ಅದಿತಿ ಪಂತ್

ಅದಿತಿ ಪಂತ್ ಭಾರತದ ಸಮುದ್ರಶಾಸ್ತ್ರಜ್ಞೆ. ಅದಿತಿ ಪಂತ್ ಭಾರತೊದ ಸಮುದ್ರ ಶಾಸ್ತ್ರಜ್ಞೆ. 1983ಟ್ ಭಾರತದ ಅಂಟಾರ್ಕ್ಟಿಕ ಕಾರ್ಯಕ್ರಮೊದ ಅಂಗವಾದ್ ಭೂವಿಜ್ಞಾನಿ ಸುದೀಪ್ತಾ ಸೆಂಗುಪ್ತ ಜೊತೆಟ್ ಅಂಟಾರ್ಕ್ಟಿಕಕ್ ಭೇಟಿ ನೀಡಿನ ಸುರುತ ಭಾರತೊದ ಪೊಂಜೊವು. ಇಂಬೆರ್ ರಾಷ್ಟ್ರೀಯ ಸಮುದ್ರಶಾಸ್ತ್ರ ಸಂಸ್ಥೆ, ನ್ಯಾಷನಲ್ ಕೆಮಿಕಲ್ ಲ್ಯಾಬೊರೇಟರಿ, ಪುಣೆ ವಿಶ್ವವಿದ್ಯಾಲಯೊ, ಮಹಾರಾಷ್ಟ್ರ ಅಕಾಡೆಮಿ ಆಫ್ ಸೈನ್ಸ್ ಸಂಸ್ಥೆಲೆಡ್ ಪ್ರಮುಖ ಸ್ಥಾನೊಲೆನ್ ಪಡೆದೆರ್.

ಅದಿತಿ ಪಂತ್ ನಾಗಾಪುರಟ್ ಪುಟ್ಟುದು, ಪುಣೆ ವಿಶ್ವವಿದ್ಯಾಲಯೊಡ್ದು ಬಿ.ಎಸ್.ಸಿ ಪದವಿನ್ ಕಲ್ತೆರ್. ಅಲಿಸ್ಟರ್ ಹಾರ್ಡಿ ಅರೆನ ದಿ ಓಪನ್ ಸೀ ಪುಸ್ತಕೊ ಅರೆಗ್ ಸಮುದ್ರಶಾಸ್ತ್ರೊನು ವೃತ್ತಿಯಾದ್ ದೆತ್ತೊನರೆ ಸ್ಫೂರ್ತಿ ಕೊರುಂಡು. ಹವಾಯಿ ವಿಶ್ವವಿದ್ಯಾಲೊಯಡ್ದ್ ಮೆರೈನ್ ಸೈನ್ಸ್ ಡ್ ಮಾಸ್ಟರ್ಸ್ ಕಲ್ಪರೆ ಯು.ಎಸ್. ಸರ್ಕಾರೊ ವಿದ್ಯಾರ್ಥಿವೇತನ ಅರೆಗ್ ಕೊರ್ದು ಇತ್ತುಂಡು. ಬೊಕ್ಕ ಆರ್ ಸಮುದ್ರ ಪಾಚಿದ ಶರೀರ ವಿಜ್ಞಾನೊಡು ಪಿಎಚ್.ಡಿ ಪದವಿ ಪಡೆಯರೆ ಲಂಡನ್ ವಿಶ್ವವಿದ್ಯಾಲೊಯದ ವೆಸ್ಟ್ ಫೀಲ್ಡ್ ಕಾಲೇಜಿಗ್ ಪೋದು ಇತ್ತೆರ್.

