ಅರ್ಕಾವತಿ ಪಂಡ ಒಂಜಿ ಬಗೆತ ಚಾಲಿಯೆ(ಜೇಡ).ದೊಡ್ಡಬಳ್ಳಾಪುರ ತಾಲೂ್ಕುಗು ಮುಟ್ಟದ ನಂದಿಬೆಟ್ಟದ ಮಿತ್ತ್ದ ಹೆಗ್ಗಡಿ ಹಳ್ಳಿಡ್ ಒಂಜಿ ಪೊಸ ಜಾತಿದ ಚಾಲಿಯನ್ ಪರಿಸರ ಆಸಕ್ತೆರ್ ನಾಡ್ಡ್ ಪತ್ತ್ದೆರ್.
ನಂದಿ ಬೆಟ್ಟಡ್ ಪುಟ್ಟುನ ಅರ್ಕಾವತಿ ತುಧೆತ ಪುದರ್ನೇ ಈ ಪೊಸ ಚಾಲಿಯನ ಜಾತಿಗ್ ದೀತೆರ್. ಸಾಲ್ಟಿಸಿಡೆ ಕುಟುಂಬೊಗು ಸೇರಿನ ಈ ಚಾಲಿಯೆ ಲಾಗ್ಯುನ ಜೇಡ ಕುಟುಂಬೊಗು ಸೇರ್ದುಂಡು. ಅರ್ಧ ಸೆಂಟಿ ಮೀಟರ್ ದಾತ್ ಅಳತೆ ಉಪ್ಪುನ ಚಾಲಿಯ ಲಾಗ್ಯೊಂದು ಪೋದು ಒಂಜಿ ಚಣೊಟು ಮಾಯಕಾಪುಂಡು.
ಈ ಜಾತಿದ ಚಾಲಿಯೆ ಮಸ್ತ್ ಅಪರೂಪದವು ಉಂದು ಭಾರತ ,ಶ್ರೀಲಂಕಾ,ಚೀನಾ ಬೊಕ್ಕ ವಿಯಟ್ನಾಂ ದೇಸೊಲೆಡ್ ಮಾತ್ರ ತೂಯೆರೆ ತಿಕ್ಕ್ದ್ಂಡ್
ಈ ಪೊಸ ಜಾತಿದ ಚಾಲಿಯನ ಬಗ್ಗೆಟ್ ಸಂಶೋಧನೆ ನಡತೋಂದು ಉಂಡು.ಈ ಚಾಲಿಯನ್ ನಾಡುನ ಅಯಿತ ಜೀವನ ಕ್ರಮತ ಬಗೆಟ್ ಚೆನ್ನೈದ ಎಂಟಿಮಾಲಜಿ ಇನ್ಸ್ಟಿಟ್ಯೂಟ್ದ ಡಾ.ಜಾನ್ ಕೆಲಬ್ ಅಂಚನೆ ಮರಿಯಾ ಪ್ಯಾಕಿಯಂ,ಈ ಕೋಪೆದ ಸದಸ್ಯೆ ಡಾ.ಅಭಿಜಿತ್ ಎಪಿಸಿ ಒಂಜಿ ವರ್ಷೊ ಅಧ್ಯಯನ ಮಲ್ತ್ದೆರ್ ಚಿನ್ಮಯ್ ಸಿ .ಮಳಿಯೆ,ಎಸ್ ಆಶಾ ,ಆರ್ ಜನಾರ್ದನ ,ಜೆ ಚೇತನ್ ,ಎಸ್.ಪಿ ಹರಿಹರನ್ ,ನವೀನ್ ಐಯ್ಯರ್, ಕೆ ಸಾಕ್ಷಿ ಬೊಕ್ಕ ಅಕ್ಷಯ ದೇಶಪಾಂಡೆ ಈ ಕೋಪೆದಕುಲು ಈ ಚಾಲಿಯನ್ ನಾಡ್ದ್ ಮಾದರಿ ಸಂಗ್ರಹಣೆಗ್ ಸುರು ಮಲ್ತ್ಂಡ್. ಈ ಕೋಪೆ ನನಲ ಜಾಸ್ತಿದ ಸಂಶೋಧನೆ ಮಲ್ಪುನ ಬಗೆಟ್ ಮಾಹಿತಿ ಕೊರ್ತ್ಂಡ್.
