Augustin Bizimungu (watalwa mhlaka 28 Ingci 1952) bekangumholi we Rwandan Armed Forces (FAR).
Ngenyanga yeNdlovu emnyakeni wa 1994, ekucaleni kwe-Rwanda genocide, wakhetfwa njengenhloko yebasebenti bemabutfo waphindze wakhushulelwa esigabeni sekuba yindvuna lenkhulu.
Bizimungu watalelwa esifundzeni sase Byumba, Mukaranje Commune, Mugina Secteur, Nyange Cellule, eRuwanda.
BekangumHutu, Bizimungu bekanesikhundla sekuba li-lieutenant colonel ku-FAR mhlaka 6 Apreli 1994. Ngemuva kwemalanga lambalwa, ngemuva kwekufa kwa Déogratias Nsabimana kanye naJuvénal Habyarimana, Bizimungu wakhushulelwa esikhundleni sekuba yindvuna lenkhulu futsi wabekwa njengenhloko yebasebenti beMabutfo aseRwanda eFAR, esikhundleni saMarcel Gatsinzi.
Ngemuva kwekubaleka kulelive ngemuva kwekuncoba kwe-Rwandan Patriotic Front (RPF), kubikwa kutsi wamemetela kutsi "i-RPF itawubusa lihlane".
Nga-12 April 2002, i-International Criminal Tribunal for Rwanda (ICTR) yakhipha imvumo yekubopha Bizimungu, lobekasebenta nelicembu lemavukela lase-Angola i-UNITA. Nga-Agasti 2002, waboshwa nguhulumende wase-Angola wase uyiswa eNkantolo yeBugebengu beMphi ye-UN eTanzania. Lelicala lahlehliswa kwaze kwaba ngenyanga yeNyoni emnyakeni wa-2008, lapho khona Bizimungu atekwa licala kanye nalamanye ema-FAR Augustin Ndindiliyimana (Inhloko yeLuphiko Lwemaphoyisa), François-Xavier Nzuwonemeye (Commander of the Reconnaissance Battalion of the Rwandan Army) kanye na-Innocent Sagahutu (Second-in-Command of the Recontaissance Battalions of the Rwanda Army). Bizimungu wagwetjwa iminyaka lengemashumi lamatsatfu ejele ngenca yekuhlanganyela kwakhe ekubulaweni kwebantfu mhlaka 17 Inkhwenkhweti 2011.
Bizimungu uvetwe nguFana Mokoena ku-lifilimu lango-2004 i-Hotel Rwanda.
This article uses material from the Wikipedia SiSwati article Augustin Bizimungu, which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). Content is available under CC BY-SA 4.0 unless otherwise noted. Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki SiSwati (DUHOCTRUNGQUOC.VN) is an independent company and has no affiliation with Wiki Foundation.