ಗೆಲಿಲಿಯೋ ಗೆಲಲಿ

ಗೆಲಿಲಿಯೋ (೧೫ ಫೆಬ್ರುವರಿ ೧೫೬೪ - ೮ ಜನವರಿ ೧೬೪೨) ಮೇರ್ ಇಟಲಿದ ಖಗೋಲ ವಿಜ್ಞಾನಿ.

ಇಟಲಿದ ಭೌತಶಾಸ್ತ್ರಜ್ಞ, ಗಣಿತಜ್ಙ, ಖಗೋಳಶಾಸ್ತ್ರಜ್ಙ ಮತ್ತು ತತ್ವಶಾಸ್ತ್ರಜ್ಞ. ಗೆಲಿಲಿಯೋ ಸುರುಟ್ಟೇ ಸೂರ್ಯನ ಸುತ್ತ ಭೂಮಿ ಸುತ್ತುಂಡು ಪಂಡುದ್ ಸಾರ್ದೆರು.

ಗೆಲಿಲಿಯೋ ಗೆಲಲಿ
ಗೆಲಿಲಿಯೊ
ಗೆಲಿಲಿಯೋ ಗೆಲಲಿ

ಇಂಬೆರ್ ವೈಜ್ಞಾನಿಕ ಕ್ರಾಂತಿಡ್ ಮಲ್ಲ ಪಾತ್ರ ವಹಿಸದಿತ್ತೆರ್. ರೆನೆಸಾನ್ಸ್‌ ಕಾಲೊಡು ಉಂಡಾಯಿನ ವಿಜ್ಞಾನೊ ಪುನರುಜ್ಜೀವನೊದ ಆದ್ಯ ಪ್ರವರ್ತಕರೆಡ್ ಒರಿ. ಆಧುನಿಕ ವಿಜ್ಞಾನೊದ ಆಧಾರ ಕಂಬೊಲೆಡ್ ಒಂಜಿ ಎನ್ನುನ ಪ್ರಯೋಗ ಮಾರ್ಗೊನು ಅನುಷ್ಠಾನೊಗು ಕೊನತ್ತಿನ ಯಂತ್ರಶಾಸ್ತ್ರೊದ (ಮೆಕ್ಯಾನಿಕ್ಸ್‌) ಮೂಲಪುರುಷೆಂದ್ ಪುದರ್ ಪಡೆತೆ. ಖಗೋಲದ ಸಂಶೋಧನೆಗ್ ದೂರದರ್ಶಕೊನು ಸುರೂಕು ಗಲಸ್‍ದ್ ಆಕಾಸೊ ಕಾಯೊಲೆ ಬಗೆಟ್ ದಿಂಜ ಸ್ವಾರಸ್ಯಕರೊ ಇಸಯೊಲೆನ್ ಸಂಗ್ರಹಿಸಯಿನ ಕೊಪರ್ನಿಕಸ್ ಸಿದ್ಧಾಂತೊಗು ಬೆಂಬಲ ಕೊರ್ತೆ. ಬುಕ್ಕೊ ಅಯಿಡ್ದ್ ದಿಂಜ ಕಸ್ಟೊ ನಸ್ಟೊಲೆನ್ ಅನುಬವಿಸದೆ. ಗೆಲಿಲಿಯೋ ನಾಡ್ದ್ ಪತ್ತಿನ ದೂರದರ್ಶಕ ಬಾನದ ಗ್ರಹ, ನಕ್ಷತ್ರೋಲೆನ್ ಅಧ್ಯಯನ ಮಲ್ಪೆರೆ ಸುಲಭ ಆಂಡ್. ಗೆಲಿಲಿಯೋ ಗಡಿಯಾರೊನುಲ ನಾಡ್ದ್ ಪತಿನಾರ್ಲ ಅಂದ್.

