نائن الیون سانحہ 11 ستمبر

نقصانات

اس حملے وچ انسانی جاناں دا ہک عظیم نقصان تھیا ۔

اس دے نال ہی امریکا تے اس دے حامیاں کوں مالی بحران دا شکار رہوݨا پیا ۔ عالمی مارکیٹ کریش تھیوݨ شروع تھی گئی ۔ جیہڑی چویہہ گھنٹیاں بعد کہیں حد تک سنبھلݨ لگی ہئی ۔

حملیاں دی اطلاع عام تھیندے ہی عالمی منڈی وچ تیل تے سونے دی قیمتاں وچ فوری اضافہ تھی گیا تے یورپی کرنسی یورو دے مقابلے وچ ڈالر کوں نقصان پہنچا ۔ لندن دی مارکیٹ وچ اگلے مہینے یعنی اکتوبر کیتے تیل دی قیمتاں 27۔26 ڈاٹر توں ودھ کے 30 اعشاریہ 10 ڈالر تک ونج پہنچیں جب کہ نیو یارک وچ تیل دی مارکیٹ حملیاں دی اطلاع دے نال ہی بند تھی ڳئی ۔

اس طرح سونے دی قیمت وچ لگ بھگ 19 ڈالر فی اونس دا اضافہ تھی گیا۔

دنیا بھر دی مالیاتی منڈیاں افراتفری دا شکار تھی گئیںاں ۔ دنیا دا سب توں وݙا اسٹاک ایکسچینج نیویارک بند کر ݙتا گیا ۔ برطانیہ وچ لندن اسٹاک ایکسچینج کوں خالی کرا گھدا گیا ۔ جرمنی ، پیرس ، ٹوکیو ، بون تے ماسکو وغیرہ دی مارکیٹاں وچ بھاری خسارہ تھیا ۔

تباہی دے نتیجے وچ انشورنس کمپنیاں نے نقصان دا تخمینہ 15 ارب ڈالر تک لایا ۔

ورلڈ ٹریڈ سینٹر دے جاڑے عمارتاں وچ سینکڑاں تجارتی دفاتر ، سرکاری ، نیم سرکاری ایجنسیاں دے مراکز تے عالمی تنظیماں دے دفاتر ہن ۔ ہر ہک ٹاور وچ 21 ہزار شیشے دیاں کھڑکیاں، ہر ٹاور وچ 95 لفٹس ہن۔ تریہہ سال پہلے تعمیر تھیوݨ والی ایہ عمارت اسٹیل تے کنکریٹ دا ہک بے پناہ اسٹرکچر ہئی ۔ جس دا ملبہ صاف کرݨ تے بچ ونجݨ والیاں کوں باہر کڈھݨ وچ کئی ݙینہہ تے بے پناہ کوشش صرف تھئی.