سویٹزر لینڈ ہک یورپی ملک ہے جیہڑا جغرافیائی اعتبار نال ہک طرف کوہِ الپس دی خوبصورت وادیاں تے ݙوجھی طرف ایورہ دی اچی جکی پہاڑیاں وچ واقع ہے۔ ایہ ملک 21 ہزار 265 مربع کلو میٹر یا 15 ہزار 940 مربع میل رقبے تے محیط ہے۔ زیادہ تر علاقہ الپس (ALPS) دے خوش منظر پہاڑاں وچ گھرا ہے۔ ملک دی مجموعی آبادی 2015ء کوں ہک اندازے دے مطابق تقریباً 8 ملین ہے۔ آبادی دا بیشتر حصہ سطح مرتفع تے قائم وݙے شہراں وچ سکونت پزیر ہے۔ بین الاقوامی شہرت دے حامل ݙو شہراں یعنی زیورخ تے جنیوا کوں ملک دے اقتصادی مراکز دی حیثیت حاصل ہے۔ ملک دا قومی ݙینہ ہر سال یکم اگست کوں منایا ویندا ہے جیہڑا روایتی طور تے ریاست دے قیام دا ݙینہ سمجھا ویندا ہے یعنی سوئس کنفیڈریشن دا قیام یکم اگست 1291ء کوں عمل وچ آیا چنانچہ یکم اگست ملک دا قومی ݙینہ قرار پایا۔ سوئٹزرلینڈ فی کس آمدنی دے لحاظ نال دنیا دے خوشحال ممالک وچ شمار کیتا ویندے۔
سوئٹزرلینڈ وچ جرمن، فرانسیسی تے اطالوی زباناں رائج ہن تاہم رومانین بولݨ والے وی گھٹ نی۔ اِنہاں مختلف لسانی تے ثقافتی اکائیاں دے باوجود سوئس قوم دے اتحاد دی بڑی وجہ ہک مشترک عظیم الشان تاریخی پس منظر ہے۔
This article uses material from the Wikipedia سرائیکی article سویٹزر لینڈ, which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). Content is available under CC BY-SA 4.0 unless otherwise noted. Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki سرائیکی (DUHOCTRUNGQUOC.VN) is an independent company and has no affiliation with Wiki Foundation.