ಚೋಮನ ದುಡಿ ಕಾದಂಬರಿನ್ ಬರೆತಿನಾರ್ ಶಿವರಾಮ ಕಾರಂತೆರ್.
ಶಿವರಾಮ ಕಾರಂತೆರ್ ಕನ್ನಡೊದ ಬರಹಗಾರೆ ಬೊಕ್ಕ ಯಕ್ಷಗಾನ ಕಲಾವಿದೆರ್ ಆದಿತ್ತೆರ್. ಕನ್ನಡೊದ ಅತ್ಯುನ್ನತ ಪ್ರಶಸ್ತಿಯಾಯಿನ ಜ್ಞಾನಪೀಠ ಪ್ರಶಸ್ತಿನ್ ಪಡೆಯಿನ ೮ ಜನಟ್ ಇಂಬೆರ್ಲ ಒರಿ. ಆರೆನ ಜೀವಿತಾವಧಿಡ್ ಸುಮಾರ್ ೪೨೭ ಪುಸ್ತಕೊಲೆನ್ ರಚನೆ ಮಲ್ದೆರ್. ಅಯಿಟ್ ಕಾದಂಬರಿಲು ೪೭. ಇಂಬೆರ್ ಆರೆನ ೯೬ ಪ್ರಾಯೊಡ್ಲಾ ಪಕ್ಕಿಲ್ನ ಕುರಿತಾದ್ ಒಂಜಿ ಪುಸ್ತಕೊ ಬರೆತೆರ್. ಉಂದು ವಿಶ್ವದಾಖಲೆಗ್ ಅರ್ಹವಾಯಿನ ಸಾಧನೆ. ಮೆರೆನ್ ನಡಪುನ ವಿಶ್ವಕೋಶ, ಕಡಲತೀರದೊ ಭಾರ್ಗವೆ ಪಂದ್ ಲೆಪ್ಪುವೆರ್.
ಚೋಮನ ದುಡಿ ಪುಸ್ತಕೊನು ೧೯೩೧ಟ್ ಎಸ್.ಬಿ.ಎಸ್ ಪ್ರಕಾಶಕರು, ಬೆಂಗಳೂರು ಅಕುಲು ಪ್ರಪ್ರಥಮವಾದ್ ಪ್ರಕಟಣೆ ಮಲ್ತೆರ್. ಅಕ್ಷರ ಜೋಡಣೆನ್ ದಿವ್ಯ ಪ್ರಿಂಟ್ರಾನಿಕ್ಸ್, ಬೆಂಗಳೂರು ಮಲ್ತೆರ್. ಈ ಪುಸ್ತಕೊಡು ೧೧೨ ಪುಟ ಉಂಡು. ಉಂದೆತ್ತ ಬೆಲೆ ರೂ.೪೫. ಈ ಪುಸ್ತಕೊದ ಹಕ್ಕ್ ಶ್ರೀಮತಿ ಬಿ ಮಾಲಿನಿ ಮಲ್ಯ ಮೆರೆಗ್ ಸೇರ್ದಂಡ್.
ಚೋಮನ ದುಡಿ ಕಾದಂಬರಿ ಆಧಾರವಾಯಿನ ಚಲನ ಚಿತ್ರ ಉಂಡು. ಚೋಮನ ಪಾತ್ರೊನು ಹಿರಿಯ ನಟ ಶ್ರೀ ವಾಸುದೇವರಾವ್ ಮೇರ್ ನಿರ್ವಹಣೆ ಮಲ್ದೆರ್ ೧೯೭೬ಟ್ ಈ ಚಿತ್ರೊಗು ನ್ಯಾಷನಲ್ ಫಿಲ್ಮ್ ಪ್ರಶಸ್ತಿ ತಿಕ್ಕ್ದ್ಂಡ್. ೧೯೭೬ಟ್ ಎಮ್.ವಿ ವಾಸುದೇವ್ ರಾವ್ ಆರೆಗ್ ಉತ್ತಮ ನಟನೆಗ್ ನ್ಯಾಷನಲ್ ಫಿಲ್ಮ್ ಪ್ರಶಸ್ತಿಗ್ ಆಯ್ಕೆ ಮಲ್ದಿತ್ತೆರ್. ೧೯೭೫-೭೬ಟ್ ಶಿವರಾಮ ಕಾರಂತರೆನ್ ಉತ್ತಮ ಕಥೆಗಾರ ಪಂದ್ ನ್ಯಾಷನಲ್ ಫಿಲ್ಮ್ ಪ್ರಶಸ್ತಿಗೆ ಆಯ್ಕೆ ಮಲ್ದಿತ್ತೆರ್. ೧೯೭೫-೭೬ಟ್ ಶಿವರಾಮ ಕಾರಂತೆರ್ನ ಸ್ಕ್ರೀನ್-ಪ್ಲೇಗ್ ನ್ಯಾಷನಲ್ ಫಿಲ್ಮ್ ಪ್ರಶಸ್ತಿ ತಿಕ್ಕ್ದ್ಂಡ್. ೧೯೭೫-೭೬ಟ್ ಕೃಷ್ಣಮೂರ್ತಿ ಮೆರೆಗ್ ಉತ್ತಮ ಸೌಂಡ್ ರೆಕಾರ್ಡಿಂಗ್ಗ್ ನ್ಯಾಷನಲ್ ಫಿಲ್ಮ್ ಪ್ರಶಸ್ತಿ ತಿಕ್ಕ್ದ್ಂಡ್. ೧೯೭೫-೭೬ಟ್ ಪದ್ಮ ಕುಮಟ ಮೆರೆಗ್ ಉತ್ತಮ ಪೋಷಕ ನಟಿಯಾದ್ ನ್ಯಾಷನಲ್ ಫಿಲ್ಮ್ ಪ್ರಶಸ್ತಿ ತಿಕ್ಕ್ದ್ಂಡ್.