ಅದಿತಿ ಪಂತ್ ಆರ್ ಪದವಿಪೂರ್ವ ಅಧ್ಯಯನ ಮನ್ಪುನಗ, ಅಲಿಸ್ಟರ್ ಹಾರ್ಡಿ ಅರೆನ 'ದಿ ಓಪನ್ ಸೀ' ಪ೦ಡ "ತೆರೆದಿನ ಸಮುದ್ರ" ಪುಸ್ತಕನ್ ಒದುದಿತ್ತೆರ್. ಈ ಪುಸ್ತಕೊ ಅರೆನ ಜೀವನೊಡು ಮಾ ಮಲ್ಲ ಪರಿಣಾಮ ಬುರು೦ಡು ಬೊಕ್ಕ ಆರ್ ಸಮುದ್ರಶಾಸ್ತ್ರೊನ್ ತನ್ನ ವೃತ್ತಿಯಾದ್ ಸ್ವೀಕಾರ ಮನ್ಪರೆ ನಿರ್ಧಾರ ಮ೦ತೆರ್.

ತನ್ನ ಪೂರಾ ಅಧ್ಯಯೊನಲು ಮುಗಿನ ಬೊಕ್ಕ ಅದಿತಿ ಭಾರತಕ್ ಪಿರಾ ಬತ್ತೆರ್. ಗೋವಾದ ರಾಷ್ಟ್ರೀಯ ಸಮುದ್ರಶಾಸ್ತ್ರ ಸಂಸ್ಥೆದ ಸಂಸ್ಥಾಪಕರಾಯಿನ ಎನ್.ಕೆ.ಪಣಕ್ಕರ್ ಅರೆನ ಸ್ಫೂರ್ತಿ ಪಡೆದ್ ಬೊಕ್ಕ ಅವೇ ಸಂಸ್ಥೆಗ್ ಕೆಲಸೊಗು ಸೇರಿಯೆರ್.

ಡಿಸೆಂಬರ್ 1983 ಬೊಕ್ಕ ಮಾರ್ಚ್ 1984 ರೈ ತನೊಕ ಅದಿತಿ ಅಂಟಾರ್ಕ್ಟಿಕಕ್ಕೆ ದಂಡಯಾತ್ರೆ ಮಂತು ಇತ್ತೆರ್. ಈ ದಂಡಯಾತ್ರೆ ಅಂಟಾರ್ಕ್ಟಿಕ್ ಸಾಗೊರದ ಆಹಾರ ಸರಪಳಿ ಭೌತಶಾಸ್ತ್ರ, ರಸಾಯನಶಾಸ್ತ್ರ, ಜೀವಶಾಸ್ತ್ರಕ್ಕೆ ಸಂಬಂಧಿಸಿನ ಮಾಹಿತಿಲೆನ್ ಸಂಗ್ರಹಿಸಾವುನ ಉದ್ದೇಶ ಇತ್ತುಂಡು. ಈ ಕಾರ್ಯಾಚರಣೆದ ಸಂದರ್ಭೊಡು, ಭಾರತೀಯ ವೈಜ್ಞಾನಿಕ ಸಂಶೋಧನಾ ಕೇಂದ್ರವಾದು ಇತ್ತೀನ ದಕ್ಷಿಣ ಗಂಗೋತ್ರಿನ್ (ದಕ್ಷಿಣ ಧ್ರುವಡ್ದ್ 2500 ಕಿ.ಮೀ.ದೂರಡು ಉಂಡು)ಅಂಟಾರ್ಕ್ಟಿಕಡ್ ನಿರ್ಮಾಣ ಮಂತೆರ್. 1990ಟ್ ರಾಷ್ಟ್ರೀಯ ಸಮುದ್ರಶಾಸ್ತ್ರ ಸಂಸ್ಥೆದ ಒಟ್ಟುಗು 17 ವರ್ಷೊ ಕೆಲಸ ಮಂತುದು ಬೊಕ್ಕ ನ್ಯಾಷನಲ್ ಕೆಮಿಕಲ್ ಲ್ಯಾಬೊರೇಟರಿಡ್ ಕೆಲಸ ಮನ್ಪರೆ ಪುಣೆಗ್ ಪೋಯೆರ್.

