Lea Airi Sinikka Pennanen-Mattila (roovvâdmáánu 16.
Lea Pennanen | |
---|---|
Šoddâm | roovvâdmáánu 16. peeivi 1929 Ihantala, Suomâ |
Jáámmám | uđđâivemáánu 24. peeivi 2019 (89-ihásâžžân) Vantaa, Suomâ |
Pargo | |
Áámmát | kirječällee, jurgâleijee já radiotoimâtteijee |
Noomah | Lea Airi Sinikka Pennanen-Mattila |
Kirjálâšvuođâ šlaajâ | párnáikirjálâšvuotâ |
Kielâ | suomâkielâ |
Peerâ | |
Vanhimeh | Leo Pennanen (1904–1991) já Irja Pennanen (j.s. Airio, 1904–1999) |
Pelikyeimi | Sampo Sovijärvi |
Párnááh | Sini Sovijärvi |
Lea Airi Sinikka Pennanen šoodâi roovvâdmáánu 16. peeivi 1929 Ihantalast, Viibur táálunkieldâst, Suomâst. Suu eeči lâi syemmilâš ruávást já kietâčáláldâhtotkee Leo Kalervo Henrik Pennanen (1904–1991), já suu enni lâi aalmugškovlâmáttáátteijee Irja Kyllikki Pennanen (j.s. Airio, 1904–1999). Lea lâi Leo já Irja vuosâpärni. Maŋeláá šoddii vala viljâ Jyrki Pennanen (1933–2012) já kyehti uábi Outi Pennanen (š. 1937) já Maarit Pennanen (1949–1949).
Pennanen-suuvâst láá lamaš maaŋgah kulttuursyergi ulmuuh. Ovdâmerkkân Lea siäsá lâi syemmilâš kirječällee já jurgâleijee Eila Pennanen, suu äijih uábbi lâi kirječällee Ain'Elisabet Pennanen, já Ain'Elisabet alge lâi kirječällee Jarno Pennanen. Lea já lávlumjuávhui hovdâ já radio muusiktoimâtteijee Sampo Sovijärvi (1920–1991) naajáin, já sunnui šoodâi nieidâ Sini Sovijärvi ive 1952.
Lea Pennanen rávásmij Pyynikki pappâlist já juuđij Tampere ohtsâšškoovlâ. Sun čaalij pajeuáppen Kannasii ohtsâšlyseost Lahtist ive 1949. Tast maŋa sun luvâškuođij kirjálâšvuođâ Helsig ollâopâttuvvâst, mast sun valmâštui filosofia maisterin ive 1951.
Pennanen porgâškuođij Yleisradiost ive 1957 párnáiohjelmij toimâtteijen. Tobbeen sun poorgâi toimâtteijen, pyevtitteijen já stivrejeijen ive 1992 räi. Iivij 1975–90 sun tooimâi párnáiohjelmij hovdân. Pennasii ohjelmijn láá algâttâm karrieeris maaŋgah tobdos syemmiliih tegu Matti Pellonpää já Seppo Hovi.
Pennasii tobdosumos kirje lii Maija Karma kuvvim suomâkielâg kirje Piilomaan pikku aasi, mast rahtui siämmáánommâsâš televisioráiđu ive 1977 já mast lii finnim inspiraatio Seinäjoki kaavpugkirjerááju uđđâ váldukirjerááju Apila-párnáiuásádâh.
Jieijâs kiirjij lasseen Pennanen meid jurgâlij párnáikirjálâšvuođâ ei. saksa- já ruotâkielâst suomâkielân.
This article uses material from the Wikipedia Anarâškielâ article Lea Pennanen, which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). Sisältö on käytettävissä lisenssillä CC BY-SA 4.0, ellei toisin mainita. Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki Anarâškielâ (DUHOCTRUNGQUOC.VN) is an independent company and has no affiliation with Wiki Foundation.