ಈ ಜಾತಿದ ಚಾಲಿಯೆ ಮಸ್ತ್ ಕಡಿಮೆ ಉಪ್ಪುನೆಡ್ದಾತ್ರ ಬೆಟ್ಟದ ಮಾತ ಕಡೆಟ್ ತೂಯೆರೆ ತಿಕ್ಕುಜಿ.ಈ ಜಾತಿದ ಚಾಲಿಯೇ ಬಜಕುರೆ ಬೂರ್ನಲ್ಪ ಬಂಡೆಕಲ್ಲ್ಲ್ ಇತ್ತಿನಲ್ಪ ಚೂರು ಕಿರ್ಚಿಮಣ್ಣ್ಡ್ ಲುಂಗೆಲ್ ಪಂತಿದ ಇತ್ತಿನಲ್ಪ ಉಪ್ಪುಂಡು.ಮಾತ ಮರ ದಯಿಕುಲೆಡ್ ಉಪ್ಪುಜಿ.ಕಾಡ್ ಮಲ್ಲಿಗೆ ಬೊಕ್ಕ ನೀಲಗಿರಿ ಸುರುಳಿ ಸುತ್ತಿನ ಇರೆಟ್ ಗೂಡು ಕಟ್ಟ್ದ್ ರಾತ್ರಿ ಆರಾಮ ಜೆಪ್ಪುಂಡು. ಪಗೆಲ್ದ ಪೊರ್ತು ಚಟುವಟಿಕೆಡ್ ಇತ್ತ್ದ್ ರಾತ್ರಿ ಮಾತ್ರ ನಿದೆರುಂಡು.ಸುರುಳಿ ಸುತ್ತಿನ ಲುಂಗೆಲ್ ಇರೆಟ್ ಪೊಣ್ಣು ಚಾಲಿಯೆ ಬಲೆತ ಗೂಡು ಕಟ್ಟ್ದ್ ತೆತ್ತಿ ದೀದ್ ಕಿನ್ನಿ ಆಪುನೆ ಮುಟ್ಟ ಕಾತೊಂದು ಉಪ್ಪುಂಡು. ಪೊಣ್ಣು, ಆಣ್, ಬೊಕ್ಕ ಕಿನ್ನಿ ಚಾಲಿಯನ್ ಅದ್ಯಯನದ ಕೋಪೆ ತೂದುಂಡು. ನನಲ ಅಧ್ಯಯನ ನಡತೊಂದುಂಡು
ಇಡಿ ಲೋಕೊಡು ೫೦,೦೦೦ ಚಾಲಿಯನ ಜಾತಿಲು ಉಂಡು ಅವೆಕ್ ಉಂದು ಒಂಜಿ ಪೊಸತ್ ಸೇರ್ಪಡೆ,ನಮ್ಮ ಭಾರತೊಡು ಒಟ್ಟು ೨,೦೦೦ ಜಾತಿದ ಚಾಲಿಯೆ ಉಂಡು ಅಂಚನೆ ಕರ್ನಾಟಕೊಡು ೫೦೦ ಜಾತಿದ ಚಾಲಿಯೆ ಉಂಡು ಪನ್ಪಿನವು ಅಧ್ಯಯನದ ಮುಖಾಂತರ ತೆರಿದ್ ಬರ್ಪುಂಡು
This article uses material from the Wikipedia ತುಳು article ಅರ್ಕಾವತಿ, which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). ಪ್ರತ್ಯೇಕವಾದ್ ಉಲ್ಲೇಕ ಮಲ್ಪಂದೆ ಇತ್ತ್ಂಡ, ವಿಸಯ "CC BY-SA 4.0" ದ ಅಡಿಟ್ ಲಬ್ಯ ಉಂಡು. Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki ತುಳು (DUHOCTRUNGQUOC.VN) is an independent company and has no affiliation with Wiki Foundation.