Thabo Bester
Thabo Bester (13 Inhlaba 1986) usigebengu lesafohla ejele laseMangaung Correctional Centre eNingizimu Afrika ngemuva kwekwenta shengatsi ufile nga-2022.
Wabaleka cishe umnyaka ngaphambi kwekutsi aboshwe e-Arusha, eTanzania mhlaka 8 Apreli 2023. Waboshwa kanye nemngani wakhe Dokotela Nandipha Magudumana. Bester bekatiwa ngekutsi "ngudlwenguli we-Facebook" futsi wabekwa licala lekudlwengula kanye nekubulala.
| Thabo Bester | |
|---|---|
| Born | Baragwanath, Soweto |
| Died | 13 Inhlaba 1986 |
| Occupation | Bugebengu |
Umlandvo
Bester wadvuma kakhulu ngemisebenti yakhe yebugebengu kanye nekukhohlisa. Ngesikhatsi aboshiwe, bekaphetse inkampani yekwakha lebeyibitwa ngekutsi yi-Arum Properties kanye na-Magudumana, akhohlisa bantfu labanyenti kutsi bakhokhe tigidzi temarandi ngemisebenti yekwakha kepha angawenti umsebenti.
Bekucatjangwa kutsi wafa ngekutibulala esitokisini sasejele ngenyanga yeNkhwenkhweti nga-2022 kwate kwaba luphenyo lolusha lwekushona lolwembula kutsi sidvumbu lesishisiwe lesatfolwa esitokisini lakhe bekungasiso sakhe. Ngemuva kwaloku kwembuleka, kufunwa kwebantfu kwacalwa ngenyanga yeNdlovu nga-2023.
Ngaphambi kwekutsi aboshwe, bekatfolwe anemacala lafaka ekhatsi kubulala kanye nekudlwengula labasikati labetfole nge-Facebook. Wabekwa licala ngemnyaka wa 2012 ngekuhlasela nekubulala Nomfundo Tyhulu, intfombi yakhe. Ngemnyaka wa-2011, watfolwa anelicala lekubaphanga kanye nekudlwengula labanye labasikati lababili. Wagwetjwa kuphila kwakhe konkhe ejele.
Buve
Bester akazange abhaliswe ngalokusemtsetfweni njengesakhamuti sase Ningizimu Afrika ku-Department of Home Affairs. Indvuna yelitiko latasekhaya, Aaron Motsoaledi watsi ngesikhatsi Bester aboshwa eTanzania ngenyanga yaMabasa nga-2023, watfolwa aphetse ipasiphothi yaseMelika ngaphansi kwesitfunti saTom Williams Kelly. Motsoaledi,watsi loku kubangelwe tinkinga letiphatselene nekukhula kwaBester, nekutsi make wakhe, Maria Mabaso, akazange akhone kubhalisa Bester ngemuva kwekumbeleka esibhedlela saseChris Hani Baragwanath mhlaka 13 Inhlaba 1986.
Kubaleka ejele
Bester wafohla e-Mangaung Correctional Services mhlaka 3 Inkhwenkhweti 2022 ngemuva kwekwenta shengatsi ufile ngekubeka sidvumbu esitokisini sakhe sasejele bese uyashisa.
Lokuphuma kwavela ngemuva kwekutsi Litiko Letinsita Letisheshako licinisekise kutsi lesidvumbu lesishisiwe besingasiyo i-DNA lefanako na-Bester.
Inkampani yetekuphepha yangasese, i-Fidelity, yatfumela ku-Facebook kute inikete umklomelo we-R100 000 kunobe nguwuphi umniningwane loholela ekuboshweni nasekuboshweni kwalomuntfu lobitwa ngekutsi ngumdlwenguli we-Facebook.
Tinkomba
This article uses material from the Wikipedia SiSwati article Thabo Bester, which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). Content is available under CC BY-SA 4.0 unless otherwise noted. Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki SiSwati (DUHOCTRUNGQUOC.VN) is an independent company and has no affiliation with Wiki Foundation.