Oberschlesien to je ślōnsko kapela, co szpilo muzyka ze zorty industrial metal.
Bōła założōno we 2008 roku we Piekarach ôd Michała Stawińskigo (śpiyw) a Marcela Różanka (szlagcojg). Charakterystycznōm cechōm skupiny sōm teksty śpiywek szkryflane we ślōnskij godce i kōncyntrujōnce sie zaôbycz na tymatach zwiōnzanych ze Gōrnym Ślōnskym. Ofyn je ôna przirōwnowano do niymieckij kapele Rammstein skirz podobiyństwa klangu, użycio efektōw pirotechnicznych na kōncertach, jak tyż hyrskości wykōnowanego ôd Oberschlesien coveru jednyj śpiywki ôd Rammstein.
Oberschlesien na Przystanek Woodstock we 2016 roku | |
Pochodzynie | Piekary, Gōrny Ślōnsk, Polska |
Zorta muzyki |
|
Ôkres aktywności | ôd 2008 |
Wytwōrnia |
|
Powiōnzane |
|
Skłod | |
Teroźne czōnki | Marcel Różanka Mateusz Buhl Grzegorz Badora Radosław Dolański Tomasz Dawid Dawid Nagiet |
Piyrwyjsze czōnki | Jacek Krok Bronisław Lewandowski Tomasz Dyrda Marcin Woroniuk Tomasz Jagiełowicz Wojciech Jasielski Łukasz Sztaba Tomasz Andrzejewski Adam Jurczyński Michał Stawiński |
Galeryjŏ we Wiki Commons | |
Internetowo zajta |
Kapela bōła założōno we Piekarach ze idyje szlagcojgisty Marcela Różanki. We 2008 roku Różanka podyjmnōł spōłpraca ze śpiywokym Michałym Stawińskim, a niyskorzij skłod kapele dopołniyli bassista Wojciech Jasielski, gitarzisty Adam Jurczyński i Jacek Krok a klawiyrowiec Mateusz Buhl.
Miano kapele, Oberschlesien, wiōnże sie ze pochodzyniym ônego czōnkōw i je historycznym, niymieckim mianym dlo Gōrnego Ślōnska, a tyż zwykowo używanym we teroźnych czasach ôkryślyniym dlo tego regiōnu ôd ônego pōmiyszkiwoczōw.
Coby prōmować kapele poza Ślōnskym Michał Stawiński wziōn udzioł za ônego reprezyntanta we drugij edycyji programu X Factor, co we ônym po przejściu precastingōw i castingōw we Zobrzu dotrzoł do finałowych ôdpytōnkōw we Warszawie. We lutym 2012 roku ukozoł sie debiutancki, wydany na CD i zawiyrajōncy dwie śpiywki singel grupy, noszōncy titel „Hajmat 2012”.
Kapela zyskoła hyrskość we 2012 roku skuli wziyncio udziołu we sztwortyj edycyji ymitowanego we telewizyji Polsat talynt show Must Be the Music. Tylko muzyka. We tym programie skupina wykōnała śpiywka „Jo chca”, co je coverym „Ich will” ôd niymieckij kapele Rammstein i antlich zajōnła drugi plac.
4 grudnia 2013 roku Oberschlesien wydoł swōj piyrszy sztudyjny albōm, ze titelym I, nakładym wytwōrnie muzycznyj Mystic Production. Niyskorzij kapela ruszyła we prōmujōnco ônego ôgōlnopolsko sztreka kōncertowo. We moju 2014 roku trzech czōnkōw kapele: Marcel Różanka, Michał Stawiński i Jacek Krok zagrali we filmie Ostatni strzał, co wygroł zôrganizowano we Katowicach drugo edycyjo festiwalu 48 Hour Film Project, a tyż prziniōs Jackowi Krokowi nadgroda dlo nojlepszego szauszpilera festiwalu. Film tyn społym ze piyńciōma inkszymi kōmpozycyjami znod sie na wydanym we tym samym roku we limitowanyj wielości egzymplorzōw albōmu wideo, ze titelym Oberschlesien Mini DVD. We wrześniu 2014 roku ukozoł sie w internecie singel i teledysk, noszōncy titel „To nie sen” i bydōncy przepowiedziōm nowego albōmu kapele. We tym samym miesiōncu Oberschlesien ruszōł we sztreka koncertowo po Polsce i Wielgij Brytanije.
