Andrzyj Roczniok

29 paźdźerńika 1958 we Zobrzu) - ślůnski polityker. Jedyn ze zwolynńikůw Ślůnzokůw kej nacyji. Lider Zwjůnzku Ludności Ślůnskij Nacyje (pl. Związek Ludności Narodowości Śląskiej) uod 2005. Uorganizacyjo je ńylegalno we Polsce.

Andrzyj Roczniok Andrzej Roczniok
Data a plac narodzyńo	29 paźdźerńika 1958 Zobrze
Fach	polityker, wydowca, tumacz
Nacyjo	Ślůnsko
Uobywatelstwo	Polska
Partyjo	Ślonzoki Razem

Dźołoł we Solidarnośći, Unii Polityki Realnyj a Ruchu Autůnůmije Ślůnska.

We 2007 doprowadzůł do prziznańo ślůnskij godce kodu ISO 639-3 "szl". Dzyńki czymu powstoła na tyn przikłod Ślůnsko Wikipedyjo. Uwożo, iże Ślůnsk powińyn uobchůdzić krzest ńy we 966, jak Polsko, nale we 863.

Bůł jednym ze tworcůw PolBLUL (pl. Unia Języków Regionalnych i Mniejszościowych w Polsce) we 2003 we Gdańsku. Je uodnogům EBLUL-e.

• Podug dokumyntacyje IPN we latach 1978-1981 bůł agyntym kůmuńistycznych służb bezpieczyństwa uo przimjanku „Arocszebla”.
• We 2005 przipůmńoł uo Kůncyntracyjnych Uobozach we Auszwicu po styczńu 1945. Podug ńygo ze sztyrech, dwa bůły Polske. Pozostałe bůły Sowjecke.
• We 2008 wzywoł do uznańo przez Polsko samostanowjyńo Abchazyje a Połedńowyj Osetyji.
• We 2013 wyrychtował list do ambasadora Rusyji we Polsce, coby Władimir Putin nie kerowoł raketůw we Ślůnsk. Bůł tyż wyrychtowany tekst we kerym stało co Ślůnsk trefił do Polski wbrew woli Ślůnzokůw. Serwis Niezależna.pl wyrychtował wtynczos artikel, we kerym uoskarżył Roczńoka, aże je agyntym.