Domínikos Theotokópoulos: Moaler

Hie moalde toufäärme in dän Stil fon ju Skoule fon Kreta, ju dän oolde Ikonen-Stil mäd ju Renaissance fermiskede, leeter, as hie in Venedig un Rom waas, moalde hie in ju Renaissance, in Spanien moalde hie in dän Manierismus un ap't lääste is hie gjucht oainwillich wuden.

Toufäärme waas hie Ikonen-Moaler ap Kreta. Kreta waas in düsse Tied unner ju Heerskup fon ju Republik Venedig, man ju Kultuur fon dät unnergeene byzantienske Riek wierkede noch ätter. Theotokópoulos heerde tou ju Skoule fon Kreta ju do Stile fon ju Renaissance un fon ju oolde Ikonen-Moaleräi ferboont.

Dan geen wonnerde hie uut sien Heemoat uut un look truch do wäästelke Middelmeer-Lounde. Uut düsse Tied kumt uk sin Öökelnoome "El Greco", die hoolich spoansk un hoolich italieensk is:

Uum 1565 begon hie, in ju Wierksteede fon Tiziano Vecellio ("Tizian") in Venedig tou wierkjen un stuude uk unner dän Ienfloud fon Jacopo Bassano un Jacopo Tintoretto. In 1570 geen hie ätter Rom wai, deer in düsse Tied ju Kunst fon Michelangelo in Moude waas. Dät wüül Theotokópoulos nit un look in 1577 toufäärme ätter Madrid, fon deer uut fääre ätter Toledo wai, deer hie bit tou sin Dood tou wierkede.

Foar aal'n dät leete Wierk fon Theotokópoulos is untypisk foar ju Tied. Wan me wäkke fon düsse Bielden sjucht, kon me licht toanke, dät do uut dät twintichste Jierhunnert wieren. Dät kumt deerfon, dät sik in dät 20. Jierhunnert fuul Kunstlere ätter dät leete Wierk fon Theotokópoulos gjuchted häbe.

•  
  Ikone fon ju Äntsläipenge fon Maria, moald foar 1567
•  
  Adoration of the Magi, 1568, Museo Soumaya, Mexico City
•  
  Ju Ounkändigenge - moald fon 1570 - 1575
•  
  Dät Deelbjoor fon dän Greeuwe fon Orgaz, moald 1586 - 1588 tou.
•  
  Ju Eepenenge fon dät füüfte Siegel (Uut ju Eepenbeerenge); moald twiske 1608 un 1614, bloot noch aan Deel fon ju Bielde is ärheelden, dät wichtichste is deer nit moor ap.