊರ್ಪೆರ್.