Caruluk atawa kolang-kaling (buah kawung) nyaéta ngaran camilan geunyal wangunna lonyod anu boga warna bodas transparan sarta ngabogaan rasa anu matak seger.
Caruluk anu dina basa Walanda biasa disebut glibbertjes anu sacara harafiah hartina " barang-barang leueur tur leutik " ieu dijieun tina siki tangkal kawung (Arenga pinnata) anu wangunna gepéng sarta geutahan. Pikeun ngajieun caruluk atawa kolang-kaling, para pangusaha caruluk biasana ngaduruk buah kawung nepika cangkangna tutung, saterusna dibeulah geusan dicokot siki na anu engkéna dikulub heula salila sababaraha waktu. Siki anu geus dikulub éta saterusna dikeueuman maké cai apu salila sababaraha poé nepi kapermentasikeun.
Caruluk atawa kolang-kaling ngandung cai loba pisan, nepi ngahontal 93,8% dina unggal 100 gram-na. Ogé ngandung 0,69 gram protéin, 4 gram karbohidrat, sarta kadar lebu kira-kira sa-gram sarta serat dugal 0,95 gram. Salian ngabogaan rasa anu matak seger, ngadahar caruluk ogé ngabantuan ngalancarkeun gawéna saluran cerna jalma. Caruluk mangrupa salah sahiji buah has dina bulan Ramadan anu disuguhkeun dina wangun kolek sarta és buah. Kandungan karbohidrat anu aya dina caruluk bisa méré rasa wareg pikeun jalma anu ngadaharna, sajaba ti éta ogé ngeureunkeun napsu dahar sarta ngabalukarkeun barang dahar jadi ngurangan, ku kituna cocog di dahar minangka kadaharan diét. Caruluk ogé méré mangpaat pikeun ngubaran nyeri ugel - ugelan atawa sendi sarta ngandung kalsium nyaruaan tulang sapi. Kandungan mineral saperti protasium, iron, kalsium sangggup matak nyegerkeun awak sarta ngalancarkeun prosés metabolisme dina awak.
Artikel ieu mangrupa taratas, perlu disampurnakeun. Upami sadérék uninga langkung paos perkawis ieu, dihaturan kanggo ngalengkepan. |
Katefori:Bungbuahan
This article uses material from the Wikipedia Basa Sunda article Caruluk, which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). Eusi nu nyangkaruk ditangtayungan ku CC BY-SA 4.0 iwal lamun disebutkeun béda. Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki Basa Sunda (DUHOCTRUNGQUOC.VN) is an independent company and has no affiliation with Wiki Foundation.