جام شوکتؔ عزیز شوکت شہر فاضلپور ضلع راجنپور دے نوجوان سرائیکی شاعر ہن.
بی ایس سی تک تعلیم ہنیں. سرائیکی ادیب , دانش ور سئیں جاوید آصف (مصنف لئ ہار, کھارے چڑھدی سک تے سرائیکی متھالوجی) کولو اصلاح گھندن. سکول ٹیچر ہن.
ساݙی وستی جئے ھَن پتھر
لوکیں شئیت رہائے ھَن پتھر
میں جو تیݙی تات ھئ چولی
چارے پاسوں آئے ھَن پتھر
ݙیکھ آ میکوں لڳدے ھانی
لہو لہو کیویں تھئے ھَن پتھر
میݙی حالت ݙیکھ کرائیں
شودے روندے ڳئے ھَن پتھر
آخر اساں پتھر ٻݨ ڳیوں
ساݙے حق ہمسائے ھَن پتھر
پہلے مر پئیں شوکتؔ مرِیں
اڄاں راہندے پئے ھَن پتھر
درد حد توں ودھ ڳیا ھ دِلرُبا
تیݙے ہتھ وِچ ھُݨ شِفا ھ دِلرُبا
تھی سڳی تاں ھُݨ میکوں دیدار ݙے
مونجھ تیݙی بـے بہا ھ دِلرُبا
دم نکلدا ھِ خوشی کولوں میݙا.
تئیں جو میکوں آکھیا ھ دِلرُبا
ضد کریندے تیکوں ݙہدا رہ ونڄاں
میݙا دل وی بادشاہ ھ دِلرُبا
توں نا نظرِیں چین نئیں مِلدا میکوں
کجھ نا کجھ تاں تھی ڳیا ھ دِلرُبا
آپ ݙس ھاں کلہا شوکتؔ کیا کرے
مونجھ دا ہک قافلہ ھ دِلرُبا
ناں مِلِـــــــیں تاں یار تیݙی مرضی اے
مِلݨ دِیاں صُورتاں تاں ڈھیر ساریاں ھِن.
توں میݙی سَب توں وݙی ضرورت ہئیں
اونویں ضرورتاں تاں ڈھیر ساریاں ھِن.
کون کہیں کوں کُئ شئے ݙیندے
اساں ݙِتے اوکوں دِل
صِلہ ڳے ھُݨ مِل
This article uses material from the Wikipedia سرائیکی article ڄام شوکت عزیز, which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). Content is available under CC BY-SA 4.0 unless otherwise noted. Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki سرائیکی (DUHOCTRUNGQUOC.VN) is an independent company and has no affiliation with Wiki Foundation.