ಸ್ವಾತಂತ್ರ್ಯಪೂರ್ವ ಕಾಲದೊ ದಲಿತ ವರ್ಗೊದ ಬವಣೆದ ಬಾಳ್ವೆದ ಚಿತ್ರಣ ಈ ಕಾದಂಬರಿದ ಕಥಾವಸ್ತು. ಬದಲಾಪುನ ದೇಶೊ ಕಾಲೊಡು ಬದಲಾವಂದೆ ಇಪ್ಪುನು ಕಥಾನಾಯಕೆ ಚೋಮನನ ಕಷ್ಟೊದ ಜೀವನ. ಆಯನ ಪ್ರೀತಿದ ವಸ್ತು ಪಂಡ ದುಡಿ. ಅವ್ವೆ ಆಯನ ಸಂಪತ್. ಸಮಾಜೊದ ಕಟ್ಟ್ ಕಟ್ಟಳೆಡ್ದ್ ಜೀವನೊಡು ಬಾರಿ ಬೇನೆ ಇಪ್ಪುಂಡು. ಮೊಕುಲು ಬಡ ಕುಟುಂಬೊ ಬೊಕ್ಕ ಕೀಳ್ ಜಾತಿಗ್ ಸೇರ್ದನಕ್ಲ್ ಆದುಪ್ಪುವೆರ್. ಕಡೆಕೊರ ತನ್ನ ಧರ್ಮೊನು ಬುಡುಪುನ ನಿರ್ಧಾರೊಗು ಚೋಮೆ ಬರ್ಪೆ. ಆಂಡ ಆಯನ ಮನಸ್ಸ್ ಅಯಿಕ್ಕ್ ಒಪ್ಪುಜಿ. ಧಣಿಕುಲೆನ ಸಾಲೊನು ತೀರಾಯೆರೆ ಬೋಡಾದ್ ಆಯೆ ಆಯಅನ ಮಗೆನ್ ಬೊಕ್ಕ ಮಗಲೆನ್ ದೂರದ ಊರುದ ಕಾಫಿ ತೋಟದ ಬೇಲೆಗ್ ಕಡಪುಡುವೆ. ಅಲ್ಪ ಮಗಲ್ ಬೆಳ್ಳಿ ಒಡೆಯನ ಕೈಸೆರೆಯಾತ್ನೆನ್ ತೂಯಿನ ಚೋಮನ ಸಾಲ ತೀರಂದೆ ಜೋಕುಲೆನ್ ತೂವಂದೆ ದುಡಿ ಬಾರ್ಸಾವೊಂದೆ ಏಕಾಂಗಿಯಾದ್ ಸಮಾಜದ ಕ್ರೌರ್ಯಗ್ ಬಲಿಪಶುವಾದ್ ಮರಣ ಬರ್ಪುಂಡು.
ಇಂಚನೆ ಒಟ್ಟು ಕಥೆಟ್ಟ್ ಚೋಮೆ, ಆಯನ ಕನ, ಕುಟುಂಬ, ಆಯೆ ಜೀವನೊಡು ಮೇಲ್ವರ್ಗದಕಲೆರ್ದ್ ಪಡೆಯಿನ ಕಷ್ಟಲೆದ ತೆರಿಪಾವುಂಡು. ತನ್ನ ಒಂಜೇ ಒಂಜಿ ಆಸೆನ್ಲಾ ಎತ್ತಾಯೆರೆ ಚೋಮನ ಕೈಯ್ಡ್ ಸಾಧ್ಯ ಆಪುಜಿ.
This article uses material from the Wikipedia ತುಳು article ಚೋಮನ ದುಡಿ, which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). ಪ್ರತ್ಯೇಕವಾದ್ ಉಲ್ಲೇಕ ಮಲ್ಪಂದೆ ಇತ್ತ್ಂಡ, ವಿಸಯ "CC BY-SA 4.0" ದ ಅಡಿಟ್ ಲಬ್ಯ ಉಂಡು. Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki ತುಳು (DUHOCTRUNGQUOC.VN) is an independent company and has no affiliation with Wiki Foundation.