ಅದಿತಿ ಪಂತ್ ಆರ್ ಐದು ಪೇಟೆಂಟ್‌ದ ಮಾಲೀಕರಾದುಲ್ಲೆರ್ ಬೊಕ್ಕ ಅಂತರರಾಷ್ಟ್ರೀಯ ನಿಯತಕಾಲಿಕೆ ಡ್ 67 ಕ್ಕೂ ಜಾಸ್ತಿ ಪ್ರಕಟಣೆಲೆನು ಹೊಂದುದ್ದೆರ್.

ಅದಿತಿ ಪಂತ್ ಮಹಾರಾಷ್ಟ್ರ ಸೊಸೈಟಿ ಫಾರ್ ದಿ ಕಲ್ಟಿವೇಶನ್ ಆಫ್ ಸೈನ್ಸ್, ಜನರಲ್ ಬಾಡಿ ಆಫ್ ಮಹಾರಾಷ್ಟ್ರ ಅಸೋಸಿಯೇಷನ್ ​​ಫಾರ್ ದಿ ಕಲ್ಟಿವೇಶನ್ ಆಫ್ ಸೈನ್ಸ್, ಜೈವಿಕ ಇಂಧನ ಸಮಿತಿ, ಜೈವಿಕ ತಂತ್ರಜ್ಞಾನ ಇಲಾಖೆ, ಸಿಜಿಒ ಕಾಂಪ್ಲೆಕ್ಸ್, ನವದೆಹಲಿಯ ಸದಸ್ಯರಾದುಲ್ಲೆರ್. ಆರ್ ಮಹಾರಾಷ್ಟ್ರ ಅಕಾಡೆಮಿ ಆಫ್ ಸೈನ್ಸ್‌ನ ಸಹ ಸದಸ್ಯರ್ ಲ ಆದುಲ್ಲೆರ್.

ಅದ್ಭುತ ಪ್೦ಜೊವು ಆಯಿನ ಡಾ. ಅದಿತಿ ಪಂತ್ ಅರೆನ ದಂಡಯಾತ್ರೆದ ಪರವಾದ್ ಅಂಟಾರ್ಟಿಕಾ ಪ್ರಶಸ್ತಿ ಕೊರ್ದು ಗೌರವಿಸಲಾ೦ಡು.

SERC ಪ್ರಶಸ್ತಿ ಬೊಕ್ಕ ಭಾರತದ ಅಂಟಾರ್ಕ್ಟಿಕ್ ಕಾರ್ಯಕ್ರಮೊಗು ಅರೆನ ಕೊಡುಗೆಗಾದ್ ಭಾರತ ಸರ್ಕಾರದ ಪ್ರತಿಷ್ಠಿತ ಅಂಟಾರ್ಕ್ಟಿಕಾ ಪ್ರಶಸ್ತಿ.

ಅರೆನ ಅದ್ಭುತ ಬೊಕ್ಕ ಅತ್ಯಂತ ಬಲಿಷ್ಠ ಪೊ೦ಜುವು ಆದ್, ರಾಷ್ಟ್ರದೊ ಸುತ್ತದ ಪೂರಾ ಪೊ೦ಜುವುಲೆಗ್ ಅಕಲೆಗ್ ಅಕುಲು ಬಯಸಿದಿನೆನ್ ಮನ್ಪರೆ , ಅವು ಬ್ರಹ್ಮಾಂಡದ ಒವ್ವೆ ಭಾಗವಾದ್ ಉಪ್ಪಡ್, ಪೂರಕಡೆಟ್ ಲಾ ಯಶಸ್ಸ್ ಸಾಧಿಸರೆ ಅದಿತಿ ಪಂತ್ ಸ್ಫೂರ್ತಿ ಆತೆರ್. ಜನವರಿ 20, 2018 ಆನಿ ಅದಿತಿ ಪ್೦ತ್ ಅರೆಗ್ ನವದೆಹಲಿಡ್ ಭಾರತೊದ ರಾಷ್ಟ್ರಪತಿ ಭಾರತದ ಪೊ೦ಜುವು ಸಾಧಕರ ಪ್ರಶಸ್ತಿನ್ ಕೊರ್ದು ಗೌರವಿಸಾದೆರ್.