San Francisco lii kaavpug já pirrâdâhkodde Ovtâstum staatâi Kalifornia uásistaatâst.
San Francisco lii Kalifornia kulttuurlâš já ekonomâlâš kuávdáš. Kaavpug lii San Francisco njaargâ keejist. Kuálhismeerâ pirâstit tom viestârpeln já San Francisco luohtâ nuorttiibeln. Luákkáás kaavpug lii eennâmtuárgástâskuávlust. San Francisco lii 17. stuárráámus kaavpug Ovtâstum staatâin já niäljádin stuárráámus Kalifornia kaavpugijn. Ton ässeeloho ive 2020 lâi 873 965. San Francisco luovtâ metropolkuávlust (San Francisco Bay Area) ääsih suullân 8,6 miljovn olmožid. San Francisco kaavpug vijđodâh lii 121 km² já ton ässeesaahâdvuotâ lii suulân 7 194 ässed/km². Espanjaliih vuáđudii San Francisco kesimáánu 29. peeivi 1776. Kaavpug ässeeloho šoodâi jotelávt iivij 1848–1855 Kalifornia kollekurgâlem keežild.
This article uses material from the Wikipedia Anarâškielâ article San Francisco, which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). Sisältö on käytettävissä lisenssillä CC BY-SA 4.0, ellei toisin mainita. Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki Anarâškielâ (DUHOCTRUNGQUOC.VN) is an independent company and has no affiliation with Wiki Foundation.