Campedak

Cempedak
Cempedak pelat botani menurut van Nooten
Klasifikasi ilmiah
Karajaan:	Plantae
Divisi:	Magnoliophyta
Kelas:	Magnoliopsida
Ordo:	Urticales
Kulawarga:	Moraceae
Génus:	Artocarpus
Spésiés:	A. integer
Ngaran binomial
Artocarpus integer (Thunb.) Merr.
Sinonim
integrifolia L.f. (1781) [nom. illeg.] champeden (Lour.) Stokes (1812)

Campedak nyaéta tutuwuhan buah kulawarga Moraceae . Wangun buah, rasa katut seungitna saperti nangka, sanajan aromana osok nyegak jiga buah kadu.

Tutuwuhan ieu asalna ti Asia Tenggara, sarta sumebar ti wewengkon Tenasserim di Burma, Semenanjung Malaya, kaasup Thailand, jeung bagian Nusantara: Sumatra, Kalimantan, Sulawesi, Maluku jeung Papua.^[rujukan?] Loba ogé kapanggih di Jawa barat. Dipikawanoh sacara luas minangka nangka atawa campedak, buah ieu ogé mibanda sababaraha ngaran lokal saperti chămpădak (Malayu), towada (Ternate), anahan (Ambon), bangkong (campedak leuweung, bentuk liar di Malaysia), baroh (Kep. Lingga jeung Johor), nangka beurit (Sunda), nongko Cino (Jawa), Cubadak hutan (Minangkabau) tiwadak (Banjar) jeung sajabana.

Sacara alami, campedak liar mindeng kapanggih dina leuweng hujan dataran rendah, boh leuweung primér jeung sekundér.^[rujukan?] Ngembang ka jangkungna kira-kira 1000 m di luhur permukaan laut, tangkal buah ieu sok resepeun daérah-daérah nu boga usum halodo nu teu teges, lahan nu permukaan cai taneuhna déét, jeung komo tahan sasakali kakeueum banjir.

Cempedak biasana dipelak di pakarangan, kebon campuran, nepi ka wanatani kompleks, nu mindeng ngaliar jadi leuweung sekunder.^[rujukan?] Cempedak ogé bisa dikawinkeun sacara alami jeung nangka.