ತುಳುವೆರೆ ಚಾವಡಿ (ರಿ)

ತಾಪನೆ ಅಯಿನೆ	ಬೆಂಗಳೂರು

ಪುಟ್ಟು

ಸುಮಾರ್ ೨೫ ವರ್ಷೊಗು ದುಂಬು ೧೭/೦೯/೧೯೯೭ ಡು ಬೆಂಗಳೂರುದ ಆರ್ ಟಿ ನಗರೊಡು ಕೆಲವು ಉಮೇದ್‌ದ ತುಲುವೆರೆನ ಕಾರ್ಯಕಾರಿ ಸಮಿತಿ ಮಲ್ತ್‌ದ್ ತುಳುಕಾದ್ ಪೊರಂಬಾಟ ಮಲ್ತೊಂದು ಪುಟ್ಟು ಬಳತಿನ ಸಂಘಟನೆ ತುಳುವೆರೆ ಚಾವಡಿ (ರಿ)ಬೆಂಗಳೂರು. ತುಳು ಭಾಷೆ, ಆಚಾರ ,ವಿಚಾರದ ಒರಿಪುಗು ಬೋಡಾದ್ ಬೇಲೆ ಬೆಂದಿನ ತುಳುವೆರೆ ಎಲ್ಯ ಸಂಘಟನೆ ಇನಿ ಮಾಮಲ್ಲ ಸಂಘಟನೆಯಾದ್ ಬಳತ್‌ದ್ ೨೫ನೆ ವರ್ಷದ ಬೊಳ್ಳಿ ಪರ್ಬೊದ ಸಂಬ್ರೊನು ಆಚರಣೆ ಮಲ್ತಿನ ಪೆರ್ಮೆ ಸಂಘಟನೆದವಾದುಂಡು

ಗುರ್ಕಾರ್ಲು

ಆಚಾರ ವಿಚಾರದ ಸಂರಕ್ಷಣೆ

ಸುರುತ ಕಾರ್ಯಕಾರಿ ಸಮಿತಿ ರಚನೆ ಆಯಿಕೂಡ್ಲೆ ತುಳುನಾಡ್‌ದ ಪರಪೋಕುಲೆನ್ ಒರಿಪುನ ಮಾಮಲ್ಲ ಉದ್ದೇಸೊ ದೀವೊಂದು ತುಳುವೆರೆನ ಕೃಷಿ(ಬೆನ್ನಿ ಸಾಗೊಲಿದ)ಪ್ರಧಾನವಾಯಿನ ಪುದ್ವಾರ್ ಲೇಸ್‌ನ್ ಮಂತಿನ ಪೆರ್ಮೆ ತುಳುವೆರೆ ಚಾವಡಿಗ್ ಸಂದುಂಡು.ಆಟಿಡೊಂಜಿ ಕೂಟ ,ಆಟಿಡೊಂಜಿ ನೆಂಪು ಇಂಚಿಂತ್ತಿ ಲೇಸ್‌ಲೆನ್ ಚಾವಡಿ ಪ್ರತಿ ವರ್ಷ ಮಲ್ತೊಂದು ಬರೊಂದುಂಡು.

ಸಂವಿಧಾನೊಡು ತುಳುಭಾಷೆ ಸೇರ್ಪಡೆ

ತುಳುವೆರೆ ಚಾವಡಿದ ಅದಗದ ಮಾನಾದಿಗೆದ ಗುರ್ಕಾಲಾದಿತ್ತಿನ ಡಿ ಕೆ ಚೌಟೆರೆನ ಮುತಾಲಿಕೆಡ್ ೫೬ ಸಂಘಟಲೆನ್ ಒಟ್ಟು ಸೇರಾದ್ ತುಳು ಬಾಸೆಗ್ ಸಂವಿಧಾನೊದ ೮ನೇ ಪರಿಚ್ಚೇದೊಡು ಸ್ಥಾನಮಾನಾ ತಿಕ್ಕೊಡು ಪನ್ಪಿ ಬೇಡಿಕೆನ್ ಸಂಬಂಧ ಪಟ್ಟಿನ ತುಳುನಾಡ್‌ದ ಅಂಚನೆ ಮಾತ ರಾಜಕೀಯ ಮುಖಂಡೆರೆನ,ಶಾಸಕೆರೆನ ಗೇಣೊಗು ಕನಪಿನ ಕೆಲಸೊದೊಟ್ಟುಗು ಫ್ರೀಡಂ ಪಾರ್ಕ್‌ಡ್ ಮಾಮಲ್ಲ ಪೊರಂಬಾಟೊನು ತುಳುವೆರೆ ಚಾವಡಿ ಮಲ್ತ್ಂಡ್.

