ಗುರುರಾಜ್ ಪೂಜಾರಿ ಮೇರ್ ಕಾಮನ್ವೆಲ್ತ್ ಪದಕ ವಿಜೇತ ಭಾರತ ದೇಸೊದ ವೇಯ್ಟ್ ಲಿಫ್ಟರ್.
ಕರ್ನಾಟಕ ರಾಜ್ಯೋದ ಉಡುಪಿ ಜಿಲ್ಲೆದ ಕುಂದಾಪುರ ಮೂಲದ ಮೇರ್ ಭಾರತೀಯ ವಾಯು ಸೇನೆಡ್ ಉದ್ಯೋಗಿ ಆದುಲ್ಲೆರ್.
ಗುರುರಾಜ್ ಪೂಜಾರಿ | |
---|---|
ಪುಟ್ಟಿನ |
ಟ್ರಕ್ ಚಾಲಕನ ಮಗೆ ಗುರುರಾಜ್ ಪೂಜಾರಿ, ಮೆರೆಗ್ ನಾಲ್ ಜನ ಮೆಗ್ಯೆ ಪಲಾಯನಕುಲು. ಬಡತನೋಟ್ಟೆ ಬಾಲ್ಯೊನು ಕಳೆಯಿನ ಗುರುರಾಜ್ ಪೂಜಾರಿ ೨೦೦೮ಡ್ ಸುಶೀಲ್ ಕುಮಾರ್ ಒಲಿಂಪಿಕ್ ಪದಕ ಗೆಂದಿನ ತೂದು, ಆರ್ ಲಎಕೊನೆ ದೇಶೋಗೂ ಪದಕ ಗೆಂದ್ದ್ ಕೊರೊಡು ಪಂಡ್ದ್ ದೃಢ ಸಂಕಲ್ಪ ಮಲ್ತೆರ್. ಕುಸ್ತಿನ್ ಸುರುಕ್ ಅಭ್ಯಾಸ ಮಲ್ತಿನ ಗುರುರಾಜ್, ಬೊಕ್ಕ ಸಾಲೆದ ಶಿಕ್ಷಕೇರ್ನ ಸಲಹೆಡ್ ವೇಯ್ಟ್ ಲಿಫ್ಟಿಂಗ್ ಡ್ ಭಾಗಿಯಾಯೆರ್.
ಸಂಪೂರ್ಣವಾದ್ ವೇಯ್ಟ್ ಲಿಫ್ಟಿಂಗ್ ತರಬೇತಿ ಪಡೆಯೊನರೆ ಸುರು ಮಲ್ತಿನ ಗುರುರಾಜ್, ೨೦೧೮ನೇ ಇಸವಿಡ್ ಅಸ್ಟ್ರೆಲಿಯಾ ದೇಸೊಡು ನಡತ್ತಿನ ಕಾಮನ್ವೆಲ್ತ್ ಗೊಬ್ಬುಕೂಟೊಡು ವೇಯ್ಟ್ ಲಿಫ್ಟಿಂಗ್ಡ್ ಬೊಳ್ಳಿ ಪದಕ ಗೆಂದ್ಯೆರ್. ಅರೆಗ್ ಭಾರತೀಯ ಸೇನೆನ್ ಸೇರೊಡು ಪಂಡ್ದ್ ಆಸೆಯಿತ್ತಂಡಲಾ ಅರೆನ ಎತ್ತರ ಕಡಮೆ ಇತ್ತಿನೆಡ್ದಾವರ ಭೂಸೇನೆಡ್ ಸೇರರ ಆಯಿಜಿ, ಆಂಡ, ವಾಯುಸೇನೆಡ್ ಸೇವೆ ಸಂದಾವುನ ಅವಕಾಶ ಗುರುರಾಜೆರೆಗ್ ಸಿಕ್ಕಿಂಡ್. ೨೦೨೨ನೇ ಇಸವಿಡ್, ಇಂಗ್ಲೆಂಡ್ದ ಬರ್ಮಿಂಗ್ಹ್ಯಾಮ್ಡ್ ನಡತ್ತಿನ ಕಾಮನ್ವೆಲ್ತ್ ಗೊಬ್ಬುಕೂಟೊಡು ಮೇರ್ ಕಂಚಿದ ಪದಕ ಗೆಂದ್ಯೆರ್.
This article uses material from the Wikipedia ತುಳು article ಗುರುರಾಜ್ ಪೂಜಾರಿ, which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). ಪ್ರತ್ಯೇಕವಾದ್ ಉಲ್ಲೇಕ ಮಲ್ಪಂದೆ ಇತ್ತ್ಂಡ, ವಿಸಯ "CC BY-SA 4.0" ದ ಅಡಿಟ್ ಲಬ್ಯ ಉಂಡು. Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki ತುಳು (DUHOCTRUNGQUOC.VN) is an independent company and has no affiliation with Wiki Foundation.