ಬಾಲ್ಯೊ ಬುಕ್ಕೊ ಜೀವನೊ

ಗೆಲಿಲಿಯೊ ಪುಟ್ಟ್‌ದ್‌ನೆ 1564 ರ ಫೆಬ್ರುವರಿ 15ಗ್ ಇಟಲಿದ ಪೀಸಾ ನಗರೊಡು. ಅರೆನ ಅಮ್ಮೆರ್ ತಂದೆ ವಿನ್ಸೆನ್ಸಿಯೊ ಗೆಲೀಲಿ. ಉಣ್ಣೆ ವ್ಯಾಪಾರಿ ಬುಕ್ಕೊ ಪುದರ್ ಪೋಯಿನ ಸಂಗೀತಗಾರೆ. ಆಯನ ಅಭಿಲಾಸೆದಂಚ ಗೆಲಿಲಿಯೊ ವೈದ್ಯಶಾಸ್ತ್ರೊ ಕಲ್ಪೆರೆ ಪೀಸಾ ವಿಶ್ವವಿದ್ಯಾಲಯೊಗು ಸೇರಿಯೆ. ಅಂಡ ಆಕಸ್ಮಿಕವಾದ್ ಕೇನ್‌ನ ಒಂಜಿ ಉಪನ್ಯಾಸೊಡ್ದ್ ಪ್ರಭಾವಿತೆ ಆದ್ ಗಣಿತಶಾಸ್ತ್ರೊಡು ಆಸಕ್ತೆ ಆಯೆ. ಕ್ರಮೇಣ ಗಣಿತೊದ ಗೀಳು ಹೆಚ್ಚಾದ್ ವಿಶ್ವವಿದ್ಯಾಲಯೊನು ಬುಡ್ದು ಇಲ್ಲೆಡೆ ಬತ್ತೆ. ಆಯನ ದುಂಬುದ ವಿದ್ಯಾಭ್ಯಾಸೊ ನಡತ್‍ನೆ ಇಲ್ಲಡೆಡೆ. ಬೇಗೊ ದಿಂಜ ಪಾಂಡಿತ್ಯೊನು ಸಂಪಾದಿಸದ್ ಪೀಸಾ ವಿಶ್ವವಿದ್ಯಾಲಯೊಡು ಗಣಿತಶಾಸ್ತ್ರೊದ ಪ್ರಾಧ್ಯಾಪಕೆ ಆಯೆ.

ಉಲ್ಲೇಕೊಲು

Tags:

kn:ಖಗೋಲkn:ಗೆಲಿಲಿಯೊ ಗೆಲಿಲಿkn:ಭೂಮಿkn:ಸೂರ್ಯಇಟಲಿ

🔥 Trending searches on Wiki ತುಳು:

ತಮಿಳುನಾಡುಕೆ. ಚಿನ್ನಪ್ಪ ಗೌಡಭಾರತ ಸಂವಿಧಾನಅಂಟಾರ್ಕ್ಟಿಕದುಡಿಕರ್ನಾಟಕಜರ್ಮನಿಶುಭಾ ಸತೀಶ್ಭೂಗೋಳ ಶಾಸ್ತ್ರಪಾಲೆತ ಮೂಡೆಜಲಚಕ್ರಮಧ್ವಾಚಾರ್ಯಗಿರೀಶ್ ಕಾರ್ನಾಡ್ಬೆಂದ್ರ ಮಂಡೆಕಾಪುಒತ್ತೆಕೋಲಕಾರ್ನಾಡ್ ಸದಾಶಿವ ರಾವ್ಕಾಂತಬಾರೆ ಬೂದಬಾರೆನೇಮಿಚ೦ದ್ರಪತೆಂಗ ಬೀಚ್ವಿಜ್ಞಾನಶಿವರಾಮ ಕಾರಂತಸೌರ ಸಕ್ತಿಪಂಪಅರ್ಕಾವತಿವಿ.ಕೃ.ಗೋಕಾಕತಿಲೋತ್ತಮೆಭಾರತದ ಪಾರ್ಲಿಮೆಂಟ್ಅಡ್ಯೆಕೊರೋನಾವೈರಸ್ ಸೀಕ್ ೨೦೧೯ತನ್ನಿಮಾನಿಗಪೊಂಗರೆದ ಮರ🡆 More