ಜ್ವಾಲಾ ಗುಟ್ಟಾ (ಪುಟ್ಟು 7 ಸೆಪ್ಟೆಂಬರ್ 1983) ಒರ್ತಿ ಎಡಕಯಿಟ್ ಬ್ಯಾಡ್ಮಿಂಟನ್ ಗೊಬ್ಬುನಾಲ್ (ಆಟಗಾರ್ತಿ).
ವಾರ್ಧಾಡ್ ಭಾರತೀಯ ಪೊಪ್ಪ ಬೊಕ್ಕ ಚೀನೀ ಅಮ್ಮಗ್ ಮಗಳಾದ್ ಪುಟ್ಟ್ ನಾಲ್. ಕಿನ್ಯ ಪ್ರಾಯೊಡೆ ಬ್ಯಾಡ್ಮಿಂಟನ್ ಗೊಬ್ಬೆರೆ ಸುರು ಮಲ್ತ್ ನ ಮೇರ್ ಭಾರತದ ಯಶಸ್ವೀ ಡಬಲ್ಸ್ ಗೊಬ್ಬುದ ತಜ್ಞೆಯಾದಿತ್ತೆರ್. ಬೊಕ್ಕ ರಾಷ್ಟ್ರೀಯ ಬ್ಯಾಡ್ಮಿಂಟನ್ ಚಾಂಪಿಯನಷಿಪ್ ಪದ್ನಾಲ್ ಸರ್ತಿ ಗೆಂದ್ದೆರ್. ಗುಟ್ಟಾ ಎಡಗೈ ಸ್ಟ್ರೋಕ್-ಗೊಬ್ಬುಗು ಪುದರ್ ಪಡೆಯಿನಾರ್ ಬೊಕ್ಕ ಫೋರ್ಹ್ಯಾಂಡ್ ಸೇವೆನ್ ಗಳಸುನ ಕೆಲವೇ ಕೆಲವು ಡಬಲ್ಸ್ ಗೊಬ್ಬುದಕುಲೆನ ಪೈಕಿ ಒರ್ತಿಯಾದುಲ್ಲೆರ್.
ದೇಶ | ಭಾರತ |
ಪುಟ್ಟು | 7 ಸೆಪ್ಟೆಂಬರ್ 1983 (ವಯಸ್ಸು 34) |
ಇಲ್ಲ್ | ಹೈದರಾಬಾದ್, ತೆಲಂಗಾಣ, ಭಾರತ |
ಎತ್ತರ | 178 ಸೆಂ.ಮೀ (5 ಅಡಿ 10 ಇಂಚು) [1] |
ತೂಕ | 60 ಕೆಜಿ (132 ಎಲ್ಬಿ; 9 ಸ್ಟ 6 ಎಲ್ಬಿ) |
ಕೋಚ್ | ಎಸ್.ಎಮ್. ಆರಿಫ್ |
ಜ್ವಾಲಾ ಗುಟ್ಟಾ 7 ಸೆಪ್ಟೆಂಬರ್ 1983 ಡ್ ಮಹಾರಾಷ್ಟ್ರದ ವಾರ್ಧಾ ಪನ್ಪಿ ಊರುಡು ತೆಲುಗು ಪೊಪ್ಪ ಬೊಕ್ಕ್ ಚೀನಿಯ ಅಪ್ಪೆಗ್ ಮಗಳಾದ್ ಪುಟ್ಯೆರ್. ಜ್ವಾಲಾನ ಪೊಪ್ಪ ಕ್ರ್ಯಾಂಟಿ ಗುಟ್ಟಾ ಆಂಧ್ರಪ್ರದೇಶದ ಗುಂಟೂರು ಜಿಲ್ಲೆದ ಪೆಡಪುಲಿವರ್ನಿದ ಸ್ವಾತಂತ್ರ್ಯ ಹೋರಾಟಗಾರೆರ್ ಬೊಕ್ಕ ಎಡಪಂಥೀಯೆರ್ನ ಕುಟುಂಬದರಾದಿತ್ತೆರ್. ಜ್ವಾಲಾ ಗುಟ್ಟಾನ ಅಮ್ಮ ಯಲಾನ್ ಗುಟ್ಟಾ ಸುರುತ ಸರ್ತಿ ಭಾರತೊಗು 1977ಟ್ ಸೇವಾಗ್ರಂ ಆಶ್ರಮೊಗು ತನ್ನ ಅಜ್ಜಿನೊಟ್ಟುಗು ಬತ್ತೆರ್, ಅಲ್ಪ ಆರ್ ಗಾಂಧಿನ ಆತ್ಮಚರಿತ್ರೆ ಬೊಕ್ಕ ಬೇತೆ ಬೂಕುಲೆನ್ ಚೀನೀ ಭಾಷೆಗ್ ಭಾಷಾಂತರ ಮಲ್ತೆರ್ ಜ್ವಾಲಾ ಗುಟ್ಟಾಗ್ ಇಸಿ ಪನ್ಪಿನ ಕಿನ್ಯ ತಂಗಡಿ ಉಲ್ಲಲ್.
