Kandrzin-Koźle

Kandrzin-Koźle (pol. Kędzierzyn-Koźle, mjym. Kandrzin-Cosel, Heydebreck, czes. Kandeřín-Kozlí) – mjasto we wojewůdztwje uopolskym, nad Uodrům. Powstało we 1975 r. ze skuplowańo sztyrech uosobnych uorgańizmůw admińistracyjnych: Kandrzina, Koźlo, Sławjyńćic a Kłodńice. Stworzińy Kandrzina-Koźlo ńy bůło atoli formalńy skuplowańym sztyrech mjast, nale przikuplowańym do Kandrzina we dńu 30 paźdźyrńika 1975 trzech mjast (Kłodńice, Koźlo a Sławjyńćic) a gminy Sławjyńćice. Gmina Kłodńica ńy weszła do nowego uorgańizmu, włůnczyli ja do gmin Leśńica a Zdźeszowice. Dźepjyro po sztyrech dńach, to je 3 listopada 1975, zmjyńůno bůło mjana Kandrzin na Kandrzin-Koźle.

Kandrzin-Koźle
Wapyn Kandrzina-Koźlo Fana Kandrzina-Koźlo
Wojewůdztwo	uopolske
Krys	kandrzińsko-koźelski
Mjejske prawa	1281 Koźle 1951 Kandřin
Prezydynt mjasta	Sabina Nowosielska (e-brif)
Rozlygowańy	123,42 km²
Położyńy	50° 21' N 18° 12' E
Wyżka	180 m n.m.
Wjelość mjyszkańcůw (2017)  - wjelość  - gynstość	57 360 464 os./km²
Numeracyjno zona	+ (48) 77
Rejestracyjno tabula	OK
Położyńy na karće Polski Kandrzin-Koźle
Kamracke mjasta	Raćibůrz Héricourt Jonava Kałuš Grand-Charmont Prerov
Mjejski urzůnd ul. Piramowicza 32 47-200 Kandrzin-Koźle tel. (077) 40-50-311; faks (077) 48-22-439 (e-brif)
Galeryjo uobrozkůw we Wiki Commons
Internecowo zajta mjasta

W Koźlu znojduje śe jydyn ze nojwjynkszych rzycznych portůw we Polsce. Sům sam tyż jedne ze nojwjynkszych we Polsce chymicznych zakładůw – Zakłady Azotowe Kędzierzyn S.A., a tyż holding "Blachownia". Je to druge mjasto wojewůdztwa uopolskigo podug liczby populacyje a pjyrsze podug zajmowanego terytorjum.