Ulâštooŋâs

Tot lii Tave-Pohjanmaa eennâmkode kukká.

Ulâštooŋâs Rhododendron tomentosum
Tile	LC (eellimvuáimálâš)
Tile Suomâst	LC (eellimvuáimálâš)
Tieđâlâš luokittâllâm
Doomeen	Sellâvááimusliih Eucarya
Kodde	Šadoh Plantae
Tävgi	Pocceešadoh Tracheophyta
Vyelitävgi	Kukkee šadoh Angiospermae
Luokka	Kyevtalgâlostâsiih Magnoliopsida
Lahko	Ericales
Hiäimu	Toŋâsšadoh Ericaceae
Vyelihiäimu	Ericoideae
Suuhâ	Alppâruusuh Rhododendron
Šlaajâ	tomentosum

Ulâštooŋâs lii 30–100 cm olluv. Ton verdi lii ruškâd já kukáh vielgâdeh. Lieđiloostah láá vittâ. Loovdâloostah láá uáli uceh, já toh láá meid vittâ. Šovoseh láá love. Ulâštooŋâs lii assaasloostâg šaddo. Ton loostah láá 2–5 cm kuheh. Loostah iä koočâ čohčuv, mut šado vyelemuuh loostah šaddeh ruopsâdin. Tälviv toh jorgetteh vuáluskulij já nuuvt suojâleh veerdi puolâšist. Kukkáin já loostâin lii viehâvis haajâ, mii sáttá tovâttiđ motomáid ulmuid uáivipohčâs.

Ulâštooŋâs kukkee kesi-syeinimáánust. Šaddo puáhtá eelliđ 20–30 ihheed.

Ulâštooŋâs šadda maaŋgâlágánijn jeegijn, eromâšávt karrijn.

Ulâštooŋâs lii mirhâlâš šaddo. Tast huolâhánnáá ulmuuh láá kiävttám ulâštoŋŋâs vuolâ njaddon já talhâsin ovdâmerkkân leesmi tiipšon. Ton lasseen tot lii kevttum meid estâdiđ njuámmootaavdâi levânem leevâtmáin šaddoid lättee oolâ já tuástuđ parasiitijd.

• suomâkielân: suopursu
• orjâlâškielân: guohcarássi
• nuorttâlâškielân: olžvueiʹvv

•   Wiki Commonsist láá koveh teikkâ eres tiätuvuárháh fáádást Ulâštooŋâs.