ತುಲುಲಿಪಿ ಕ್ಲಾಸ್

ಕುಡ್ಲ ಬೆಂಗಳೂರು ರೈಲ್

ನೇತ್ರಾವತಿ ತಿರುವು ಯೋಜನೆ

ರಾಣಿ ಅಬ್ಬಕ್ಕನ ಪ್ರತಿಮೆ

ರಾಣಿ ಅಬ್ಬಕ್ಕನ ಪುದರ್ ಒರಿಯೊಡು ಅರೆನ ಸಾಧನೆ ಮಾತೆರ್ಲ ತೆರಿಯೊಡು ಪನ್ಪಿನ ಉದ್ದೇಸೊಡು ಅರೆನ ಪ್ರತಿಮೆ ತಾಪನೆ ಮಲ್ಪೊಡು ಪನ್ಪಿ ಆಸಯೊ ದೀವೊಂದು ತುಳುವೆರೆ ಚಾವಡಿ ಮಾತ ಸಂಘ ಸಂಸ್ಥೆಲೆನ ಸಹಕಾರೊದೊಟ್ಟುಗು ಎಮ್ .ಜಿ ರಸ್ತೆದ ಗಾಂಧಿ ಪ್ರತಿಮೆದ ಎದುರ ಮಾಮಲ್ಲ ಪೊರಂಬಾಟ ಮಲ್ತ್‌ದಿತ್ತ್ಂಡ್ ಅವ್ವೆಲೆಕ್ಕೊ ಇತ್ತೆ ವರ್ಸೊಡು ರಡ್ಡ್ ಸರ್ತಿ ಅಬ್ಬಕ್ಕನ ಪ್ರತಿಮೆದ ಪರವಾದ್ ವೀರ ರಾಣಿ ಅಬ್ಬಕ್ಕಬನ ಪುದರ್ ಲೋಕೊರ್ಮೆ ಪಸರುನ ಲೆಕ್ಕ್ ತುಳುವೆರೆ ಚಾವಡಿ ಕಾರ್ಯಕ್ರಮ ಮಲ್ತೊಂದುಂಡು

ಬೂಕು ಪ್ರಕಟಣೆ ಬೊಕ್ಕ ಬುಡುಗಡೆ

ವೀರ ರಾಣಿ ಅಬ್ಬಕ್ಕ ತುಳುವೆರೆಗೊಂಜಿ ಪೆರ್ಮೆ ಅರೆನ ಪುದರ್ ಪ್ರತಿಯೊರಿಲ ತೆರಿದುಪ್ಪೊಡು ಪಂದ್ ಡಾ.ಸೂರ್ಯನಾರಾಯಣ್ ಕಾಮತ್ ಬರೆಯಿನ ರಾಣಿ ಅಬ್ಬಕ್ಕ ಬೂಕುನು ತುಳುವೆರೆ ಚಾವಡಿ ರಡ್ಡ್‌ನೆ ಸರ್ತಿ ಪ್ರಕಟ ಮಲ್ಪುಂಡು.ಅಂಚನೆ ಡಿ.ಕೆ ಚೌಟೆರೆನ ಪಿಲಿಪತ್ತಿಗಡಸ್ ಬೂಕುನ್ಲಾ ರಡ್ದ್‌ನೆ ಸರ್ತಿ ಪ್ರಕಟ ಮಲ್ತ್ಂಡ್.ಅಂಚನೆ ಶಾಂತರಾಮ ಶೆಟ್ರೆನ ಮಣ್ಣ ಬಾಜನೊ ಬೂಕು ತುಳುವೆರೆ ಚಾವಡಿಡ್ ಬೊಲ್ಪುಗು ಬತ್ತ್‌ದ್ ಲೋಕಾರ್ಪಣೆ ಆಂಡ್.

ಮಾನಾದಿಗೆ

ತುಳುವೆರೆ ಚಾವಡಿ ಪ್ರತಿ ವರ್ಷಲ ಬೇತೆಬೇತೆ ಪ್ರಶಸ್ತಿ ಕೊರ್ಪಿನಂಚಿನ ಕಜ್ಜೊನ್ಲ ಪಟ್ಟೊಂದುಂಡು

ಬೊಳ್ಳಿ ಪರ್ಬೊ

ಉಲ್ಲೇಕೊ