ಚೈತ್ರ ಶೆಟ್ಟಿ

ಕೆಲವು ಸಿನೆಮೊಡುಲಾ ನಟನೆ ಮಲ್ದೆರ್.

ಚೈತ್ರ ಶೆಟ್ಟಿ ಮೇರ್ ೧೯೮೯, ಏಪ್ರಿಲ್ ೬ ಕ್ಕ್, ಕುಡ್ಲಡ್ ಪುಟ್ಟದಿನಾರ್. ಜೈ ಶಂಕರ್ ಶೆಟ್ಟಿ ಬೊಕ್ಕ ಮಾಲತಿ ಶೆಟ್ಟಿ ಮೆರೆನ ಮಗಲ್. ಮೆರೆನ ಮೆಗ್ದಿ ಲಕ್ಷ್ಯ ಶೆಟ್ಟಿ ಲಾ ಸಿನಿಮಾಲೆಡು ನಟನೆ ಮಲ್ದೆರ್. ಕೆಲವು ಸಮಯ ಬೊಂಬಾಯಿದ ಶಾಲೆಡ್ ಕಲ್ತ್‌ದೆರ್. ಕುಡ್ಲಗ್ ಬತ್ತಿಬೊಕ್ಕ ಎಂ ಆರ್ ಪಿ ಲ್ ಶಾಲೆದ ವಿದ್ಯಾರ್ಥಿನಿ ಆಯಿನ ಮೆರೆಗ್ ಎಲ್ಲಿಡೇ ನಾಟಕೊಲೆಡ್ ಮಸ್ತ್ ಆಸಕ್ತಿ ಇತ್ತ್ಂಡ್. ಬಾಲ್ಯೊಡೇ ಅಮ್ಮೆರೆನ್ ಕಳೆಯೊಂದಿನಡ್ದಾತ್ರ ಶಿಕ್ಷಣ ಮುಂದುವರೆಸರೆ ಮೆರೆಗ್ ಆತಿಜಿ. ೧೩ನೇ ವರ್ಷೊಡ್ದೇ ರಂಗಭೂಮಿಡ್ ಸಕ್ರಿಯವಾದಿತ್ತಿನ ಮೇರ್, ನಡುಟ್ ತನ್ನ ವ್ರತ್ತಿ ಜೀವನೊಗಾತ್ರ ದುಬೈಡ್ ಒಂತೆ ವರ್ಷ ಉಪ್ಪುವೆರ್. ನಟನೆದ ತುಡಿತೊಡ್ದಾತ್ರ ದುಬೈಡ್ದ್ ಪಿರ ಬತ್ತಿನ ಮೇರ್, ಅನುಪಮ್ ಖೇರ್ ಮೆರೆನ ಆಕ್ಟರ್ ಪ್ರಿಪೇರ್ ಡ್ ಡಿಪ್ಲೊಮ ತರಬೇತಿ ಪಡೆಯೆರ್. ಆರ್ ಅವುಲ್ ಮಲ್ದಿನ ಪೂವಮ್ಮ ಪನ್ಪಿನ ಪಾತ್ರದ ನಟನೆ ಗಮನಾರ್ಹವಾಯಿನ,

೧೩ನೇ ವರ್ಷ ಪ್ರಾಯೊಡು, ಬಲೇ ಚಾ ಪರ್ಕ ತಂಡದ ಮೂಲಕ ರಂಗ ಭೂಮಿಗ್ ಪ್ರವೇಶ ಮಲ್ತೆರ್. ಶ್ರೀ ದೇವದಾಸ್ ಕಾಪಿಕಾಡ್ ಮೆರೆನ ತೆಲಿಕೆದ ಬರ್ಸೊಡು ಪನ್ಪಿನ ನಾಟಕ, ಚೈತ್ರ ಶೆಟ್ಟಿ ಮೆರೆನ ಸುರುತ್ತ ನಾಟಕ. ನಮ್ಮ ಕಾವೇರಿ ಪನ್ಪಿನ ನಾಟಕೊದ ಕಾವೇರಿ ಪಾತ್ರ ಮಸ್ತ್ ಪ್ರಸಿದ್ಧ ವಾಯಿನ. ಶ್ರೀ ವಿಜಯ ಕುಮಾರ್ ಕೊಡಿಯಾಲ್ ಬೈಲ್ ಮೆರೆನ ಕೆಲವು ನಾಟಕೊಡುಲಾ ಕೆಲಸ ಮಲ್ದೆರ್.

ಶ್ರೀ ವಿಜಯ ಕುಮಾರ್ ಕೊಡಿಯಾಲ್ ಬೈಲ್ ಮೆರೆನ ಒರಿಯಡ್ದೊರಿ ಅಸಲ್ ಸಿನಿಮಾದ ಮೂಲಕ ಸಿನಿರಂಗ ಪ್ರವೇಶ ಮಲ್ತೆರ್. ಶ್ರೀ ಸೂರಜ್ ಶೆಟ್ಟಿ ನಿರ್ದೇಶನದ ಎಕ್ಕ ಸಕ್ಕ ತುಳುಸಿನೆಮಾದ ಪ್ರಸಿದ್ದವಾಯಿನ ಗುಣನಾಥನ ಶಿಲ್ಪ ನ ಪಾತ್ರ ಮೇರ್ ಮಲ್ದೆರ್ ಶೋಭರಾಜ್ ಪಾವೂರ್ ಮೆರನ ಪೆಪ್ಪರೆರೆ ಪೆರರೆರೆ ಸಿನೆಮಾಡ್ ಮುಖ್ಯ ಪಾತ್ರ ಮಲ್ದೆರ್.