gaga na nbuw uwow (飲酒的習俗) iyik yow gaga na nbuw uwow kwe ga, skayal cimu nya maki suruw: te utux, gaga na Smyatu
gaga Smyatu kwe ga nya mnaga uwah na tgi’as kawas ro lmon ta k’aring tmubux, iyik na cmyan ga lmon kbaley uwow, mlikuy hiya ga musa mluyak rgyax kya, innagan sinuw ro maki knaley uwow laga, nya tekun ryax na mlahang ta gaga na Smyatu la. ryax kwe ga laxan naha kwara ptyagan naha gluw ta, ro musa m’es nbuw uwow ana su sa’ing ryax, tugan ryax. te saying, gaga na Cmyus
ryax na mlahang ta gaga na Cmyus kwe ga, siga suruw masu’ ta kloh lmyun. ini ga ssu’un ci kwara nlyakan naha sinuw, ro klhang cnrxan naha gaga na Cmyus, cka na klahang gaga Cmyus kwe ga kahul uwow sngsa ta lutux bnkisan. te tugal, gaga na Pns’unan.
ryax na gluw na mlikuy musa naha magal ina, kwara gluw na utux bbwan ga, siga lmon kbaley utux slaman na uwow lmyun utux sali naha, s’agan naha pkani’ lpyung uwah naha gmluw mani’ sali ta, ro lmon ta rmow tmutu khoni’ pnahu’ uy ro cmxu rhkey, mnaga mwah magan ina lpyung ro spni’an ta naha. te payat, ryax na tkba’ ta owas na lmuhuw
maki inlungan tkba’ owas na lmuhuw mrkyas ga hknyan naha bnkis mwah cba’, siga lmon naha pnbuw uwow bkis lama, ini ba’iy kahun bnbugan naha ga musa piyux owas wayal naha tkba’an. te magal, mrrow tiyow
musa kyan mowiy tyagan, mnayang, smlyat, hakut y’aya nanak na tyagan, lmon skal mrhow, ro sina pnrow mwah mtiyow, gluw ta utux alang hiya ga musa ungat psnan naha ro kahun lungan mwah rmow mtiyow, ku’ung ha’iy kayal ro gbyan laga, mrhow utux sali’ ga bley’un naha pka’niy kwara naha, kwe ga nya pkita yow na msbley ta row tiyow kwara ma. te tiyu, Sbayux
tkkoh yow na mayah, cmi lungan ro row mtiyow kwara, kahul uwow showey naha lpyung. te pitu, sbaley yow
ini ga wa t’lu yow, mcayu, magan ilis, siga msina mwah sbaley yow, siga maras uwow ro musa sina snlwanan ro msbaley.
ini nbah tbuci nbuw uwow Tayal, motu kwara gluw laga, ana su utux pyatu uwow ga si mso’un me’ pyatu nbuw kwara naha, nya pkita myasa na sli’an. shtuy mnbuw uwow mrkyas hiya, iyik nbuw uwow ga spsya’an naha iyik uwow kya tluling ’ba naha ro srpus naha urow te tanux kya, yani nya tngsa uwow lutux, kwe ga nya pkita maha maki myasa bugun ga ini ta yngiy lutux bkisan ma.
knahun gaga lela musa ta ba’un yow na kbaley uwow Tayal ga, ba’ cpung kbaley uwow, ro maki cpngan nya, piyang ci kyan yow nya, nbuw uwow ga kyan ryax nya, baley ci yow nya ga skura ta pcyus lutux ro spbugan ta kwara gluw ta uy, ini kba’ maha uwow ga nya s’yanux naha, ini maha t’uwow ci yani ci cyoli’ t’uwow ci micu ro musa magan mga’in na uwow kwe.
This article uses material from the Wikipedia Tayal article gaga na nbuw uwow, which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). 除非另有註明,否則頁面內容均以 CC BY-SA 4.0 條款授權。 Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki Tayal (DUHOCTRUNGQUOC.VN) is an independent company and has no affiliation with Wiki Foundation.