Kansai go (關西鎮) mki sku Sincik Keng.
su’unun kwara glabang lingay ’kiyan ga 125.2 km² (rhyan rinpang glabang lingay ’kiyan ga.89 km², rr’an hyan glabang lingay ’kiyan ga 2.37 km²), 468 hi ku su’unun kwara alang hi kya, 177 buwan ku kwarakya, tiku sahuy na alang Gyencumin ga 267 hi, kyala kwara pinspung s’uli ga 57%. kwara sahuy na alang Gyencumin ga Taywang Gyencumin na Tayan ku smrrhu ku pyux s’uli taya kya. sinpngan sehu s’uli sku sahuy go.
Kwansizen ga qutux spyang hopa’ rhzyal na qalang ‘Tayal maki sa hugal.
Kansai go ays psgayun 21 ru 2 alang.
2 alang hani ga, Qalang m’utu(馬武督部落), Qalang q’yulang(戈尤浪部落).
hugal maki Cikuto sa yatux htgan wagi’ na Sincik.
Syenchaw nniqun na ita’ Taywan qani ga kahul M’utu qani qu nyux pmhi.
sinlwan nha “kayu’ qmasan” qu qalang M’utu’, mwah Gipun lga sllwan nya “Kwansicye”, yalaw gi “Kansai” son Gipun qu “ramat qmasan” si ptnaq balay, ru t’aring kya lga ini p’iyuw lalu’ nya tehuk misu.
kawas 1945 laxan nha “syu” ru “kun” pslalu’ rhzyal sni’ na Gipun, ’iyugun nha “Sinciku kyen” ru “Kwansicye” ga ’iyugun nha “Kwansicng”. kawas 1950 syun nha te “Sinciku kyen” tehuk misu.
cyux maki te hbun “llyung qnryang Kacing” ki “llyung Bongsan”.
kyahu’ nya ga cyux sobih qalang Nahuy ki hnsan syan, yatux byqan wagi’ ga sobih Sinpuzen, yatux tltu’ ga sobih longtan na Tawyun, ‘llaw htgan wagi’ ga sobih Pyasan ki Cyama na Tawyun.
baqun ana ima’ qu “Kwansi Syenchaw”, spqasan na Kwansizen qutux qutux kawas qu “Syebchawcye” qani.
kihrhur na kayal nya ga 23℃, ini spzyang kilux.
cingay qu ngasal Kmukan ki Kahat qu nyux maki sa qalang M’utu’, ngasal mrhu Gipun sraral ,syobay ki giqas srabu knalay nha misu nyux tblaq bkuw sa syaw tuqi na qalang M’utu.
kya qu nyawzwesan, lawcye, kucyaw, lyobutwun ru kwansibuwuchu.
This article uses material from the Wikipedia Tayal article Kansai go, which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). 除非另有註明,否則頁面內容均以 CC BY-SA 4.0 條款授權。 Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki Tayal (DUHOCTRUNGQUOC.VN) is an independent company and has no affiliation with Wiki Foundation.