15 kwietnia 2015 roku kapela ôpublikowoła we necu singel ze teledyskym „Król Olch”, co ônego tekst ôstoł ôparty na balladzie Krōl elfów ôd Johanna Wolfganga von Goethego, za to 24 kwietnia mioła plac prymiera drugigo sztudyjnego albōmu skupiny, ze titelym II. 31 paździyrnika 2015 roku Oberschlesien zaszpiloł we Bytōmiu dwa kōncerty ze kapelōm Ôpery Ślōnskij pod batutōm ôd Adama Sztaby, we listopadzie za to mioła plac prymiera prōmujōncych nojnowszy album singli ze teledyskami „Samotny” i „Orzeł”. We kwietniu 2016 roku kapela wydoła przepowiadajōncy albōm kōncertowy ze materyjōm zaregistrowanōm we czasie jednego ze bytōmskich kōncertōw ze 2015 roku singel i teledysk „Futer” a tyż wystōmpiōł ze kapelōm Ôpery Ślōnskij we dōmie Muzyki i Tańca we Zobrzu. 7 paździyrnika we budōnku Ôpery Ślōnskij we Bytōmiu zagroł kōncert akustyczny. 2016 rok to dlo Oberschlesien tyż wystympy na festiwalu we Jarocinie a tyż Przistanku Woodstock, a wydanie 10 listopada singla „Cichociemni”, bydōncego hołdym dlo Cichociemnych Spadochroniarzy Armije Krajowyj i kultywujōncych ônyj tradycyjo wojokōw JW GROM. Singel tyn ôstoł stworzōny we dwōch wersyjach: akustycznyj ze teledyskiem a tm. elektrycznyj.
8 lutego 2017 roku sztyrech muzykōw kapele, a tyż techniczno ekipa i mynedżer podyjmli decyzyjõ ô abszlusie spōłprace ze Marcelym Różankōm i wroz ôdejściu ze Oberschlesien. Muzyki te społym ze Michałym Stawińskim, kery ôdszoł ze skupiny pora dni niyskorzij a szlagcojgistōm Filipym Oczkowskim założyli nowo kapela, co dali ônyj miano NeuOberschlesien.
28 lutego 2017 roku skupina wydoła kōncertowy albōm, noszōncy titel Oberschlesien & Adam Sztaba Symfonicznie. 26 marca do internetu trefiōł prōmujōncy wydownictwo singel i teledysk „Jadymy durch”, za to piyńć dni niyskorzij ôdbyła sie prymiera wersyje wideo albumu. 13 paździyrnika 2017 roku Oberschlesien zaszpiloł we Starochorzowskim Dōmu Kultury we Chorzowie piyrszy kōncert we nowym skłodzie, co we ônym zaprezyntowoł tyż trzi nowe śpiywki.
26 kwietnia 2019 roku kapela Oberschlesien wydoła nowego singla ô tytule „Frankynsztajn”, kery je przepowiedziōm trzecigo albumu.
Muzyka ôd skupiny Oberschlesien ôpiyro sie na industryjalnym klangu, a inspiracyjōm dlo nij bōła muzyka ôd kapele Rammstein, kero, jak podkryślyli we jednym ze wywiadōw Marcel Różanka i Michał Stawiński je ônych „muzycznym guru”. Piyrszymi śpiywkami, jake czōnki kapele zagrali społym po ônego założyniu, bōły trzi śpiywki ôd Rammstein. Mynij jednak, jak godoł Różanka we inkszym wywiodzie niy ino ta niymiecko grupa posużyła za muster dlo muzyki ônego kapele:
„ | Mojōm nojsrogszōm inspiracyjōm bōły kapele elektrōniczne ze lot 80. Na ônych żech sie wychowoł: Depeche Mode, Kraftwerk, a tyż kapele new romantic. Krōm tego tyż – festelne granie, jak AC/DC, Black Sabbath abo Accept. Jo sie niy zawiyrōm na żodno muzyka, inspiruje mie mocka rzeczy. | ” |
Po pōmianach personalnych ze lutego 2017 roku Marcel Różanka przepowiedzioł, iże grupa zachowie swoje industryjalne klangi, choć baj jy unowocześni i wkludzi do niego elymynta m.in. rapu.