ವಿಶ್ವ ಚಾಂಪಿಯನ್ಷಿಪ್ ಲು
ಉಬರ್ ಕಪ್
ಕಾಮನ್ವೆಲ್ತ್ ಗೇಮ್ಸ್
ಲಂಡನ್ ಡ್ ನಡತಿನ 2011 ದ ಬಿಡಬ್ಲ್ಯುಎಫ್ ವಿಶ್ವ ಚಾಂಪಿಯನ್ಶಿಪ್ ಬೊಕ್ಕ 2010 ದ ಬೊಕ್ಕ 2014ದ ಕಾಮನ್ವೆಲ್ತ್ ಕ್ರೀಡಾಕೂಟೊಡು ಕಂಚಿದ ಪದಕೊಲೆನ್ ಬ್ಯಾಡ್ಮಿಂಟನ್ಗ್ ಮಸ್ತ್ ಗೆಂದ್ ದೆರ ಬೊಕ್ಕ ಮಹಿಳಾ ಡಬಲ್ಸ್ ವಿಭಾಗೊಡು ದೇಶೊಡು ಸುರುತ ಸರ್ತಿ ಬಂಗಾರ್ ದ ಪದಕ ಪಡೆತೆರ್. ನ್ಯೂದಿಲ್ಲಿಡ್ ನಡತಿನ 2014 ಥಾಮಸ್ ಬೊಕ್ಕ ಉಬರ್ ಕಪ್ಡ್ ಕಂಚಿದ ಪದಕೊಲು ಪಡೆತೆರ್, ಬ್ಯಾಡ್ಮಿಂಟನ್ ಏಷ್ಯಾ ಚಾಂಪಿಯನ್ಶಿಪ ಡ್ ಕಂಚಿದ ಪದಕ ಅವ್ವೆ ವರ್ಷೊಡು ಬೊಕ್ಕ ಮಸ್ತ್ ಮಲ್ಲ ಅಂತರರಾಷ್ಟ್ರೀಯ ಪಂದ್ಯಾಟೊಲೆಡ್ ಕಡೆತ ಬೊಕ್ಕ ಸೆಮಿ-ಫೈನಲ್ ಪಂದ್ಯೊಲೆನ್ 2009 ಡ್ ಗೊಬ್ಬುದೆರ್. ಗುಟ್ಟಾ ಡಬಲ್ಸ್ ಬ್ಯಾಡ್ಮಿಂಟನ್ಗ್ ಭಾರತೊಗು ಮಾನ್ಯತೆ ಕನತ್ ಕೊರ್ತಿನಾರ್. ಮಾತ ಮುಖ್ಯ ಅಂತರರಾಷ್ಟ್ರೀಯ ಬ್ಯಾಡ್ಮಿಂಟನ್ ಪಂದ್ಯಾಟ ಬೊಕ್ಕ ಬಹು ಕ್ರೀಡಾ ಪಂದ್ಯಾವಳಿಟ್ ಪದಕ ಗೆಂದ್ದೆರ್.
ಜ್ವಾಲಾ ಗುಟ್ಟಾ ಬ್ಯಾಡ್ಮಿಂಟನ್ ಆಟಗಾರೆ ಆದಿತ್ತಿನ ಚೇತನ್ ಆನಂದ್ ಪನ್ಪಿನಾರೆನ ಒಟ್ಟಿಗೆ್ 2005 ರ ಜುಲೈ 17 ಕ್ಕ್ ಮದಿಮೆ ಆಯೆರ್.೨೦೧೧ ಜೂನ್ 29, ಕ್ಕ್ ವಿವಾಹ ವಿಚ್ಛೇದನ ಪಡೆಯೆರ್ .
ಮಹಿಳಾ ಸಬಲೀಕರಣ ಸಮಸ್ಯೆಲು, ತಂಬಾಕು ವಿರೋಧಿ ಬೊಕ್ಕ ಮೃಗಾಲಯ ವಿರೋಧಿ ಪ್ರಚಾರೊಲು ಇಂಚಿತ್ತಿ ಕೆಲವು ಸಾಮಾಜಿಕ ಕಾರಣೊಲೆನ್ ಜ್ವಾಲಾ ಬೆಂಬಲಿಸದೆರ್. ಐಸ್ ಬಕೆಟ್ ಚಾಲೆಂಜ್, ಸ್ವಚ್ ಭಾರತ್ ಅಭಿಯಾನ ಇಂಚಿತ್ತಿ ಕೆಲವು ಶಿಬಿರೊಲೆಡ್ ಆರ್ ಭಾಗವಹಿಸದೆರ್. ಜ್ವಾಲಾ ಗುಟ್ಟಾ ಇಂಡಿಯನ್ ಬ್ಯಾಡ್ಮಿಂಟನ್ ಲೀಗ್ನ (ಐಬಿಎಲ್) ಶಾಲಾ ಕಾರ್ಯಕ್ರಮ 'ಷಟಲ್ ಎಕ್ಸ್ಪ್ರೆಸ್' ನ್ ಪುಣೆಡ್ ಶಾಲಾ ಜೋಕುಲೆಗದ್ ಬಿಡುಗಡೆ ಮಲ್ತೆರ್.
This article uses material from the Wikipedia ತುಳು article ಜ್ವಾಲಾ ಗುಟ್ಟಾ, which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). ಪ್ರತ್ಯೇಕವಾದ್ ಉಲ್ಲೇಕ ಮಲ್ಪಂದೆ ಇತ್ತ್ಂಡ, ವಿಸಯ "CC BY-SA 4.0" ದ ಅಡಿಟ್ ಲಬ್ಯ ಉಂಡು. Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki ತುಳು (DUHOCTRUNGQUOC.VN) is an independent company and has no affiliation with Wiki Foundation.