Matti Valle: Kielâmiäštár
Matti Valle lii anarâš kielâmiäštár, kii lii šoddâm ive 1943.
Sun lii oppâm anarâškielâ eenikielânis, tastko suu eeči já enni sárnoin tom pääihist. Matti lii tääl iäláttuvâst já áásá Njellimist.
Eellim
Matti vietij pärnivuođâs Keđgijäävrist. Suu eeči lâi uástám toonti tobbeen ovdil nube maailmsuáđi, mut sun peesâi huksiđ pääihi perruidis toho iäskán evakkost puáttim maŋa. Toontin sun huksij kyehti tuve, säävni já naavit. Matti juuđij škoovlâ Njellimist. Talle sun aasâi asâttuvâst, tastko škovlâ lâi 12 kilomeetter keččin suu pääihist. Matti máttá mottoom verd meiddei nuorttâlâškielâ, tastko Njellim kuávlust ääsih meiddei nuorttâliih já sun lii kuullâm nuorttâlâškielâ ubâ elimis.
Pargo
Matti lâi pargoost puásuialmajin ive 1979 räi. Tast maŋa sun lâi pargoost rakânâsalmajin – enâmustáá šaldepargoin. Sun lâi pargoost rakânâsalmajin meiddei kulmâ ive Leningradist, kost sun lâi fáárust Hooteel Astoria tivomist. Tobbeen Matti oopâi mottoom verd ruošâkielâ, tastko suu hovdâ lâi pálkkááttâm ruošâkielâ máttáátteijee.
Käldeeh
This article uses material from the Wikipedia Anarâškielâ article Matti Valle, which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). Sisältö on käytettävissä lisenssillä CC BY-SA 4.0, ellei toisin mainita. Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki Anarâškielâ (DUHOCTRUNGQUOC.VN) is an independent company and has no affiliation with Wiki Foundation.