kayal qani hya' ga, pzyux qu kkyalan niya' ini' ptnaq, maki' qu blaq kayal (晴天), ri yaqih kayal (天氣不好).
blaq kayal (晴天) hya ga, nanu' yaqu smbu' wagi' (大太陽天), ru mswat (雨後晴天), nanak qani qu sawn 'tayal maha blaq kayal hya'. yaqih kayal (天氣不好) hya' lga, yaqu psbayhuy(颱風天), ru mqwalax(雨天), ru mczngsuy (寒流),qani qu sawn 'tayal naha yaqih kayal.
nanu' qu kkayal na maha yaqih kayal qani hya' ga, mzyay' su' maha, tmrang musa' sami rgyax sa kawas wayal ga, minlu' shngan sami na mhlaqiy (下雪), ru shtuy sami niya' kya rgyax, ungat qbaqan myan lru si myan niqiy kya qu tniriq myan qsinuw la, kmzima' balay lga, msqsya' qu hlaqiy niya' lru mwah sami la. ulung kya cikay na' qu ini' myan thkiy na qsinuw, mwah sami ru tayhuk sami b'bu' rgyax ttnga' ngasal lga, mqwalax la, maymaw maras qayrang qwalax nya' qasa, ana yan nasa ga, si sami qhqihul mwah, nanu' mawzyay sami balay qhzyaqan balay la. tayhuk sami ngasal lga mswat la. ana si kswat lga rima' mlhngan lkiy.
This article uses material from the Wikipedia Tayal article kayal(天空;天氣), which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). 除非另有註明,否則頁面內容均以 CC BY-SA 4.0 條款授權。 Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki Tayal (DUHOCTRUNGQUOC.VN) is an independent company and has no affiliation with Wiki Foundation.