ಕುಡ್ಲದ ಆಕಾಶವಾಣಿ

 

ಇತ್ತೆ ಕುಡ್ಲಡ್ದ್ ಎಫ್.ಎಂ.100.3Mhz ಬೊಕ್ಕ ಮರುಪ್ರಸಾರ ಕೇಂದ್ರವಾಯಿನ ಬ್ರಹ್ಮಾವರೊಡ್ದ್ MW 1089Khz ಮೀಡಿಯಂ ವೇವ್ ತರಂಗಾಂತರೊಡ್ ಪ್ರತಿದಿನೊ ಸುಮಾರ್ ೧೬ ಗಂಟೆದ ಬೇತೆ ಬೇತೆ ಕಾರ್ಯಕ್ರನೊಲೆನ್ ಪ್ರಸಾರ ಮಲ್ತೊಂದುಂಡು.

ಕುಡ್ಲದ ಆಕಾಶವಾಣಿ ವಾರೊಡು ೫ ಮಿನಿಟ್ ದ ತುಳುವಾರ್ತಾಪ್ರಸಾರೊದ ಒಟ್ಟುಗು ವಾರೊಡು ಒಟ್ಟು ೯೦ ಮಿನಿಟ್ ದ ಕಾರ್ಯಕ್ರಮೊ ಪ್ರಸಾರ ಮಲ್ತೊಂದುಂಡು. ಉಂದೆಟ್ಟ್ ಭಾಷಣ, ಸಂದರ್ಶನ, ನಾಟಕೊ, ರೂಪಕೊ, ಕ್ಷೇತ್ರ ಸಂದರ್ಶನ ಆಧರಿತಿನ ಕಾರ್ಯಕ್ರಮೊ, ಜೋಕ್ಲೆನ-ಜವನೆರೆನ-ಪೊಂಜೆನಕ್ಲೆನ ಕಾರ್ಯಕ್ರಮೊಲಾ ಸೇರ್ದ್ಂಡ್. ಭಾವಗೀತೆ, ಚಿತ್ರಗೀತೆಲಾ ಪ್ರಸಾರ ಆಪುಂಡು.

ತುಳುಟ್ಟು ಸಾಹಿತ್ಯ ಬರೆಪಿನ ಸಾವಿರೊಡ್ದು ಮಿತ್ತ್ ಜನಕ್ಲೆನ್ ಬುಲೆಪಾಯಿನವು ಕುಡ್ಲದ ಆಕಾಶವಾಣಿ. ತುಳು ಸಾಹಿತ್ಯ ಅಕಾಡೆಮಿದ ಸೇರಿಗೆಡ್ ಒಂಜಿ ವಾರ ಕಾಲೊದ ತುಳು ನಾಟಕ ಬರೆಪಿನ ಕಜ್ಜಕೊಟ್ಯನ್ ಡಾ. ವಸಂತಕುಮಾರ ಪೆರ್ಲ ಇಂಬೆರೆನ ಮುತಾಲಿಕೆಡ್ ಆಕಾಶವಾಣಿಡ್ ಮಲ್ತ್‌ದ್ ಸುಮಾರ್ ೨೫ ತುಳು ಪ್ರಸಾರ ನಾಟಕೊಲು ಬರಿಯರ ಕಾರಣ ಆಂಡ್. ತುಳು ಅಕಾಡೆಮಿದ ಸೇರಿಗೆಡ್ 'ಪ್ರಾತಿನಿಧಿಕ ತುಳು ಕತೆಕ್ಕುಲು', ಕುಪ್ಪಂ ವಿಶ್ವವಿದ್ಯಾಲಯದೊಟ್ಟುಗು ಸೇರೊಂದು 'ಇಂಚಿಪೊದ ತುಳು ಕಬಿತೆಲು' ಇನ್ಪಿ ಕಬಿತೆದ ಬೂಕುನು; 'ಸೊರಗೆ' ಇನ್ಪಿ ಲೇಖನೊದ ಕೋಪೆನ್ ಪ್ರಕಟ ಮಲ್ತ್ ದ್ಂಡ್ (ಮೂಜೆದ ಸಂಪಾದಕೆರ್: ಡಾ.ವಸಂತಕುಮಾರ ಪೆರ್ಲ).

ಕುಡ್ಲ ಆಕಾಶವಾಣಿಡ್ದಾತ್ರೊ ತುಳು ಬಾಸೆಗ್ ಎಡ್ಡೆ ಅಭಿವ್ಯಕ್ತಿ ತಿಕ್ಕ್‌ದ್ ತುಳುಟ್ಟ್ ದಿಂಜ ಕವಿಕ್ಕುಲು, ಲೇಖಕೆರ್ ಬೊಲ್ಪುಗು ಬರಿಯರ ಕಾರಣ ಆಂಡ್. ದಿಂಜ ಸಂಘ ಸಂಸ್ಥೆಲು ಪುಟ್ಟಿಯ. ಬೊಕ್ಕ ಕಾಲಾಂತರೊಡು ಕರ್ನಾಟಕ ಸರ್ಕಾರೊ ತುಳು ಸಾಹಿತ್ಯ ಅಕಾಡೆಮಿ ಉಂಡುಮಲ್ಪಿಯರ ಅವಕಾಶ ಆಂಡ್. ಬಾಸೆ ಒಂಜೇ ಅತ್ತ್, ತುಳು ಸಂಸ್ಕೃತಿ ಪ್ರಸಾರೊಡ್ಲಾ ಕುಡ್ಲ ಆಕಾಶವಾಣಿದ ಬೇಲೆ ಮಲ್ಲೊವು.