Teksty tworzōne sōm we ślōnskij godce i przede wszyjskim powzimajōm tymatyka zwiōnzano ze Gōrnym Ślōnskym. Majōm za auftrag prōmowanie tego regiōnu, a tyż podsztrychowanie nacechowanych patriotyzmym uczuć wyrażanych dlo ônego ôd czōnkōw skupiny. Take podejście do tworzynio tekstōw przejawioł Marcel Różanka jeszcze przed założyniym kapele, ô czym godoł tak:
„ | Kej żech marzōł ô założyniu kapele Oberschlesien, jeszcze na dugo zatym zaczōn żech szukać muzykōw do tyj idyje, jedno mi przyświecoło, bōło dlo mie jasne i niypodważalne - moja kapela mo szpiloć po ślōnsku i ze reszpektym do ślōnskij tożsamości we wszyjskich aspektach ze tym zwiōnzanych. | ” |
|
|
Rok | Titel | Pozycyjo na wykozie |
---|---|---|
POL | ||
2013 | I
| |
2015 | II
| |
2019 | III
|
Rok | Titel |
---|---|
2017 | Oberschlesien & Adam Sztaba Symfonicznie
|
Rok | Titel |
---|---|
2014 | Oberschlesien Mini DVD
|
2017 | Oberschlesien & Adam Sztaba Symfonicznie
|
Rok | Titel | Pozycyjo na wykozie | Albōm | ||||||||||||||||
---|---|---|---|---|---|---|---|---|---|---|---|---|---|---|---|---|---|---|---|
POL | LP3 | Turbo Top | |||||||||||||||||
2012 | „Hajmat 2012” | — | — | — | — | ||||||||||||||
2014 | „To nie sen” | — | — | 1 | II | ||||||||||||||
2015 | „Król Olch” | — | — | — | |||||||||||||||
„Samotny” | — | 29 | — | ||||||||||||||||
„Orzeł” | — | — | — | ||||||||||||||||
2016 | „Cichociemni” | — | — | — | — | ||||||||||||||
„Futer” | — | — | — | Oberschlesien & Adam Sztaba Symfonicznie | |||||||||||||||
2017 | „Jadymy durch” | — | — | — | |||||||||||||||
2019 | „Frankynsztajn” | — | — | — | III | ||||||||||||||
„—” ôznaczo, iże singel niy bōł spisowany abo niy je ze żodnego albumu. |
Rok | Titel | Reżyseryjo/Ryalizacyjo | Albōm | Zdrzōdło | |||||||||||||||
---|---|---|---|---|---|---|---|---|---|---|---|---|---|---|---|---|---|---|---|
2014 | „To nie sen” | Sławomir Pietrzak | II | ||||||||||||||||
2015 | „Samotny” | ||||||||||||||||||
„Król Olch” | MB Group Films | ||||||||||||||||||
„Orzeł” | S.P. Records | ||||||||||||||||||
2016 | „Cichociemni” | — | |||||||||||||||||
„Futer” | Oberschlesien & Adam Sztaba Symfonicznie | ||||||||||||||||||
2017 | „Jadymy durch” | ||||||||||||||||||
2019 | „Frankynsztajn” | WeddingArt Studio | III | ||||||||||||||||
„—” ôznaczo, iże śpiywka, do keryj nakryncōny bōł teledysk niy je ze żodnego albōmu. |
Rok | Kategoryjo | Nadgroda | Nota |
---|---|---|---|
2012 | IV. edycyjo | Must Be the Music. Tylko muzyka | II. plac |
This article uses material from the Wikipedia Ślůnski article Oberschlesien (kapela), which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). Tekst udostympniany na licyncyji CC BY-SA 4.0, jeźli niy było podano inakszyj. Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki Ślůnski (DUHOCTRUNGQUOC.VN) is an independent company and has no affiliation with Wiki Foundation.